माझी बातमी MB NEWS

'देश हाच परिवार'... पंतप्रधान मोदींच्या देशाला समर्पित कार्यशैलीचा जवळून घेतलेला अनुभव पंकजा मुंडेंचा भावनिक व्हिडिओ चर्चेत परळी वैजनाथ, प्रतिनिधी :        नेतृत्व म्हणजे केवळ निर्णय घेणे नव्हे, तर स्वतःला एका मोठ्या ध्येयासाठी पूर्णपणे वाहून घेणे," अशी भावना व्यक्त करत राज्याच्या पर्यावरण व पशुसंवर्धन मंत्री पंकजाताई मुंडे यांनी पंतप्रधान नरेंद्र मोदी यांच्या कार्यपद्धती विषयीचा एक अनुभव मांडला आहे. दिल्लीतील भाजपच्या कोअर कमिटीच्या बैठकीत प्रत्यक्ष आलेला हा अनुभव त्यांनी सोशल मीडियावरील व्हिडिओद्वारे शेअर केला असून, त्यात मोदी यांची कामावरील निष्ठा, राष्ट्रप्रथमचा दृष्टिकोन आणि अविरत कार्यक्षमतेचा उल्लेख केला आहे.      पंकजाताई मुंडे यांनी सांगितले की, भाजपच्या कोअर कमिटीच्या बैठकीसाठी त्या दोन-तीन दिवस दिल्लीत होत्या. बैठकीच्या शेवटच्या दिवशी पंतप्रधान नरेंद्र मोदी अमेरिकेचा अधिकृत दौरा पूर्ण करून थेट बैठकीला दाखल झाले. प्रवासाचा थकवा बाजूला सारत त्यांनी प्रत्येक मतदारसंघाचा सविस्तर आढावा घेतला. स्थानिक प्रश्न, संघटनात्मक बाबी आणि विकासाशी संबंधित ...

'खोट्या बातम्या पसरवू नका; सामाजिक सलोखा जपा' : धनंजय मुंडेंचे माध्यमांना आवाहन परळी वैजनाथ  (प्रतिनिधी) :     बीड जिल्हा नियोजन समितीच्या बैठकीनंतर समाजमाध्यमांवर आणि काही माध्यमांमध्ये प्रसारित झालेल्या वृत्तांवर माजी मंत्री तथा आमदार धनंजय मुंडे यांनी तीव्र नाराजी व्यक्त करत जबाबदार पत्रकारिता करण्याचे आवाहन केले आहे. कोणतेही वृत्त प्रसारित करण्यापूर्वी त्याची शहानिशा करावी आणि चुकीच्या बातम्यांमुळे जिल्ह्यातील सामाजिक सलोखा बिघडवू नये, असे त्यांनी स्पष्ट केले. धनंजय मुंडे यांनी प्रसिद्धीस दिलेल्या निवेदनात म्हटले आहे की, बीड जिल्हा नियोजन समितीची बैठक अत्यंत खेळीमेळीच्या वातावरणात पार पडली असून, बैठकीदरम्यान विरोधी पक्षातील कोणत्याही लोकप्रतिनिधीशी आपला वाद किंवा खडाजंगी झालेली नाही. राजकारणात वैचारिक मतभेद असले तरी परस्परांमध्ये संवाद आणि सौहार्द कायम असते. मात्र काही माध्यमांनी वस्तुस्थिती पडताळून न पाहता चुकीच्या बातम्या प्रसारित केल्याचा आरोप त्यांनी केला. याशिवाय, उपमुख्यमंत्री सुनेत्रा पवार या प्रथमच बीडमध्ये आल्या असताना मोठ्या गर्दीत नागरिकांना शांतपणे आणि हळू...

ना. पंकजा मुंडे व आ. धनंजय मुंडे यांच्या हस्ते पत्रकार महादेव गित्ते यांचा विशेष गौरव परळी वैजनाथ (प्रतिनिधी) : लोकशाहीर साहित्यरत्न अण्णाभाऊ साठे यांच्या १०६ व्या सार्वजनिक जयंती महोत्सवानिमित्त साठेनगर सार्वजनिक जयंती उत्सव समितीच्या वतीने आयोजित भव्य सोहळ्यात पत्रकारिता क्षेत्रातील उल्लेखनीय योगदानाबद्दल ज्येष्ठ पत्रकार महादेव गित्ते यांचा विशेष गौरव पुरस्कार देऊन सन्मान करण्यात आला. हा सन्मान राज्याच्या पर्यावरण मंत्री ना. पंकजा मुंडे आणि आमदार धनंजय मुंडे यांच्या हस्ते प्रदान करण्यात आला. परळी वैजनाथ येथील साठेनगरमध्ये आयोजित करण्यात आलेल्या या जयंती महोत्सवात प्रारंभी पंचशील ध्वजाचे ध्वजारोहण करून साहित्यरत्न अण्णाभाऊ साठे यांच्या प्रतिमेस अभिवादन करण्यात आले. त्यानंतर शहरातील ज्येष्ठ पत्रकारांचा मान्यवरांच्या हस्ते सत्कार करण्यात आला. यावेळी पत्रकार महादेव गित्ते यांना पत्रकारिता क्षेत्रातील उल्लेखनीय कार्याची दखल घेत विशेष गौरव पुरस्काराने सन्मानित करण्यात आले. महादेव गित्ते हे गेल्या अनेक वर्षांपासून निर्भीड, वस्तुनिष्ठ आणि जनहिताची पत्रकारिता करत आहेत. सामाजिक, शैक्षणि...

पावसाळा आला की शिक्षणावर पडते पाणी नाहीतर जीव धोक्यात घालून शाळेची वाट ! विद्यार्थ्यांचा थरारक प्रवास, पुलाअभावी शिक्षणच धोक्यात परळी वैजनाथ | प्रतिनिधी..      शिक्षण हा प्रत्येक मुलाचा मूलभूत हक्क आहे असे शासन वारंवार सांगते. मात्र परळी तालुक्यातील गाढेपिंपळगाव येथील आरसुळे वस्तीवरील विद्यार्थ्यांचे वास्तव या दाव्याला छेद देणारे आहे. पाऊस सुरू झाला की या चिमुकल्यांच्या शिक्षणावर अक्षरशः पाणी पडते. शाळेत पोहोचण्यासाठी त्यांना चिखल तुडवत किंवा पाण्याच्या प्रवाहातून जीव मुठीत धरून मार्ग काढावा लागत असल्याने पालकांमध्ये भीतीचे वातावरण निर्माण झाले आहे.     गाढेपिंपळगाव आणि आरसुळे वस्तीच्या दरम्यान पापनाशी नदी वाहते. सुमारे पंचवीस-तीस वर्षांपूर्वी नदीपलीकडे काही कुटुंबांनी वास्तव्यास सुरुवात केली. कालांतराने ही वस्ती वाढत गेली असून आज येथे जवळपास २० ते २५ कुटुंबे राहतात. मात्र लोकसंख्या वाढली, वस्ती वाढली; पण मूलभूत सुविधा मात्र आजही पोहोचलेल्या नाहीत. उन्हाळा आणि हिवाळ्यात नागरिक नदीत भराव टाकून तयार झालेल्या तात्पुरत्या रस्त्याने ये-जा करतात. पण पावसाळा सुरू झाला ...

