माझी बातमी MB NEWS

पर्यावरण मंत्री पंकजा मुंडे यांच्या सूचनेवरून परळीत पर्यावरणपूरक गणेश विसर्जनासाठी कृत्रिम तलाव निर्मिती; भाजपा नगरसेवकांचे श्रमदान परळी वैजनाथ: प्रतिनिधी पर्यावरण मंत्री ना. पंकजा मुंडे यांच्या सूचनेनुसार यंदाच्या गणेशोत्सवात जलप्रदूषण रोखण्यासाठी परळी नगरपरिषदेच्या वतीने पर्यावरणपूरक विसर्जन व्यवस्था करण्यात येत आहे. याचाच एक भाग म्हणून ज्योतिर्लिंग प्रभू वैद्यनाथ मंदिर परिसरातील हरिहर तीर्थासमोर गणेश विसर्जनाची कृत्रिम तलाव निर्मिती सुविधा करण्यात आली आहे. भाजपा नगरसेवकांनी या कामाची प्रत्यक्ष पाहणी करून परिसरात स्वच्छता व तयारीसाठी स्वतः श्रमदान केले. यंदा पाऊस कमी असल्याने नैसर्गिक जलस्रोतांचे संरक्षण करणे गरजेचे आहे. धार्मिक भावना जपत नागरिकांनी नगरपरिषदेने उपलब्ध करून दिलेल्या या पर्यावरणपूरक विसर्जन व्यवस्थेचा लाभ घ्यावा, असे आवाहन भाजपा नगरसेवकांच्या वतीने करण्यात आले आहे. यामध्ये महिला बालकल्याण सभापती सौ. अंजलीताई माळी लोखंडे, अश्विन मोगरकर, राहुल केंद्रे, केशव नागरगोजे आणि अश्विनकुमार आघाव यांचा समावेश होता. या पाहणीदरम्यान विसर्जनाची व्यवस्था, नागरिकांची...

परळीतील संशोधक युवकाच्या ‘स्मार्ट शेती’ संकल्पनेतील उपकरण डिझाईनला केंद्राची मान्यता ! प्रा.डॉ.गिरीश चाटे यांच्या मृदा प्रतिमा ओळख व पीक शिफारस उपकरण डिझाइनला भारत सरकारचे पेटंट परळी वैजनाथ : प्रतिनिधी     शेतीमध्ये आधुनिक तंत्रज्ञानाचा वापर करून शेतकऱ्यांना अधिक सक्षम करण्याच्या दिशेने महत्त्वपूर्ण प्रयत्न सुरू आहेत.  ‘डीप लर्निंग-बेस्ड सॉईल इमेज रिकग्निशन अँड क्रॉप रिकमेंडेशन डिव्हाइस’ या उपकरणाच्या डिझाइनची भारत सरकारच्या पेटंट, डिझाइन आणि ट्रेडमार्क कार्यालयाकडे नोंदणी करण्यात आली आहे. या नोंदणीचे प्रमाणपत्र गिरीश दशरथ चाटे  यांच्या नावावर जारी करण्यात आले आहे. यामुळे परळीतील युवकाच्या ‘स्मार्ट शेती’ संकल्पनेला केंद्राची मान्यता मिळाली आहे.गिरीश दशरथ चाटे यांच्या मृदा प्रतिमा ओळख व पीक शिफारस उपकरण डिझाइनला भारत सरकारचे पेटंट मिळाल्याबद्दल सर्व स्तरातून अभिनंदन होत आहे.         भारत सरकारच्या वाणिज्य व उद्योग मंत्रालयांतर्गत कार्यरत असलेल्या पेटंट कार्यालयाने गिरीश चाटे यांच्या या डिझाइनला नुकतेच पेटंट प्रमाणपत्र जारी केले आहे. या उपकरणाच्या न...

