२ फेब्रुवारीला छत्रपती संभाजीनगर तर ३ तारखेला लातूर ,सोलापूर जिल्ह्यात जाहीर सभा

स्टार प्रचारक ना. पंकजाताई मुंडे यांचा उद्यापासून जि. प. निवडणूक प्रचारार्थ झंझावाती दौरा

२ फेब्रुवारीला छत्रपती संभाजीनगर तर ३ तारखेला लातूर ,सोलापूर जिल्ह्यात जाहीर सभा

मुंबई, दि. ०१---

राज्यातील जिल्हा परिषद व पंचायत समिती निवडणुकीच्या पार्श्वभूमीवर भारतीय जनता पक्षाच्या उमेदवारांच्या प्रचारासाठी  स्टार प्रचारक तथा राज्याच्या पर्यावरण व पशुसंवर्धन मंत्री ना. पंकजाताई मुंडे यांचा उद्यापासून झंझावाती प्रचार दौरा सुरू होत आहे.  उद्या २ फेब्रुवारी रोजी छत्रपती संभाजीनगर जिल्ह्यात पाच  तर 3 फेब्रुवारीला रोजी लातूर जिल्ह्य़ात तीन व सोलापूर जिल्ह्यात दोन जाहीर सभा त्या घेणार आहेत.

      जिल्हा परिषद व पंचायत समिती निवडणुकांमध्ये अधिकाधिक भाजपाचे उमेदवार निवडून आणण्याच्या दृष्टीने ना. पंकजाताई मुंडे यांच्या जाहीर सभांना ठिकठिकाणी प्रचंड मागणी आहे. त्या अनुषंगाने पक्षाच्या वतीने ना. पंकजाताई मुंडे यांच्या प्रचार दौऱ्याचे नियोजन करण्यात आले आहे.  02 फेब्रुवारी रोजी सकाळी विमानाने छत्रपती संभाजीनगर येथे जाणार असून तिथून दुपारी हेलिकॉप्टरने जिल्ह्यातील विविध जि.प. गटांमध्ये पंकजाताई मुंडे यांच्या जाहीर सभा आयोजित करण्यात आल्या आहेत. 2 फेब्रुवारी रोजी दुपारी 12. वा पिशोर ता. कन्नड, दुपारी 01.30 वा घाटनांद्रा ता. सिल्लोड, दुपारी  03 वा. चौका, दुपारी 05 वा आडगाव बु. ता. फुलंब्री रात्रौ 07 वा बजाज नगर वाळुज ता. छत्रपती संभाजीनगर तर 03 फेब्रुवारी रोजी सकाळी 11 वा किनगाव ता. अहमदपूर जि.लातूर, दुपारी 12.30 वा कोळनूर ता.जळकोट, दुपारी 01.30 वा जानवळ ता. चाकूर तर  सायं. 4.30 वा मंद्रुप ता.जि. सोलापूर, संध्या 06 वा कुंभारी ता.जि. सोलापूर याठिकाणी त्यांच्या सभा होणार आहेत  अशी माहिती ना पंकजाताई मुंडे यांच्या कार्यालयाकडून देण्यात आली आहे.

••••