MB NEWS:बीड जिल्ह्याचा आजचा कोविड अहवाल केवळ एका पानाचा पण परळीत पॉझिटिव्ह रुग्ण संख्या सात

 बीड जिल्ह्याचा आजचा कोविड अहवाल केवळ एका पानाचा पण परळीत पॉझिटिव्ह रुग्ण संख्या सात

 परळी वैजनाथ, प्रतिनिधी....

       गेल्या अनेक दिवसापासून आरोग्य प्रशासनाच्यावतीने कोविड -१९ रुग्णांच्या बाबतीत दैनंदिन अहवाल जाहीर करण्यात येतो. गेल्या अनेक दिवसात पहिल्यांदाच बीड जिल्ह्याचा दैनंदिन covid-19 अहवाल हा एक पानाचा आला आहे. या अहवालात परळी तालुक्याची पॉझिटिव्ह संख्या मात्र सात आली आहे.

         आजच्या कोविड- 19 दैनंदिन अहवालात जिल्ह्यात केवळ 31 रुग्ण पाॅझिटिव्ह आढळून आले आहेत. यामध्ये परळी तालुक्याची संख्या ही सात आहे. जिल्ह्याची आकडेवारी दिवसेंदिवस कमी होताना दिसत असली तरी परळी तालुक्यातील कोरोना संसर्गाची साखळी मात्र संपुर्णतः सुटलेली दिसून येत नाही. झिरो कोरोणा करण्याच्या दृष्टीने नागरिकांनी सतर्कता बाळगण्याची नितांत आवश्यकता असून कोविड विषयक नियमांचे पालन करावे व सोशल डिस्टंसिंग, मास्कचा वापर, आदी मूलभूत काळजी घेण्याचे आवाहन करण्यात येत आहे.