श्री गणेश मंडळाच्या रक्तगट व आरोग्य तपासणी शिबिरास उत्स्फूर्त प्रतिसाद ४७ जणांची रक्तगट तपासणी; ३० जणांची बीपी तर २५ जणांची शुगर तपासणी परळी वैजनाथ (संजय क्षिरसागर) - येथील हनुमान मंदिर, सुभाष चौक परिसरातील श्री गणेश मंडळाच्या वतीने सामाजिक बांधिलकी जपत रक्तगट व आरोग्य तपासणी शिबिराचे आयोजन करण्यात आले. या उपक्रमास परिसरातील नागरिकांनी उत्स्फूर्त प्रतिसाद देत मोठ्या संख्येने सहभाग नोंदविला. मंगळवार, दि.२२ रोजी आयोजित करण्यात आलेल्या या शिबिरात ४७ नागरिकांची रक्तगट तपासणी, ३० जणांची रक्तदाबाची (बीपी) तपासणी, तर २५ जणांची रक्तातील साखरेची (शुगर) तपासणी करण्यात आली. नागरिकांना आपल्या आरोग्याची प्राथमिक माहिती एकाच ठिकाणी मिळाल्याने या उपक्रमाचे सर्वत्र कौतुक होत आहे. शिबिराचे उद्घाटन परळी शहरातील प्रसिद्ध स्त्रीरोग तज्ज्ञ डॉ. प्रज्ञा ढाकणे तसेच समाजसेवक मुन्ना भैया बागवाले यांच्या हस्ते फीत कापून करण्यात आले. यावेळी उपस्थित मान्यवरांनी श्री गणेश मंडळाच्या कार्यकर्त्यांनी सामाजिक उपक्रमातून जपलेली सेवाभावाची परंपरा कौतुकास्पद असल्याचे सांगत, अशा आरोग्यविषयक उपक्रमांची सातत्याने गरज असल्य...

ना.पंकजा मुंडेंची यशस्वी मध्यस्थी ; माजलगांव धरणाची उंची वाढविण्याचा निर्णय स्थगित ना. पंकजा मुंडेंच्या पुढाकाराने विखे पाटील यांनी घेतली मंत्रालयात बैठक ; युवा शेतकरी संघर्ष समितीने मानले आभार मुंबई दि. २२ ---- राज्याच्या पर्यावरण व पशुसंवर्धन मंत्री ना.पंकजा मुंडे यांनी घेतलेल्या पुढाकारामुळे  माजलगांव (जि.बीड) धरणाची उंची वाढविण्याचा सरकारने घेतलेला निर्णय  स्थगित केला आहे, याबाबत फेर सर्वेक्षण करून नंतरच निर्णय घेतला जाईल असे जलसंपदा मंत्री राधाकृष्ण विखे पाटील यांनी बैठकीत स्पष्ट केले. दरम्यान, हा निर्णय स्थगित केल्याबद्दल युवा शेतकरी संघर्ष समितीने ना. पंकजा मुंडे तसेच विखे पाटील यांचे आभार मानले आहेत.     राज्य सरकारने माजलगांव धरणाची उंची वाढविण्याचा निर्णय घेतला होता यामुळे धरण परिसरातील बावीस गावच्या शेतकऱ्यांनी गेल्या काही दिवसांपासून युवा शेतकरी संघर्ष समितीच्या माध्यमातून हा निर्णय रद्द व्हावा यासाठी आंदोलन सुरू केले होते, काही दिवसापूर्वी जलसमाधी आंदोलनही त्यांनी केले होते. या आंदोलक शेतकऱ्यांनी माजलगांव मधील भाजपच्या स्थानिक पदाधिकाऱ्यां मार्फत ना. पंक...

पशुसंवर्धन कर्मचाऱ्यांच्या प्रलंबित प्रश्नांवर मंत्री ना. पंकजाताई मुंडे यांचे सकारात्मक निर्णय पशुधन पर्यवेक्षक, सहाय्यक पशुधन विकास अधिकारी संवर्गातील कर्मचाऱ्यांना कायम प्रवास भत्ता लागू करण्याबाबत लवकरच निर्णय मुंबई, दि. २२ : पशुधन पर्यवेक्षक / सहाय्यक पशुधन विकास अधिकारी संवर्गातील कर्मचाऱ्यांना दरमहा वेतनातून कायम प्रवास भत्ता लागू करण्यासंदर्भात सकारात्मक असून लवकरच निर्णय घेण्यात येणार आहे. तसेच राज्यात 10 वी नंतर दोन वर्षांचा पदविका अभ्यासक्रम बंद करून 12 वी विज्ञान नंतर दोन वर्षाचा पशुविज्ञान विषयासह पदविका अभ्यासक्रम चालू करण्यासंदर्भात तपासून निर्णय घेण्यात येईल, असे पशुसंवर्धन मंत्री पंकजाताई मुंडे यांनी आज येथे सांगितले. पशुधन पर्यवेक्षक, सहायक पशुधन विकास अधिकारी आणि पशुधन विकास अधिकारी गट ब संवर्गातील कर्मचाऱ्यांच्या प्रलंबित प्रश्नांबाबत पशुसंवर्धन मंत्री पंकजाताई मुंडे यांच्या अध्यक्षतेखाली मंत्रालयात बैठक झाली. यावेळी क्षेत्रीय कर्मचाऱ्यांचा कायम प्रवास भत्ता, पदांचे तर्कसंगत वाटप, पदोन्नती, रिक्त पदभरती, पदविका अभ्यासक्रमाचा दर्जा, तालुका स्तरावरील अधिकार तसेच पशुवै...