राज्यात पर्यावरण युक्त सण, उत्सव साजरे करण्यासाठी आगामी काळात महत्वाचा ॲक्शन प्लॅन आखला जाईल मुख्यमंत्र्यांच्या अध्यक्षतेखालील बैठकीत पर्यावरण मंत्री ना. पंकजाताई मुंडे यांनी दिला प्रत्यक्ष कृतीवर भर बीड दि. ३१ --- पुढील काळात राज्यात पर्यावरण युक्त आणि प्रदुषणमुक्त सण, उत्सव साजरे व्हावेत यासाठी आमचा प्रयत्न आहे यासाठी महत्वाचा ॲक्शन प्लॅन आखून ठोस कृती केली जाईल अशी माहिती राज्याच्या पर्यावरण मंत्री ना. पंकजाताई मुंडे यांनी आज मुख्यमंत्र्यांच्या उपस्थितीत झालेल्या बैठकीत दिली.    पर्यावरण पूरक सण, उत्सव साजरे करणे आणि पीओपी मूर्तीचे विसर्जन करण्यासंदर्भात पर्यावरण विभागाची एक बैठक आज मुख्यमंत्री देवेंद्र फडणवीस यांच्या अध्यक्षतेखाली पार पडली, त्यावेळी ना. पंकजाताई मुंडे बोलत होत्या.    ना. पंकजाताई मुंडे पुढे म्हणाल्या, पर्यावरण पूरक सण, महोत्सव साजरे करण्याबाबत 'मन की बात' कार्यक्रमात पंतप्रधान नरेंद्र मोदी यांनी आवाहन केले होते, त्या अनुषंगाने आमचा विभाग ठोस पावले उचलत आहे. जैविक दृष्ट्या विघटनशील मूर्ती व तांत्रिक विसर्जन प्रक्रिया यावर एक महत्वाचा ॲक्शन प्लॅन आ...

नियोजन समितीच्या बैठकीत ना. पंकजाताई मुंडेंची जिल्ह्यासाठीची तळमळ सौहार्दपूर्ण वातावरण ठेवा, बीडची प्रतिमा जपा, विकासाला गती द्या स्व.अजितदादांच्या कार्यशैलीचा वारसा सुनेत्रावहिनी समर्थपणे पुढे नेत आहेत ! मतदारसंघात विकासाच्या त्रिसूत्री वर भर देण्याचे केले आवाहन बीड दि. ३१ --- राज्याच्या उपमुख्यमंत्री आणि आपल्या  जिल्ह्याच्या पालकमंत्री म्हणून सुनेत्रावहिनी पवार या जबाबदारीने काम करत असून, दिवंगत अजितदादा यांच्या कार्याचा वारसा त्या समर्थपणे पुढे नेत आहेत. दादांच्या कामाची शैली आणि कामांचा धडाका त्यांच्यात दिसतो आहे अशा शब्दांत पर्यावरण व पशुसंवर्धन मंत्री ना. पंकजाताई मुंडे यांनी पालकमंत्र्यांचे अभिनंदन केले. सौहार्दपूर्ण वातावरण ठेवा, जिल्ह्याची बदनामी होणार नाही याची सर्वांनी खबरदारी घ्यावी असं सांगत जनतेच्या सर्वांगीण विकासासाठी एकत्रितपणे काम करण्याचे आवाहन  त्यांनी केले.       जिल्हाधिकारी कार्यालयात आयोजित करण्यात आलेल्या जिल्हा नियोजन विकास समितीच्या बैठकीत त्या बोलत होत्या.  सुरुवातीला सुनेत्राताई पवार यांचे ना. पंकजाताईंनी पुष्पगुच्छ देऊन स्वागत ...

  जिजामाता गार्डन हेल्थ क्लबची गुरुपौर्णिमा भक्तिमय वातावरणात उत्साहात साजरी ज्येष्ठ नागरिक संघाच्या सदस्यांनी घेतला एकदिवसीय आध्यात्मिक सहलीचा आनंद परळी वैजनाथ | प्रतिनिधी       परळी वैजनाथ येथील ज्येष्ठ नागरिक संघाच्या जिजामाता गार्डन हेल्थ क्लबतर्फे गुरुपौर्णिमेनिमित्त विविध धार्मिक स्थळांना भेट देणारी एकदिवसीय आध्यात्मिक सहल उत्साहपूर्ण वातावरणात आयोजित करण्यात आली. या सहलीत ज्येष्ठ नागरिकांनी देवदर्शनासह संतांच्या समाधीस्थळांना भेट देत गुरुपौर्णिमेचा दिवस भक्तिभावाने साजरा केला.       क्लबचे अध्यक्ष ब्रिजलाल मुंदडा यांच्या प्रेरणेतून तसेच प्रतिष्ठित व्यापारी व क्लबचे दानशूर सदस्य बंडूसेठ गरूड यांच्या पुढाकाराने या सहलीचे आयोजन करण्यात आले. सहलीची सुरुवात श्री गरूड यांच्या "श्रद्धा वस्त्र भांडार" येथून झाली. गरूड परिवारातर्फे सर्व ज्येष्ठ नागरिकांचे गरमागरम कॉफीने स्वागत करण्यात आले. त्यानंतर बालाजीराव डांगे यांच्या मिनी बसमधून सहलीस प्रारंभ झाला.       सर्वप्रथम श्रीक्षेत्र अंबाजोगाई येथे जाऊन श्री योगेश्वरी देवीचे दर्शन घेण्यात आले...

माजलगाव-तेलगाव रस्त्याच्या दुरुस्तीसाठी प्रितम मुंडे यांनी घेतली नितीन गडकरी यांची भेट पालखी मार्गाची दुर्दशा मिटणार, गडकरींचा सकारात्मक प्रतिसाद दिल्ली ( दि. ३० )  जिल्ह्याच्या माजी खासदार डॉ. प्रितम मुंडे यांनी केंद्रीय रस्ते वाहतूक आणि महामार्ग विकास मंत्री नितीन गडकरी यांची त्यांच्या दिल्लीस्तीत निवासस्थानी भेट घेतली. जिल्ह्यातील राष्ट्रीय महामार्ग 548 सी या रस्त्याच्या दुरावस्थेबाबत त्यांनी गडकरी यांना निवेदन सादर करत सदरील रस्त्याच्या दुरुस्तीची मागणी केली. बीड जिल्ह्यातून जाणाऱ्या शेगाव-पंढरपूर पालखी महामार्गाची माजलगाव ते तेलगाव दरम्यान अत्यंत दयनीय अवस्था झाली आहे. ठिकठिकाणी रस्त्याला पडलेल्या भेगांमुळे या मार्गावर अपघाताच्या शक्यता निर्माण झाल्या आहेत. माजी खासदार डॉ. प्रितमताई मुंडे यांनी ही गंभीर बाब नितीन गडकरी यांच्या निदर्शनास आणून दिली. प्रवासी आणि स्थानिक नागरिकांना याचा प्रचंड त्रास सहन करावा लागतो आहे, वाहतूक व्यवस्था आणि नागरिकांच्या सोयीसाठी सदरील रस्त्याची दुरुस्ती करणे अत्यंत आवश्यक असल्याचे यावेळी त्यांनी नमूद केले. राज्यातील दोन महत्वाच्या तीर्थक्षेत्रांना ...

