दुःखद वार्ता : भावपूर्ण श्रद्धांजली

श्रीकांत करमाळकर यांना मातृशोक; श्रीमती सुशीलाबाई करमाळकर यांचे निधन 

परळी वैजनाथ, प्रतिनिधी.....

       येथील प्रसिद्ध किराणा व्यावसायिक श्रीकांत करमाळकर यांच्या मातोश्री व प्रसन्न  सतिश करमाळकर यांच्या आजी श्रीमती सुशिलाबाई विष्णुपंत  करमाळकर यांचे आज दिनांक 22 सप्टेंबर रोजी रात्री नऊ वाजण्याच्या सुमारास वृद्धापकाळाने निधन झाल.  मृत्यूसमयी त्या 90 वर्षे वयाच्या होत्य. त्यांच्या पश्चात एक मुलगा, दोन मुली, सुना, नातवंडे,पतवंडे असा मोठा परिवार आहे.

   श्रीमती सुशिलाबाई विष्णुपंत करमाळकर या अतिशय मनमिळाऊ, प्रेमळ, धार्मिक वृत्तीच्या होत्या. करमाळकर कुटुंबाचा आधारवड म्हणून त्यांची ओळख होती. सर्व नातलग, परिचित व मित्रपरिवारांमध्ये त्या 'आई' म्हणूनच परिचित होत्या. परळीच्या व्यापारपेठेत करमाळकर कुटुंबाने एक प्रतिष्ठित व्यापारी म्हणून नावलौकिक केला,  या पाठीमागे ही आपल्या मुलांना व्यवहारात अतिशय जडणघडण करून कौटुंबिक मनोबल देण्याचे काम सातत्याने दिवंगत सुशिलाबाई यांनी केलेले आहे. विविध धार्मिक, सामाजिक कार्यक्रमात त्यांचा सहभाग असायचा. यांच्या निधनाने करमाळकर कुटुंबाचा एक आधारवड कोसळला आहे. त्यांच्या निधनाने करमाळकर कुटुंबावर कोसळलेल्या या दुःखात एमबी न्यूज परिवार सहभागी आहे. 

आज अंत्यसंस्कार..

     दिवंगत सुशिलाबाई करमाळकर यांच्या पार्थिवावर परळी वैजनाथ येथे आज मंगळवार दिनांक 23 रोजी सकाळी नऊ वाजता मोक्षधाम स्मशानभूमी येथे अंत्यसंस्कार करण्यात येणार आहेत.  पद्मावती गल्ली येथील करमाळकर यांच्या निवासस्थानापासून अंत्ययात्रा निघणार आहे.