श्री गणेश मंडळाच्या रक्तदान शिबिरात २५ युवकांचे रक्तदान परळी वैजनाथ (प्रतिनिधी ) - येथील हनुमान मंदिर, सुभाष चौक परिसरातील श्री गणेश मंडळाच्या वतीने रविवार, दि. २० सप्टेंबर २०२६ रोजी सामाजिक बांधिलकी व सेवाभाव जपत रक्तदान शिबिर तसेच महाप्रसादाचे आयोजन करण्यात आले. या उपक्रमाला नागरिकांचा उत्स्फूर्त प्रतिसाद मिळाला. सकाळी १० ते दुपारी २ वाजेपर्यंत आयोजित करण्यात आलेल्या रक्तदान शिबिरात २५ युवकांनी स्वयंस्फूर्तीने रक्तदान करून सामाजिक बांधिलकी जपली. “रक्तदान हेच श्रेष्ठ दान—रक्तदान करून जीवनदान द्या” या संदेशाने प्रेरित होऊन युवकांनी मोठ्या संख्येने सहभाग नोंदविला. रक्तदान शिबिरानंतर दुपारी १ ते ४ वाजेपर्यंत महाप्रसादाचे आयोजन करण्यात आले होते. परिसरातील नागरिकांसह शहरातील अनेक भाविकांनी महाप्रसादाचा लाभ घेतला. संपूर्ण कार्यक्रम भक्तिमय आणि उत्साहपूर्ण वातावरणात पार पडला. रक्तदान हे केवळ रक्तदान नसून गरजू रुग्णाच्या जीवनासाठी मोलाचे योगदान देण्याचे कार्य आहे. त्यामुळे युवकांसह नागरिकांनी भविष्यातही अशा सामाजिक उपक्रमांमध्ये उत्स्फूर्तपणे सहभागी व्हावे, असे आवाहन आयोजकांच्या वतीने करण्यात...

श्री गणेश मंडळातर्फे आज रक्तगट तपासणी शिबिराचे आयोजन परळी वैजनाथ (संजय क्षिरसागर) - येथील हनुमान मंदिर, सुभाष चौक परिसरातील श्री गणेश मंडळाच्या वतीने मंगळवार, दि. २२ सप्टेंबर २०२६ रोजी दुपारी १२ ते ४ वाजेपर्यंत रक्तगट तपासणी (आरोग्य तपासणी) शिबिराचे आयोजन करण्यात आले आहे. गणेशोत्सवाच्या निमित्ताने सामाजिक बांधिलकी जपत श्री गणेश मंडळाने या आरोग्यविषयक उपक्रमाचे आयोजन केले आहे. नागरिकांना आपल्या रक्तगटाची माहिती असणे अत्यंत आवश्यक असून, भविष्यात आपत्कालीन परिस्थितीत रक्ताची गरज भासल्यास ही माहिती उपयुक्त ठरू शकते. त्यामुळे परिसरातील नागरिकांनी या शिबिराचा लाभ घ्यावा, असे आवाहन मंडळाच्या वतीने करण्यात आले आहे. हनुमान मंदिर, सुभाष चौक, परळी वैजनाथ येथे हे शिबिर होणार असून, नागरिकांनी मोठ्या संख्येने सहभागी होऊन आरोग्य तपासणी करून घ्यावी, तसेच या सामाजिक उपक्रमास सहकार्य करावे, असे आवाहन आयोजकांनी केले आहे.

वडिलांकडून चित्रकलेचा वारसा; छायाचित्रकारांच्या मंडळात सहभागी होताना मनोमन आनंद - नगराध्यक्षा पद्मश्रीताई धर्माधिकारी छायाचित्रकार संघटनेच्या गणेशोत्सवात नगराध्यक्षा पद्मश्रीताई धर्माधिकारी यांच्या हस्ते आरती परळी वैजनाथ :  प्रतिनिधी....       माझ्या वडिलांकडून आमच्या घरात चित्रकलेचा वारसा मिळाला. ते कला शिक्षक आणि छायाचित्रकार होते. त्यामुळे छायाचित्रकारांच्या मंडळात सहभागी होताना मला मनोमन आनंद होत असून, या क्षेत्राशी माझे विशेष जिव्हाळ्याचे नाते आहे अशा भावनिक शब्दांत नगराध्यक्षा सौ. पद्मश्रीताई बाजीराव धर्माधिकारी यांनी आठवणींना उजाळा दिला.       छायाचित्रकार संघटना, परळी वैजनाथ यांच्या वतीने मराठवाड्यातील पहिल्याच अशा स्वरूपाच्या श्रीगणेश उत्सवाचे आयोजन करण्यात आले आहे. या गणेशोत्सवानिमित्त आयोजित श्रीआरतीसाठी नगराध्यक्षा पद्मश्री धर्माधिकारी तसेच विद्यमान नगरसेवक महादेव रोडे यांना निमंत्रित करण्यात आले होते. यावेळी श्रीआरतीनंतर उपस्थितांशी संवाद साधताना नगराध्यक्षा धर्माधिकारी वडिलांच्या आठवणीत रमून गेल्या. या गणेशोत्सवासाठी छायाचित्रकार संघटनेने...