  वैयक्तिक योजनांचा लाभ घरपोच मिळवून देणार - धनंजय मुंडे छत्रपती शिवाजी महाराज महाराजस्व समाधान शिबिर अभियानात धनंजय मुंडे यांच्या हस्ते शेकडो लाभार्थ्यांना विविध योजनांच्या लाभांचे वाटप परळी वैद्यनाथ (प्रतिनिधी) -         छत्रपती शिवाजी महाराज महाराज समाधान शिबिर अंतर्गत आज विविध शासकीय योजनेतील शेकडो लाभार्थ्यांना प्रत्यक्ष लाभाचे वाटप प्रातिधिनिक स्वरूपात केले जात असले तरी आगामी काळात प्रत्येक लाभार्थ्यांच्या घरपोच योजनांचा लाभ मिळवून दिला जाईल, असे प्रतिपादन माजी मंत्री आ. धनंजय मुंडे यांनी केले आहे.         राज्याचे मुख्यमंत्री देवेंद्र फडणवीस यांचा वाढदिवस तसेच दिवंगत उपमुख्यमंत्री स्वर्गीय अजित दादा पवार यांच्या प्रथम जयंतीच्या औचित्याने परळी वैद्यनाथ विधानसभा मतदारसंघातील विविध शासकीय योजनांच्या लाभांचे वितरण करण्यासाठी राज्य सरकारचा उपक्रम असलेल्या छत्रपती शिवाजी महाराज महाराजस्व समाधान शिबिर अभियानाचे धनंजय मुंडे यांच्या प्रमुख उपस्थितीत आयोजन करण्यात आले होते.        जिल्ह्याचा पालकमंत्री म्हणून काम कर...

दृढ श्रद्धा : मुसळधार पावसाला न जुमानता येवती (लघु आळंदी) येथे गुरुभक्तांचा महासागर मुखेड | अमोल जोशी     गुरुपौर्णिमेच्या पावन पर्वानिमित्त नांदेड जिल्ह्यातील येवती (लघु आळंदी) येथील श्री परमपूज्य सद्गुरू नराशाम महाराज मठ संस्थानात गुरुवारी भक्तिभावाचे अद्वितीय दर्शन घडले. दिवसभर मुसळधार पाऊस सुरू असतानाही महाराष्ट्र, तेलंगणा आणि आंध्र प्रदेशासह विविध भागांतून हजारो भाविकांनी मठात उपस्थित राहून श्री सद्गुरू नराशाम महाराजांच्या समाधीचे दर्शन घेत कृपाशीर्वाद प्राप्त केला. पावसाची तमा न बाळगता दर्शनासाठी भाविकांनी मोठी गर्दी केली होती. संपूर्ण परिसर "जय गुरुदेव"च्या जयघोषाने आणि नामस्मरणाने दुमदुमून गेला होता. प्रत्येक भाविकाच्या चेहऱ्यावर गुरुदर्शनाचा आनंद आणि अंतःकरणात भक्तीभावाचे दर्शन घडत होते. दिवसभर धार्मिक विधी, प्रार्थना, नामस्मरण आणि विविध आध्यात्मिक कार्यक्रम श्रद्धापूर्वक पार पडले. यावेळी मठ संस्थानाच्या वतीने हजारो भाविकांसाठी महाप्रसादाची उत्कृष्ट व्यवस्था करण्यात आली होती. श्री. पांडुरंग यन्नावार (देगलूर) आणि श्री. भास्कर पाटील (शिरूर) यांच्या सौजन्याने महाप्रसाद...

  स्थानिक गुन्हे शाखेची मोठी कारवाई:  केजमध्ये  घरफोडी करणारा आरोपी ४८ तासांच्या आत गजाआड; साडेतीन लाखांचा मुद्देमाल जप्त केज: प्रतिनिधी... केज पोलीस स्टेशन अंतर्गत घडलेल्या रात्र घरफोडीच्या गुन्ह्याचा छडा लावण्यात स्थानिक गुन्हे शाखा (LCB), बीडच्या पथकाला अवघ्या ४८ तासांत यश आले आहे. या कारवाईत पोलिसांनी आरोपीला अटक करून त्याच्याकडून रोख रक्कमेसह सोन्या-चांदीचे दागिने असा एकूण ३ लाख ५५ हजार रुपयांचा मुद्देमाल हस्तगत केला आहे. ऋषिकेश दिलीप काळे (रा. फुलेनगर, ता. केज, जि. बीड) असे अटक करण्यात आलेल्या आरोपीचे नाव आहे.           केज पोलीस ठाण्यात गु.र.नं ४८१/२०२६ नुसार भा.न्या.सं. कलम ३३१(४), ३०५(a) प्रमाणे घरफोडीचा गुन्हा दाखल करण्यात आला होता. या गुन्ह्याचा समांतर तपास स्थानिक गुन्हे शाखा, बीडचे पथक करत होते. २९ जुलै २०२६ रोजी पोलीस उपनिरीक्षक महेश विघ्ने यांचे पथक केज परिसरात आरोपीचा शोध घेत असताना, त्यांना गोपनीय बातमीदाराकडून महत्त्वाची माहिती मिळाली. सदर घरफोडी फुलेनगर येथील ऋषिकेश काळे याने केल्याचे निष्पन्न झाले.        मा...

  गुरुपौर्णिमेनिमित्त अभिनेत्री रूपाली भोसलेने घेतलं श्री वैद्यनाथ ज्योतिर्लिंगाचे दर्शन; पारंपरिक लूकची चाहत्यांत चर्चा परळी वैजनाथ : मराठी आणि हिंदी दूरचित्रवाणी विश्वातील लोकप्रिय अभिनेत्री रूपाली भोसले हिने गुरुपौर्णिमेच्या पावन पर्वावर परळी येथील श्री वैद्यनाथ ज्योतिर्लिंगाचे दर्शन घेतले. पारंपरिक साडी आणि मराठमोळ्या पेहरावात मंदिरात दाखल झालेल्या रूपालीच्या सोज्वळ लूकने भाविकांसह चाहत्यांचे लक्ष वेधून घेतले. तिच्या दर्शनाचे फोटो सोशल मीडियावर मोठ्या प्रमाणात व्हायरल होत असून चाहत्यांकडून त्यावर कौतुकाचा वर्षाव होत आहे.               रूपाली भोसले ही मराठी मनोरंजन विश्वातील एक लोकप्रिय चेहरा असून तिने 'मन उधाण वाऱ्याचे', 'कन्यादान', 'दिल्या घरी तू सुखी रहा', 'महासंग्राम', 'स्वप्नांच्या पलीकडले', 'कुलस्वामिनी', 'कुलवधू', 'माहेरची साडी', 'वहिनीसाहेब', 'ह्या गोजिरवाण्या घरात', 'तुझे माझे जमेना', 'आयुष्मान भव' आणि 'शेजारी शेजारी पक्के शेजारी' यांसारख्या अनेक गाजलेल्या मालिकांमधून आप...

ना. पंकजा मुंडे यांचा ३० ते २ ऑगस्ट बीड जिल्हा दौरा; जिल्हा नियोजन समिती बैठकीसह विविध सार्वजनिक कार्यक्रमांना राहणार उपस्थित मुंबई दि. २९ --- राज्याच्या पर्यावरण, वातावरणीय बदल व पशुसंवर्धन मंत्री ना. पंकजाताई मुंडे या ३० जुलै ते २ ऑगस्ट २०२६ दरम्यान बीड जिल्हा दौऱ्यावर असणार आहेत. शुक्रवारी होणाऱ्या जिल्हा नियोजन विकास समितीच्या बैठकीस त्या उपस्थित राहणार आहेत. या दौऱ्यात विविध सार्वजनिक कार्यक्रम तसेच नागरिकांच्या भेटीगाठींचा समावेश आहे.      ना. पंकजाताई मुंडे यांच्या कार्यालयाकडून प्राप्त अधिकृत दौऱ्यानुसार गुरुवार, ३० जुलै रोजी रात्री त्या मुंबईहून छत्रपती संभाजीनगरमार्गे बीड येथे दाखल होणार असून शासकीय विश्रामगृह येथे मुक्काम करतील. ३१ जुलै रोजी सकाळी ९.३० ते ११.३० वा. जिल्हाधिकारी कार्यालय, बीड येथे होणाऱ्या जिल्हा नियोजन विकास समितीच्या बैठकीस त्या उपस्थित राहतील. त्यानंतर दुपारी २ वा. सिरसाळा येथे आयोजित कै. वसंतराव नाईक सार्वजनिक जयंती महोत्सव कार्यक्रमात सहभागी होतील. १ ऑगस्ट रोजी सकाळी १०.१५ वा. परळी वैजनाथ येथील साठेनगर येथे आयोजित लोकनायक अण्णाभाऊ साठे जयंत...

  राजेवाडीच्या सुपुत्राच्या कल्पकतेला राष्ट्रीय मान्यता; प्रा. डॉ. परमेश्वर गडकर यांना डिझाईन पेटंट अंबाजोगाई प्रतिनिधी...    संशोधन, नावीन्य आणि सर्जनशीलतेचा संगम घडविणाऱ्या एका उल्लेखनीय कामगिरीची नोंद झाली आहे. अंबाजोगाई तालुक्यातील मौजे राजेवाडी गावचे भूमिपुत्र प्रा.डॉ.परमेश्वर संभाजी गडकर हे सावित्रीबाई फुले पुणे विद्यापीठाशी संलग्नीत समाज शिक्षण मंडळ संचलित अम्रतेश्वर महाविद्यालयात अर्थशास्त्र विषयाचे सहयोगी प्राध्यापक म्हणून कार्यरत आहेत. त्यांनी आत्तापर्यंत विविध विषयांवर शोधनिबंध संदर्भ ग्रंथ, क्रमिक पुस्तके लिहिली आहेत. त्यांनी विकसित केलेल्या "ॲटोमेटेड इकॉनॉमिक ट्रेंड ॲनालीसीस डीव्हाईस" या अभिनव डिझाईनला भारत सरकारच्या पेटंट, डिझाईन आणि ट्रेडमार्क महानियंत्रक कार्यालयाकडून (CGPDTM) अधिकृत डिझाईन पेटंट मंजूर झाले आहे. या मान्यतेमुळे त्यांच्या डिझाईनला कायदेशीर संरक्षण मिळाले असून, नाविन्यपूर्ण संशोधन क्षेत्रात त्यांच्या कार्याला राष्ट्रीय स्तरावर महत्त्वाची दखल मिळाली आहे.     प्रा.डॉ.परमेश्वर गडकर यांनी दीर्घकाळाच्या अभ्यास, संशोधन आणि सातत्यपूर्ण प्र...

छत्रपती शिवाजी महाराज महाराजस्व अभियान:  ३० जुलै रोजी परळी वैजनाथ येथे समाधान शिबिर बीड दि. 29 ( प्रतिनिधी ): उपमुख्यमंत्री अजितदादा पवार यांच्या जयंतीनिमित्त तहसील कार्यालय, परळी वैजनाथ यांच्या वतीने छत्रपती शिवाजी महाराज महाराजस्व अभियानांतर्गत समाधान शिबिराचे आयोजन करण्यात आले आहे. हे शिबिर ३० जुलै २०२६ रोजी सकाळी ११ वाजता मुक्ताई लॉन्स, इटके कॉर्नर, शासकीय विश्रामगृहाजवळ, परळी वैजनाथ येथे होणार आहे. या शिबिरास आमदार धनंजय मुंडे, मंत्री पंकजाताई मुंडे, बीड लोकसभा मतदारसंघाचे खासदार बजरंग सोनवणे, जिल्हाधिकारी विवेक जॉन्सन, अपर जिल्हाधिकारी अश्विनी सोनवणे-जिरंगे, उपविभागीय अधिकारी अरविंद लाटकर, उपविभागीय अधिकारी दीपक वजाळे, तहसीलदार विनोद रनवरे, तहसीलदार विलास तरंगे यांच्यासह विविध विभागांचे अधिकारी व मान्यवर उपस्थित राहणार आहेत. शिबिरामध्ये नागरिक, शेतकरी व विद्यार्थ्यांना विविध शासकीय योजनांची माहिती तसेच योजनांच्या प्रभावी अंमलबजावणीबाबत मार्गदर्शन करण्यात येणार आहे. विविध शासकीय योजनांचा लाभ मिळालेल्या लाभार्थ्यांना दाखले, मंजुरीपत्रे तसेच आर्थिक धनादेशांचे मान्यवरांच्या हस्ते...

माझे बाबाच माझे गुरु; त्यांच्या संस्कारांतूनच लोकसेवेसाठी समर्पित जीवनाचा संकल्प – पंकजा मुंडे गुरुपौर्णिमेनिमित्त पंकजाताई मुंडे यांचे लोकनेत्याला मनोभावे नमन! परळी वैजनाथ | प्रतिनिधी       गुरुपौर्णिमेच्या पावन पर्वानिमित्त राज्याच्या पर्यावरण व पशुसंवर्धन मंत्री ना. पंकजाताई मुंडे यांनी नागरिकांना शुभेच्छा देत गुरूंच्या ऋणाची जाणीव ठेवून समाजहितासाठी कार्य करण्याचे आवाहन केले. भारतीय संस्कृतीत गुरुपौर्णिमेला विशेष महत्त्व असून जीवनाला योग्य दिशा देणाऱ्या प्रत्येक गुरूप्रती कृतज्ञता व्यक्त करण्याचा हा दिवस असल्याचे त्यांनी सांगितले. माझे बाबा हेच माझे गुरु असुन त्यांच्या संस्कारांतूनच लोकसेवेसाठी समर्पित जीवनाचा संकल्प असल्याची दृढ भावना त्यांनी यावेळी व्यक्त केली.       गुरुपौर्णिमेनिमित्त पंकजाताई मुंडे यांनी आपले पिता - नेता आणि गुरु लोकनेते गोपीनाथराव मुंडे यांना मनोभावे नमन केले. याप्रसंगी सर्वांना शुभेच्छा देत गुरूंच्या ऋणाची महती सांगताना त्यांनी सर्वांना महत्त्वपूर्ण संदेश दिला. यावेळी बोलताना पंकजाताई मुंडे म्हणाल्या की, आपल्याला जीवनात उभे राहाय...