अखिल भारतीय विज्ञान मेळाव्यात डॉ. झाकीर हुसेन उर्दू विद्यालयाचा यशस्वी सहभाग परळी (प्रतिनिधी): विद्यार्थ्यांमध्ये वैज्ञानिक दृष्टिकोन, संशोधन आणि नाविन्यपूर्ण कल्पनांना प्रोत्साहन देण्यासाठी बीड येथे जिल्हास्तरीय 'अखिल भारतीय विद्यार्थी विज्ञान मेळाव्याचे' आयोजन करण्यात आले होते. या मेळाव्यात बीड जिल्ह्यातील एकमेव उर्दू शाळा डॉ. झाकीर हुसेन उर्दू माध्यमिक व उच्च माध्यमिक विद्यालयाने आपला उत्स्फूर्त सहभाग नोंदवला. मेळाव्याचे आयोजन आणि उद्दिष्टेहा मेळावा १५ सप्टेंबर २०२६ रोजी सकाळी ११ वाजेपासून बीड येथील राजस्थानी प्राथमिक व माध्यमिक विद्यालयात पार पडला. या जिल्हास्तरीय स्पर्धेत जिल्ह्यातील प्रत्येक तालुक्यातून दोन शाळांची निवड करण्यात आली होती.या मेळाव्याची मुख्य उद्दिष्टे खालीलप्रमाणे होती: विद्यार्थ्यांमध्ये वैज्ञानिक कार्यकारणभाव समजावून सांगून विश्लेषणात्मक विचारांची जागृती करणे.स्पर्धात्मक वैज्ञानिक दृष्टिकोन वाढवून भावी वैज्ञानिकांना त्यांच्या विचारांच्या आदान-प्रदानाची संधी देणे. देशातील प्रज्ञावान युवकांमध्ये राष्ट्रीय एकात्मतेची भावना दृढ करणे. शेख मासीरा हिचे प्रभावी स...

शून्यातून विश्व निर्माण करणाऱ्या पाच भावंडांच्या जिद्दीला ‘मराठवाडा रत्न’ पुरस्कार प्रदान  प्रसिद्ध अभिनेत्री वर्षा उसगावकर यांच्या हस्ते गौरव छत्रपती संभाजीनगर: प्रतिनिधी  येथील ‘द ट्रिट इंपीरियल हॉटेल’ (The Treat Imperial Hotel) येथे Reseal.in या संस्थेच्या वतीने नुकताच अत्यंत दिमाखदार पुरस्कार सोहळा पार पडला. या सोहळ्यात सौर ऊर्जा क्षेत्रात उल्लेखनीय व पथदर्शी कामगिरी करणाऱ्या PBR Construction & Renewable Energy Pvt. Ltd. या ‘मराठवाडा रत्न’ पुरस्कार प्रदान करण्यात आला. मराठी चित्रपटसृष्टीतील लोकप्रिय व प्रसिद्ध अभिनेत्री वर्षा उसगावकर यांच्या हस्ते आणि मान्यवरांच्या उपस्थितीत हा पुरस्कार प्रदान करण्यात आला. शून्यातून विश्व निर्माण कसे करावे, याचे उत्तम उदाहरण म्हणजे PBR Construction & Renewable Energy Pvt. Ltd. ची वाटचाल आहे. कोणतीही मोठी पार्श्वभूमी नसताना, केवळ पाच भावंडांनी केलेल्या अफाट मेहनत, जिद्द आणि अतुट एकीच्या बळावर हा व्यवसाय उभा केला आहे. सुरुवातीच्या काळात अनेक आव्हानांचा सामना करत त्यांनी आपली सुरुवात केली. आज ही कंपनी सौर ऊर्जा (Solar Energy) क्षेत्रा...

आश्वासनाची पूर्ती ; ना. पंकजाताई मुंडेंनी मानले केंद्रीय मंत्री नितीन गडकरींचे आभार बर्दापूर ते लोखंडी सावरगांव रस्त्याचे रुंदीकरण होणार; १०४ कोटीची निविदा प्रसिद्ध बीड।दिनांक १६। परळी मतदारसंघातील बर्दापूर ते लोखंडी सावरगांव रस्ता रुंदीकरणाला आता गती येणार असून यासाठी १०४ कोटीची निविदा  तरतूद आराखड्यात करण्यात आली आहे, या कामासाठी जनतेला दिलेल्या आश्वासनाची पूर्ती केल्याबद्दल राज्याच्या पर्यावरण व पशुसंवर्धन मंत्री ना.पंकजाताई मुंडे यांनी केंद्रीय रस्ते वाहतूक मंत्री नितीन गडकरी यांचे आभार मानले आहेत.    निवडणुक प्रचाराच्या वेळी ना. पंकजाताई मुंडे यांनी केंद्रीय मंत्री नितीन गडकरी यांच्या सभेत  बर्दापुर ते लोखंडी सावरगाव रस्त्याचे रुंदीकरण करावे अशी मागणी केली होती, हा रस्ता अरूंद असल्याने यावर वारंवार अपघात झाले होते, त्यामुळे ही मागणी पुढे आली होती, यावर गडकरी यांनी रस्त्यासाठी लवकरच निधी देऊन काम सुरू करू असे आश्वासन दिलं होते. ना.पंकजाताईंनी या मागणीसाठी गडकरी यांची काही महिन्यापुर्वी दिल्ली येथे भेटही घेतली होती. रस्ते वाहतूक व महामार्ग मंत्रालय, भारत सरकार यां...

परळी मतदारसंघातील लोखंडी सावरगाव ते बर्दापूर फाटा रस्ता आता होणार चौपदरी, धनंजय मुंडेंच्या मागणीला यश केंद्रीय मंत्री नितीन गडकरींची मंजुरी आणि १०४ कोटी रुपयांच्या कामाची निविदा प्रसिद्ध अपघातांची वाढती संख्या लक्षात घेत धनंजय मुंडेंनी दिल्लीत नितीन गडकरी यांच्याकडे केली होती मागणी परळी वैद्यनाथ (प्रतिनिधी) - परळी वैद्यनाथ विधानसभा मतदारसंघातील बीड व लातूर जिल्ह्यांना जोडणाऱ्या राष्ट्रीय महामार्ग क्र. ५४८ - ब मधील लोखंडी सावरगाव ते लातूर रोडवरील बर्दापूर फाटा या दोन पदरी रस्त्याचे आता चौपदरीकरण होणार असून, माजी मंत्री आ. धनंजय मुंडे यांनी यासाठी यशस्वी पाठपुरावा केला.  केंद्रीय रस्ते वाहतूक मंत्री नितीन गडकरी यांनी या कामास धनंजय मुंडे यांच्या मागणीनुसार मंजुरी दिली असून सुमारे १७.५० किमी लांबीच्या चौपदरीकरण कामासाठी १०४.४९ कोटी रुपये निधी मंजूर करण्यात आला आहे, तसेच या कामाची निविदा प्रसिद्ध करण्यात आली असल्याने लवकरच कामाला प्रत्यक्ष सुरुवात होणार आहे.  वाढती भरधाव वाहतूक आणि रस्त्यालगतची गावे यामुळे बीड व लातूर या दोन जिल्ह्यांना जोडणाऱ्या या प्रमुख राष्ट्रीय महामार्गावरील ...