29 ते 31 जुलैदरम्यान राज्यातील विविध भागांत मध्यम ते मुसळधार पावसाचा अंदाज मुंबई, दि. 28 जुलै: बंगालच्या उपसागराकडून येणाऱ्या एका कमी दाबाच्या पट्ट्याच्या प्रभावामुळे राज्यातील विविध भागांत 29 ते 31 जुलैदरम्यान पावसाचा जोर वाढण्याचा अंदाज आहे. या कालावधीत विदर्भ, उत्तर मराठवाडा, खानदेश, कोकण तसेच मध्य महाराष्ट्रातील घाट परिसरात मध्यम ते मुसळधार पावसाची शक्यता आहे. या कालावधीत विदर्भ, उत्तर मराठवाडा आणि खानदेश मध्ये वाऱ्याचा वेग वाढण्याची शक्यता आहे. तुलनेत मराठवाडा आणि मध्य महाराष्ट्राच्या दक्षिण भागात कमी पावसाची शक्यता आहे. या काळात अतिवृष्टीसदृश पावसाच्या घटना घडण्याची शक्यता असल्याने सखल भागांत पाणी साचणे, नदी-नाल्यांना पूर येणे, काही प्रमाणात संरचनात्मक नुकसान होणे, वाहतुकीवर परिणाम होणे, तसेच काही ठिकाणी जनजीवन विस्कळीत होण्याची शक्यता नाकारता येत नाही. मध्य महाराष्ट्रातील घाट परिसरात काही ठिकाणी दरड कोसळण्याची शक्यता देखील नाकारता येत नाही.  सध्याच्या हवामान अंदाजानुसार, 29 जुलै रोजी कमी दाबाच्या पट्ट्याचा प्रभाव प्रामुख्याने विदर्भात, विशेषतः पूर्व विदर्भात जाणवण्याची शक्यत...

मोकाट जनावरांचा शहरात वाहतूकीना अडथळा; परळी नगरपालिकेचा कोंडवाडा नेमका कुठे?  - दीपक देशमुख यांचा सवाल परळी वैजनाथ | प्रतिनिधी परळी शहरातील राणी लक्ष्मीबाई टॉवर चौक परिसरासह प्रमुख रस्त्यांवर मोकाट जनावरे बिनधास्तपणे वावरत असल्याने नागरिक, पदचारी आणि वाहनचालकांना मोठ्या त्रासाला सामोरे जावे लागत आहे. या पार्श्वभूमीवर परळी नगरपालिकेच्या मोकाट जनावरांसाठीच्या कोंडवाड्याच्या कार्यक्षमतेवर माजी नगराध्यक्ष दीपक देशमुख यांनी प्रश्नचिन्ह उपस्थित केले आहे. देशमुख यांनी प्रसिद्धीस दिलेल्या निवेदनात म्हटले आहे की, मोकाट कुत्रे पकडण्याची मोहीम काही दिवस चालविण्यात आली; मात्र त्यातून अपेक्षित परिणाम दिसून आले नाहीत. त्यानंतर शहरात मोकाट गायी, बैल व इतर जनावरांचा वावर वाढला असून राणी लक्ष्मीबाई टॉवर चौकासह मुख्य मार्गांवर वाहतुकीला अडथळा निर्माण होत आहे. त्यामुळे महिला, ज्येष्ठ नागरिक, विद्यार्थी आणि इतर पदचाऱ्यांच्या सुरक्षिततेचाही प्रश्न निर्माण झाला आहे. नगरपालिकेने मोकाट जनावरांसाठी कोंडवाडा सुरू केला आहे का, की तो केवळ कागदोपत्रीच आहे, असा सवाल करत देशमुख यांनी या कामावर झालेल्या खर्चाची आ...

नव्या वह्या हाती मिळताच विद्यार्थ्यांच्या चेहऱ्यावर फुलला आनंद! ना. पंकजा मुंडे यांच्या वाढदिवसानिमित्त इंदपवाडी शाळेत शालेय साहित्य वाटप  परळी वैजनाथ (प्रतिनिधी): महाराष्ट्र राज्याच्या पशुसंवर्धन व पर्यावरण मंत्री ना. पंकजा मुंडे यांच्या वाढदिवसाचे औचित्य साधून जिल्हा परिषद प्राथमिक शाळा, इंदपवाडी येथे विद्यार्थ्यांना शालेय साहित्याचे वाटप करण्यात आले. नवीन कोऱ्याकरकरीत वह्या हाती मिळताच चिमुकल्या विद्यार्थ्यांच्या चेहऱ्यावर जो अवर्णनीय आनंद ओसंडून वाहत होता, त्याने उपस्थित सर्वांचीच मने जिंकून घेतली. या सुंदर आणि प्रेरणादायी कार्यक्रमासाठी परळी नगर परिषदेचे बांधकाम सभापती प्रा. पवनकुमार मुंडे, रवी कांदे  दिलीप नेहरकर, शालेय शिक्षण समितीचे अध्यक्ष  केशवराव मुंडे, गावच्या पोलीस पाटील सौ. मनीषा मुंडे, माजी सरपंच  भागवतराव मुंडे, शिक्षणप्रेमी नागरिक सतीश मुंडे आणि शाळेचे मुख्याध्यापक  सुभाष केंद्रे यांची व्यासपीठावर प्रमुख उपस्थिती होती. " स्वप्न मोठी पहा..." - प्रा. पवनकुमार मुंडे यांचा कानमंत्र कार्यक्रमात विद्यार्थ्यांना मार्गदर्शन करताना प्रा. पवनकुमार मुंडे ...