शिवसेनेचे बीड लोकसभा संपर्कप्रमुख अशोक सपकाळ यांचा परळी येथे सत्कार श्री प्रभू वैद्यनाथ व योगेश्वरी देवीचे दर्शन घेत बीड जिल्ह्यातील दुष्काळाचे संकट दूर होण्यासाठी साकडे परळी वैजनाथ : शिवसेना उद्धव बाळासाहेब ठाकरे पक्षाचे बीड लोकसभा संपर्कप्रमुख अशोक सपकाळ यांनी परळी वैजनाथ येथे भेट दिली. यावेळी शिवसेनेच्या उपनेत्या प्रा. सुषमा ताई अंधारे यांच्या संपर्क कार्यालयात त्यांचा शाल, श्रीफळ, हार व पुष्पगुच्छ देऊन सत्कार करण्यात आला. यावेळी शिवसेनेचे मा. जिल्हाप्रमुख रत्नाकर शिंदे, उपजिल्हाप्रमुख नारायण सातपुते, तालुकाप्रमुख भोजराज पालीवाल, उपतालुकाप्रमुख महेश केंद्रे, बीड जिल्हा महिला संघटक मीरा ताई नवले यांच्यासह शिवसेनेचे पदाधिकारी व शिवसैनिक मोठ्या संख्येने उपस्थित होते. सत्कारानंतर अशोक सपकाळ यांनी परळी वैजनाथ येथील श्री प्रभू वैद्यनाथ मंदिरात जाऊन दर्शन घेतले. तसेच योगेश्वरी देवीचेही दर्शन घेण्यात आले. यावेळी बीड जिल्ह्यावर आलेले दुष्काळाचे संकट दूर व्हावे, शेतकरी व सर्वसामान्य जनतेला दिलासा मिळावा आणि जिल्ह्यात सुख-समृद्धी नांदावी, यासाठी श्री प्रभू वैद्यनाथ व योगेश्वरी देवीला साकडे घाल...

पावसासाठी परळीत मुस्लिम बांधवांची सामूहिक दुआ आणि नमाज ; सलग तीन दिवस इस्तिस्का नमाज आभाळाकडे डोळे, अल्लाहकडे साकडे; पावसासाठी मुस्लिम बांधवांची दुवा परळी : राज्यातील अनेक भागांत पावसाने ओढ दिल्याने शेतकरी चिंतेत सापडला आहे. पावसाअभावी शेतीपिकांवर संकट निर्माण झाले असताना परळी शहरात मुस्लिम बांधवांनी पावसासाठी सामूहिक प्रार्थनेचा आधार घेतला आहे. परळी येथील ईदगाह मैदानावर सलग तीन दिवसांपासून ‘नमाझ-ए-इस्तिस्का’ आणि विशेष दुआ आयोजित करण्यात येत आहे. पावसासाठी करण्यात येणाऱ्या या सामूहिक प्रार्थनेत लहान मुलांपासून ज्येष्ठ नागरिकांपर्यंत मुस्लिम बांधव सहभागी होत आहेत. पावसासाठी करण्यात आलेल्या या प्रार्थनेदरम्यान अनेक भाविक अत्यंत आर्ततेने अल्लाहकडे याचना करताना दिसून आले. “हे परवरदिगारा, रहमत की बारीश आता फरमा आणि आम्हा सर्वांना या संकटातून वाचव,” अशी सामूहिक प्रार्थना यावेळी करण्यात आली. पावसाने दडी मारल्याने शेतकरी, नागरिक आणि ग्रामीण भागातील जनजीवनावर त्याचा परिणाम जाणवत आहे. अशा परिस्थितीत परळीतील मुस्लिम बांधवांनी पावसासाठी केलेली ही सामूहिक प्रार्थना धार्मिक सलोखा आणि निसर्गाविषयीची ...

  जन्म-मृत्यू नोंदणीसाठी नागरिकांची फरफट! तहसील की न्यायालय? अधिकार नेमका कोणाचा; नागरिक संभ्रमात परळी वैजनाथ | प्रतिनिधी नवीन कायद्यानुसार दोन वर्षांपेक्षा अधिक कालावधी झालेल्या जन्म-मृत्यूच्या नोंदणीसाठी आदेश देण्याचे अधिकार प्रथम वर्ग न्यायदंडाधिकारी यांच्याकडे देण्याची तरतूद करण्यात आली आहे. मात्र, या तरतुदीच्या प्रत्यक्ष अंमलबजावणीसाठी आवश्यक असलेली अधिसूचना अथवा राजपत्र केंद्र सरकारकडून अद्याप जारी करण्यात आले नसल्याने न्यायालयात दाखल होणाऱ्या प्रकरणांबाबत संभ्रमाची परिस्थिती निर्माण झाली आहे. परळी येथील न्यायालयाकडून अशा प्रकारची प्रकरणे दाखल करून घेण्यास स्थगिती देण्यात आल्याची माहिती समोर आली आहे. दुसरीकडे, “जन्म-मृत्यू नोंदणीचे अधिकार न्यायालयाकडे वर्ग झाले आहेत,” असे सांगून तहसील कार्यालयाकडूनही नागरिकांना परत पाठविले जात असल्याने नागरिकांची मोठी गैरसोय होत आहे. दोन वर्षांपेक्षा अधिक जुन्या जन्म-मृत्यू नोंदी आवश्यक असलेल्या नागरिकांना शैक्षणिक प्रवेश, शासकीय योजना, वारसा हक्क, पासपोर्ट, आधार व इतर विविध प्रशासकीय कामांसाठी जन्म अथवा मृत्यू प्रमाणपत्राची आवश्यकता असते. मा...

  नाळवंडीतील पिडित चिमुकलीला न्याय देऊ ना. पंकजा मुंडेंचे बीड एसपींना निर्देश ; आरोपीला कठोरात कठोर शिक्षा व्हावी यासाठी प्रकरण जलदगती कोर्टात चालवा बीड दि. १२ --- नाळवंडी ता. पाटोदा येथील आठ वर्षाच्या चिमुकलीवर झालेली अत्याचाराची घटना अत्यंत घृणास्पद आणि संतापजनक असून यातील नराधमाला कठोरात कठोर शिक्षा व्हावी यासाठी हे प्रकरण जलदगती कोर्टात चालवावे असे निर्देश राज्याच्या पर्यावरण व पशुसंवर्धन मंत्री ना.पंकजाताई मुंडे यांनी जिल्हा पोलीस अधीक्षकांना दिले आहेत.     या प्रकरणी आज ना. पंकजाताईंनी पोलीस अधीक्षक नवनीत कावत यांना फोन करून आरोपीवर कठोर कारवाई करण्यास सांगितले.  नाळवंडी गावातील एका आठ वर्षाच्या चिमकुलीवर ६५ वर्षाच्या नराधमाने अत्याचार केला. या घटनेने पिडीत चिमुकलीचे  कुटुंब भयभीत झाले आहे. घटनेतील  आरोपीला पोलिसांनी अटक केली असली तरी घटनेचे गांभीर्य लक्षात घेऊन प्रकरण फास्ट ट्रॅक कोर्टात चालवावे आणि आरोपीवर कठोरात कठोर शासन करावे असे ना. पंकजाताई मुंडे यांनी म्हटले आहे. ••••

  माजलगांव धरणाची उंची वाढविण्याचा निर्णय ; मंत्रालयात बैठक घेऊन योग्य मार्ग काढण्याचा प्रयत्न करू ना. पंकजा मुंडे यांची युवा शेतकरी संघर्ष समितीला ग्वाही मुंबई दि. १२ ---- माजलगांव (जि.बीड) येथील धरणाची उंची वाढवण्याचा निर्णय घेतला गेल्याने परिसरातील बावीस गावातील शेतकरी हवालदिल झाले असून याबाबत लवकरच मंत्रालयात बैठक घेऊन योग्य मार्ग काढण्याचा प्रयत्न करू अशी ग्वाही राज्याच्या पर्यावरण व पशुसंवर्धन मंत्री ना.पंकजाताई मुंडे यांनी युवा शेतकरी संघर्ष समितीला दिली.     माजलगांव धरण परिसरातील बावीस गावच्या शेतकऱ्यांनी गेल्या काही दिवसांपासून युवा शेतकरी संघर्ष समितीच्या माध्यमातून धरणाची उंची वाढवण्याचा निर्णय रद्द व्हावा यासाठी आंदोलन सुरू केले आहे. या शेतकऱ्यांनी आज माजलगांव मधील भाजपच्या स्थानिक पदाधिकाऱ्यां मार्फत ना. पंकजाताई मुंडे यांच्याशी संपर्क साधून हा सर्व विषय त्यांच्या कानावर घातला. ना. पंकजाताईंनी शेतकऱ्यांचे गाऱ्हाणे ऐकून घेतले आणि यासंदर्भात लवकरच मंत्रालयात बैठक बोलवून विस्तृतपणे चर्चा करून योग्य मार्ग काढण्यासाठी प्रयत्न करू अशी ग्वाही दिली. ••••

गंभीर दखल व कठोर भूमिका: परळीत टाकी बराच वेळ ओव्हरफ्लो होऊन पाण्याची नासाडी; संबंधित कर्मचाऱ्यावर निलंबनाची कारवाई! मोंढा मार्केटमधील पाण्याच्या टाकीवर हजारो लिटर पाणी वाया गेल्याचा ठपका ठेवत काढला निलंबन आदेश परळी वैजनाथ : प्रतिनिधी...     परळी तालुक्यात अत्यल्प पाऊस झाल्याने पाणीटंचाईची संभाव्य परिस्थिती लक्षात घेता नगराध्यक्षा सौ. पद्मश्रीताई बाजीराव धर्माधिकारी व न. प. पदाधिकारी पाणीपुरवठ्याच्या बाबतीत अतिशय गंभीर असल्याचे बघायला मिळत आहे. काही दिवसांपूर्वीच वान प्रकल्पातील अवैध पाणी उपशाच्यामुद्द्यावरून नगराध्यक्षांचे आक्रमक रूपही बघायला मिळाले होते.अशा परिस्थितीत पाण्याची बचत आणि काटेकोर नियोजन करण्याची गरज असताना मोंढा मार्केट येथील पाण्याच्या टाकीवरून हजारो लिटर पाणी वाया गेल्याचा प्रकार समोर आला. अनेक नागरिकांनी याबाबत नगराध्यक्षा, पाणीपुरवठा सभापती व नगरसेवकांकडे तक्रारी केल्या होत्या.याची गंभीर दखल घेत याप्रकरणी कठोर भूमिका घेण्यात आली असून संबंधित एका कर्मचाऱ्यावर निलंबनाची कारवाई करण्यात आली आहे.       मोंढा मार्केट येथील पाण्याच्या टाकीवर नियुक्त अ...