  परळीत गांजाच्या पुड्या विकणाऱ्या  एकाविरुद्ध एनडीपीएस कायद्यान्वये गुन्हा दाखल: तेरा हजाराचा गांजा हस्तगत परळी वैजनाथ | प्रतिनिधी       परळी शहरातील  वाल्मीक नगर परिसरात पोलिसांनी कारवाई करत १३ हजार ५०० रुपयांचा गांजा जप्त केला असून  परळीत गांजाच्या पुड्या विकणाऱ्या एका आरोपीविरुद्ध अमली पदार्थ प्रतिबंधक (एनडीपीएस) कायद्यान्वये गुन्हा दाखल करण्यात आला आहे.        पोलिसांनी दिलेल्या अधिक माहितीनुसार, २५ जुलै २०२६ रोजी सायंकाळी सुमारे ६.२५ वाजण्याच्या सुमारास वाल्मीक नगर, एकमीनार चौक परिसरातील आरोपीच्या राहत्या घरी छापा टाकण्यात आला. या कारवाईत गुड्डू उर्फ छोटूमियाँ तांबोळी (वय ३०, रा. वाल्मीक नगर, एकमीनार चौक, परळी वैजनाथ) याच्या ताब्यातून ८८ ग्रॅम वजनाचा हिरवट- काळपट रंगाचा, गांजासदृश अमली पदार्थ जप्त करण्यात आला. जप्त करण्यात आलेला गांजा २७ छोट्या पुड्यांमध्ये विक्रीसाठी तयार ठेवण्यात आला होता. प्रत्येकी ५०० रुपये किंमतीप्रमाणे या अमली पदार्थाची एकूण किंमत १३ हजार ५०० रुपये असल्याचे पोलिसांनी सांगितले. याप्रकरणी संभाजीनगर पोलीस ...

  परळीत युवकाची गळफास घेऊन आत्महत्या; दोन दिवसांपुर्वी पोक्सोअंतर्गत झाला होता गुन्हा दाखल परळी वैजनाथ | प्रतिनिधी...       तालुक्यातील दादाहरी वाडगाव  येथील एका २० वर्षीय युवकाने आत्महत्या केल्याचा प्रकार आज (दि.२८) रोजी सकाळी उघडकीस आला.परळीतील मेरुगिरी डोंगर परिसरात गळफास घेऊन  त्याने आत्महत्या केल्याचे निदर्शनास आले.दरम्यान मयत युवकाविरुद्ध ग्रामीण पोलीस ठाण्यात दोन दिवसांपुर्वी पोक्सोअंतर्गत  गुन्हा दाखल झाला होता. या प्रकरणात तो फरार होता.यातच त्याची आत्महत्या समोर आल्याने या प्रकरणाची गंभीर चर्चा सुरू आहे.       दादाहरी वाडगाव  येथील आकाश राम खाटीक वय २० वर्षे या युवकाने आज सकाळी परळी वैजनाथ येथील मेरुगिरी डोंगरावरील आयटीआय महाविद्यालय परिसरात गळफास घेऊन आत्महत्या केल्याचे निदर्शनास आले. घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेतला. मृतदेह उत्तरीय तपासणीसाठी उपजिल्हा रुग्णालयात पाठविण्यात आला असून या प्रकरणाचा पुढील तपास पोलीस करीत आहेत. दरम्यान, दादाहरी वाडगाव येथे एका अल्पवयीन मुलीवर घरात घुसून विळ...

वीज वितरणाला आकाशीय विजेचा फटका: १३२ के.व्ही. सबस्टेशनवरच आकाशातून पडली वीज! परळीत अनेक तास वीजपुरवठा खंडित; 132 केव्ही सबस्टेशनमधील चार रिले जळाले परळी वैजनाथ | प्रतिनिधी        परळी शहर व परिसरात तासन्‌तास वीजपुरवठा खंडित होण्यामागचे नेमके कारण समोर आले असून, थर्मलजवळील 132 केव्ही सबस्टेशनवर शुक्रवारी सायंकाळी  आकाशीय वीज कोसळल्याने मोठा तांत्रिक बिघाड झाला. या घटनेत 132 केव्ही यंत्रणेतील चार महत्त्वाचे रिले जळून निकामी झाल्याने वीज वितरण व्यवस्था विस्कळीत झाली.             132 केव्ही सबस्टेशनमधील रिले हे ब्रेकर कंट्रोलर म्हणून कार्य करतात. आकाशीय विजेच्या तीव्र झटक्यामुळे हे चारही रिले जळाल्याने संबंधित फीडरमधील वीजपुरवठा तातडीने बंद पडला. परिणामी थर्मल 132 केव्ही सबस्टेशनवरून वीजपुरवठा होणाऱ्या अनेक भागांतील वीज वितरण पूर्णपणे कोलमडले होते.. घटनेची माहिती मिळताच महावितरणच्या अधिकारी व कर्मचाऱ्यांनी युद्धपातळीवर दुरुस्तीची कामे सुरू केली. सुमारे चार ते पाच तास अखंड परिश्रम घेऊन जळालेल्या रिले...

  नगर परिषदेचे कर्मचारी कार्यालयीन वेळेत इतरत्रच : अधिकाऱ्याच्या फोटोसेशनचा दाखला देत कारवाईची मागणी स्थापत्य अभियंत्यावर शिस्तभंगाची कारवाई करा - सामाजिक कार्यकर्ते अनिरुद्ध जोशी परळी वैजनाथ : प्रतिनिधी     परळी वैजनाथ नगर परिषदेत हालचाल रजिस्टर नाही. हजेरीची नोंद नाही.कार्यालयीन वेळेत कर्मचारी इतरत्रच असतात या मुद्द्यांना अधोरेखित करत एका अधिकाऱ्याच्या फोटोसेशनचा दाखला देत कारवाईची मागणी करण्यात आली आहे. याबाबतचे रीतसर निवेदन देऊन स्थापत्य अभियंत्यावर शिस्तभंगाची कारवाई करा अशी मागणी सामाजिक कार्यकर्ते अनिरुद्ध जोशी यांनी केली आहे. नगर परिषदेत दिलेल्या निवेदनानुसार, सोमवार (दि. २७ जुलै) रोजी शासकीय कामकाजाच्या वेळेत संबंधित अधिकारी कार्यालयीन जबाबदाऱ्या पार पाडण्याऐवजी क्रिकेटपटू केदार जाधव यांच्यासोबत छायाचित्रे काढण्यात व्यस्त होते असा दावा करण्यात आला आहे.स्थापत्य अभियंता ज्ञानेश्वर उत्तरेश्वर ढवळे यांच्यावर महाराष्ट्र नागरी सेवा (वर्तणूक) नियम, १९७९ अंतर्गत शिस्तभंगाची कारवाई करण्याची मागणी करण्यात आली आहे. या प्रकरणाच्या अनुषंगाने नगर परिषदेतील बांधकाम विभागा...

  परळी वैजनाथमध्ये अखंडित वीज खंडित ! परळीत महावितरणचा मनमानी कारभार; फोन उचलत नसल्याने ‘सरकारचे जावई’ म्हणत नागरिकांचा तीव्र संताप! परळी वैजनाथ : सोमवार, २७ जुलै २०२६ रोजी शहरातील गणेशपार भागासह इतर काही परिसरामध्ये कित्येक तासांपासून वीज पुरवठा पूर्णपणे खंडित झाला आहे. या गंभीर समस्येमुळे सामान्य नागरिकांसह शहरातील शासकीय व खासगी रुग्णालये आणि व्यापाऱ्यांना मोठ्या संकटाला सामोरे जावे लागत आहे. महावितरणच्या बेजबाबदार आणि ढिसाळ कारभारामुळे जनतेतून तीव्र संताप व्यक्त केला जात आहे. रुग्णालयांमध्ये आणीबाणीची स्थिती, व्यापारी वर्गाचे मोठे नुकसान वीज पुरवठा अचानक आणि दीर्घकाळ खंडित झाल्यामुळे शहरातील शासकीय व खासगी रुग्णालयांमध्ये उपचारासाठी दाखल असलेल्या रुग्णांचे प्रचंड हाल होत आहेत. आयसीयू (ICU), नवजात शिशु कक्ष आणि इतर अत्यावश्यक वैद्यकीय उपकरणांसाठी वीज अत्यंत गरजेची असल्याने रुग्णालयांची स्थिती बिकट झाली आहे. बॅकअप यंत्रणांवर मर्यादा येत असल्याने रुग्णांचा जीव टांगणीला लागला आहे. दुसरीकडे, ज्या व्यापाऱ्यांना व्यवसायासाठी वीज अत्यावश्यक आहे, त्यांचे कामकाज पूर्णपणे ठप्प झाले आहे. फ...

ना.पंकजा मुंडे याच्या सामाजिक दायित्वाच्या आवाहनाला राज्यभरातून उत्स्फूर्त प्रतिसाद ! हे माझ्यासाठी मोठे ऋण तयार झाले आहे - ना पंकजा मुंडे लोककल्याणाच्या उपक्रमाबद्दल पंकजाताईंनी कार्यकर्त्यांचे कौतुक करत व्यक्त केली कृतज्ञ भावना परळी वैजनाथ : प्रतिनिधी      राज्याच्या पर्यावरण व पशुसंवर्धन मंत्री ना.पंकजाताई मुंडे यांनी आपला वाढदिवस खर्चिक व उत्सवी स्वरूपात साजरा न करता सामाजिक दायित्वाच्या उपक्रमातून साजरा करण्याच्या केलेल्या आवाहनाला राज्यभरातून उदंड व उत्स्फूर्त प्रतिसाद मिळाला.आपल्या वाढदिवसानिमित्त राज्यभर लोक कल्याणकारी, पर्यावरणपूरक,सामाजिक हिताचे उपक्रम राबवून केलेल्या आवाहनाला उत्स्फूर्त प्रतिसाद दिल्याबद्दल  'हे माझ्यासाठी मोठे ऋण तयार झाले आहे' अशा शब्दात लोककल्याणाच्या उपक्रमाबद्दल पंकजाताई मुंडे यांनी कृतज्ञ भावना व्यक्त केल्या आहेत.      राज्याच्या पर्यावरण व पशुसंवर्धन मंत्री पंकजाताई मुंडे यांनी भावनिक शब्दांत कृतज्ञता व्यक्त केली आहे. लोककल्याणाचा स्वीकारलेला मार्ग कोणत्याही परिस्थितीत न सोडण्याचा निर्धार त्यांनी व्यक्त केला. आपल्या व...

  ना.पंकजा मुंडे यांच्या वाढदिवसा निमित्त परळीत रंगणार निमंत्रितांचे कविसंमेलन मोठ्या संख्येने उपस्थित रहावे- प्रा. पवन मुंडे, प्रितेश तोतला, अ‍ॅड. प्रणव मराठे, अनिश अग्रवाल परळी वैजनाथ (प्रतिनिधी) राज्याच्या पर्यावरण, हवामान बदल आणि पशुसंवर्धन मंत्री ना. पंकजाताई मुंडे यांच्या वाढदिवसानिमित्त येत्या शनिवारी (दि. 1 ऑगस्ट) परळीत राज्यातील प्रसिद्ध निमंत्रित कवींचे भव्य काव्य संमेलन रंगणार आहे. या मध्ये महाराष्ट्रातील नामवंत कवी प्रशांत मोरे (मुंबई), भरत दौंडकर (पुणे), नारायण पुरी (संभाजीनगर), गुंजन पाटील (जळगाव), अरुण पवार (परळी वैजनाथ) यांचे बहारदार आणि विविध विषयांवर शब्दांची बरसात होणार असुन या काव्य मैफलीस रसिकांनी मोठ्या संख्येने उपस्थित रहावे असे आवाहन संयोजक परळी नागरपरिषदेचे बांधकाम सभापती तथा भाजपा गटनेते प्रा. पवन मुंडे, भाजपाचे शहर सरचिटणीस प्रितेश तोतला, कोषाध्यक्ष अनिश अग्रवाल, नगरसेवक अ‍ॅड. प्रणव मराठे यांनी केले आहे.     कविता ही केवळ शब्दांची मांडणी नसते, ती समाजमनाचा स्पंदनशील आवाज असते. संवेदना, विचार आणि जीवनानुभव यांचा सुरेल आविष्कार घडविणाऱ्या अशाच एक...

शिवसेना पक्षप्रमुख उद्धव ठाकरे वाढदिवस: वैद्यनाथ ज्योतिर्लिंगाला अभिषेक; दीर्घायु व निरोगी आयुष्य लाभाची प्रार्थना परळी वैजनाथ:शिवसेना पक्षप्रमुख तथा महाराष्ट्र राज्याचे माजी मुख्यमंत्री माननीय उद्धव ठाकरे  यांच्या वाढदिवसानिमित्त परळी तालुका शिवसेनेकडून प्रभू वैद्यनाथ ज्योतिर्लिंगाला रुद्र अभिषेक करण्यात आला.    शिवसेना पक्षप्रमुख यांना दीर्घायु व निरोगी आयुष्य लाभावे यासाठी आज रोजी (सोमवार) शिवसेना उद्धव बाळासाहेब ठाकरे पक्षाच्या वतीने प्रभू वैद्यनाथाला पंचअमृताने रुद्र अभिषेक करून हर हर महादेव चा जयघोष करण्यात आला .यावेळी शिवसेना उपजिल्हाप्रमुख नारायण सातपुते तालुकाप्रमुख भोजराज पालीवाल शहर प्रमुख राजेश विभुते परळी विधानसभा प्रमुख जगन्नाथ साळुंखे उप तालुका प्रमुख महेश केंद्रे तालुका संघटक सुरेश जाधव तालुका सचिव प्रकाश साळुंखे युवा सेना उपजिल्हाधिकारी सचिन लोढा युवा सेना शहर  समन्वय राहुल उपाडे तालुका समन्वय विष्णू राठोड विभाग प्रमुख विशाल सुगरे शाखाप्रमुख विजय जाधव हरीश पालीवाल बालाजी नागरगोजे इत्यादी शिवसेना पदाधिकारी व शिवसैनिक मोठ्या संख्येने उपस्थित होते