परळीत उभारणार 765 के.व्ही. अति उच्चदाब उपकेंद्र व विद्युत जोडणी प्रकल्प, ऊर्जा विभागाकडून 1345 कोटींची मंजुरी धनंजय मुंडेंनी मानले मुख्यमंत्री देवेंद्र फडणवीस यांचे आभार परळी वैद्यनाथ (प्रतिनिधी) - परळी वैद्यनाथ येथे महापारेषण मार्फत ७६५ के.व्ही. अति उच्चदाब उपकेंद्र व विद्युत जोडणी प्रकल्पास राज्य सरकारच्या ऊर्जा विभागाने १३४५ कोटी रुपयांचा निधी मंजूर केला असून याबाबतचा शासन निर्णय निर्गमित करण्यात आला आहे.  राज्य सरकारने राज्यातील एकूण वीज मागणीचा विचार करता अतिउच्च दाब प्रणाली विकसित करण्यासाठी या प्रकल्पास परळी येथे उभारण्यास माजी मंत्री आ. धनंजय मुंडे यांच्या विनंतीनुसार मान्यता दिली असून, याबद्दल श्री मुंडे यांनी राज्याचे मुख्यमंत्री तथा ऊर्जा मंत्री देवेंद्र फडणवीस यांचे विशेष आभार मानले आहेत.  या उपकेंद्रामध्ये ७६५ के.व्ही. अतिउच्च दाब उपकेंद्र, १५०० क्षमतेचे ३ ट्रान्सफॉर्मर, यांसह आवश्यक विद्युत जोडणी इत्यादी कामे करण्यात येणार असून, यामुळे विद्युत निर्मिती व पारेषण क्षेत्रात परळीचे वजन वाढणार आहे तसेच मोठ्या प्रमाणावर रोजगार निर्मितीस वाव मिळणार आहे. येत्या काही दिवस...

  नीलकंठ शिवाचार्य महाराज यांच्या ३१ दिवसीय मौन अनुष्ठानाची परळीत सांगता;  बेलवाडी येथे धार्मिक कार्यक्रम; महाप्रसादाचे आयोजन परळी : येथील वैद्यनाथ मंदिराजवळील श्री संत गुरुलिंग स्वामी मंदिर (बेलवाडी) येथे कर्नाटकातील निंबर्गा येथील श्री ष. ब्र. १०८ नीलकंठ शिवाचार्य महाराज गदगेश्वर हिरेमठ यांच्या ३१ दिवसीय २५व्या श्रावणमास मौन अनुष्ठानाची सांगता शनिवार, दि. १२ सप्टेंबर रोजी विविध धार्मिक कार्यक्रमांनी होणार आहे. दि. १३ ऑगस्टपासून सुरू असलेल्या या अनुष्ठानामुळे बेलवाडी परिसरात महिनाभर भक्तिमय व आध्यात्मिक वातावरण निर्माण झाले होते. कलबुर्गी जिल्ह्यातील आळंद तालुक्यातील निंबर्गा येथील नीलकंठ शिवाचार्य महाराज यांच्या मौन अनुष्ठानाचा हा २५वा वर्ष आहे. शनिवारी सकाळी ८.३० वाजता पाद्यपूजा व मौन समाप्ती होईल. त्यानंतर इष्टलिंग पूजा, विविध धार्मिक विधी तसेच शिवाचार्य महाराजांचे आशीर्वचन होणार आहे. दुपारी १२ ते ४ या वेळेत भाविकांसाठी महाप्रसादाचे आयोजन करण्यात आले आहे. या सांगता सोहळ्यास माजी मंत्री व आमदार बसवराज पाटील, आमदार प्रवीण स्वामी ( उमरगा) , श्री संत गुरुलिंग स्वामी (बेलवाडी) ...