उद्धव ठाकरे यांच्या वाढदिवसानिमित्त अभयकुमार ठक्कर यांच्या नेतृत्वाखाली दक्षिणमुखी गणपती मंदिरात महाआरती परळी वैजनाथ | प्रतिनिधी         शिवसेना पक्षप्रमुख महाराष्ट्र राज्याचे माजी मुख्यमंत्री मा.श्री.उद्धवजी बाळासाहेब ठाकरे यांच्या वाढदिवसानिमित्त त्यांना निरोगी, दीर्घायुष्य लाभावे तसेच महाराष्ट्राच्या जनतेची सेवा करण्यासाठी बळ मिळावे, यासाठी सोमवारी (दि. २७ जुलै) परळी वैजनाथ येथील श्री दक्षिणमुखी गणपती मंदिरात महाआरतीचे आयोजन करण्यात आले. यानंतर भाविकांना महाप्रसादाचे वाटप करण्यात आले. यावेळी शिवसेनेचे माजी उपजिल्हाप्रमुख तथा माजी नगराध्यक्ष अभयकुमार (पप्पू) ठक्कर यांच्या हस्ते श्री. दक्षिणमुखी गणरायाची महाआरती करण्यात आली. मंदिर परिसरात शिवसैनिकांनी उत्साहपूर्ण वातावरणात उपस्थित राहून श्री गणरायाचे दर्शन घेत पक्षप्रमुख उद्धव ठाकरे यांच्या उत्तम आरोग्य व दीर्घायुष्यासाठी प्रार्थना केली.यावेळी बोलताना अभयकुमार (पप्पू ) ठक्कर म्हणाले की, हिंदुहृदयसम्राट शिवसेनाप्रमुख बाळासाहेब ठाकरे यांनी दिलेले विचार हेच शिवसैनिकांचे प्रेरणास्थान आहेत. जनसामान्यांच्या सुख-दुःखात सह...

  "तू मला का बोलत नाहीस?" म्हणत अल्पवयीन मुलीवर विळ्याने जीवघेणा हल्ला ; पोक्सोअंतर्गत गुन्हा अल्पवयीन मुलीवर घरात घुसून जीवघेणा हल्ला परळी वैजनाथ| प्रतिनिधी..     तालुक्यातील दादाहरी वाडगाव येथे १७ वर्षे ११ महिने वयाच्या अल्पवयीन मुलीवर घरात घुसून जीवघेणा हल्ला केल्याची धक्कादायक घटना उघडकीस आली आहे. या प्रकरणी एका विरुद्ध भारतीय न्याय संहिता तसेच पोक्सो कायद्यान्वये गंभीर गुन्हा दाखल करण्यात आला असून आरोपी फरार आहे. पोलिसांनी दिलेल्या माहितीनुसार, आरोपी हा फिर्यादीच्या घरात घुसला. घरातील कडी लावून "तू मला का बोलत नाहीस?" असे म्हणत त्याने मुलीला खाली पाडले. तिच्या अंगावर बसून दोन्ही हातांनी गळा दाबला. त्यानंतर हातातील विळ्याने तिच्या डाव्या खांद्यावर वार करून तिला गंभीर जखमी केल्याचा आरोप आहे.या प्रकरणी आकाश राम खाटीक रा. दादाहरी वडगाव याच्याविरुद्ध गुन्हा रजिस्टर क्रमांक ३६६/२०२६ अन्वये भारतीय न्याय संहिता कलम १०९, ७५(१), ७६, ७८, १२७(२), ३३३, ३५१(२), ३५२ तसेच पोक्सो कायदा कलम ८ व १२ अंतर्गत गुन्हा नोंदविण्यात आला आहे. गुन्ह्याचा तपास पिंक पथकाचे सपोनि. शेंडगे यांच...

स्व. मुंडे साहेबांच्या विचारांची आपण दोन पावले, एकत्रित साहेबांच्या स्वप्नांना गती देऊ !  धनंजय मुंडे यांच्या पंकजाताईंना वाढदिवसानिमित्त विशेष शुभेच्छा! मुंबई (प्रतिनिधी) - माजी मंत्री आ. धनंजय मुंडे यांनी आपल्या सोशल मीडिया पोस्टद्वारे पर्यावरण व पशुसंवर्धन मंत्री पंकजाताई मुंडे यांना खास शुभेच्छा दिल्या आहेत. स्व. गोपीनाथराव मुंडे साहेबांच्या विचारांची आपण दोन पावले आहोत, कधी एक पाऊल पुढे तर दुसरे मागे हा अलिखित नियम मोडीत काढून दोन्ही पावले सोबत टाकून एकत्रित स्व. मुंडे साहेबांच्या स्वप्नांना गती देऊ; अशा खास शैलीत श्री. मुंडे यांनी आपल्या शुभेच्छा व्यक्त केल्या असून सोशल मीडियावर याची जोरदार चर्चा होत आहे. आपल्या पोस्ट मध्ये धनंजय मुंडे यांनी राज्याच्या पर्यावरण व पशुसंवर्धन मंत्री तथा माझी बहीण ना. पंकजाताईस वाढदिवसाच्या हार्दिक शुभेच्छा. पर्यावरणाच्या सशक्तीकरण व वातावरणाच्या शुद्धीचा जो ध्यास ताई तू घेतला आहेस, त्याला पूर्ण करण्याची प्रभू वैद्यनाथ तुला शक्ती देवोत अशी प्रार्थना करत धनंजय मुंडे यांनी पंकजाताई विभागामार्फत करत असलेल्या कामाचे कौतुक देखील केले आहे.  आपण क...

परळी छायाचित्रकार संघटनेच्या अध्यक्षपदी सुनील फुलारी; सचिवपदी सोमनाथ वळसे, उपाध्यक्षपदी गोविंद विजापुरे यांची बिनविरोध निवड परळी वैजनाथ | प्रतिनिधी परळी छायाचित्रकार संघटनेची वार्षिक सर्वसाधारण सभा नुकतीच नाथ रोड येथील सुयोग फोटो वर्ल्डच्या सभागृहात उत्साहात पार पडली. यावेळी संघटनेच्या नवीन कार्यकारिणीची बिनविरोध निवड करण्यात आली. अध्यक्षपदी ज्येष्ठ छायाचित्रकार सुनील (नाना) फुलारी, सचिवपदी सोमनाथ (काका) वळसे आणि उपाध्यक्षपदी गोविंद विजापुरे यांची एकमताने निवड करण्यात आली. सुनील फुलारी यांची अध्यक्षपदी सलग दुसऱ्यांदा निवड झाली असून, गेल्या दोन दशकांहून अधिक काळ त्यांनी संघटनाबांधणी, छायाचित्रकारांचे हितसंवर्धन, व्यवसायातील तांत्रिक प्रगती, आर्थिक सक्षमीकरण तसेच समाजाभिमुख उपक्रम राबविण्यासाठी सातत्याने प्रयत्न केले आहेत. छायाचित्रकारांच्या आरोग्याविषयी जनजागृती आणि विविध उपक्रमांमध्येही त्यांचा सक्रिय सहभाग राहिला आहे. गेल्या ३० वर्षांपासून परळीतील छायाचित्रण क्षेत्रात त्यांनी स्वतःचे वेगळे स्थान निर्माण केले असून, "नाना" या नावाने ते सर्वपरिचित आहेत. उपाध्यक्षपदी निवड झालेल...