MB NEWS-शेतकऱ्यांना मिळणाऱ्या पिक विमा व अनुदान रक्मेतुन बॅंकांनी पिक कर्जाची रक्कम कपात करू नये अन्यथा आंदोलन-राजेश गित्ते

 शेतकऱ्यांना मिळणाऱ्या पिक विमा व अनुदान रक्मेतुन बॅंकांनी पिक कर्जाची रक्कम कपात करू नये अन्यथा आंदोलन-राजेश गित्ते 

परळी वैजनाथ, प्रतिनिधी....

शेतकरी गेली चार वर्ष निसर्गाच्या लहरी पणामुळे आर्थिक अडचणीत सापडला आहे.या वर्षी ही शेतकऱ्यांनी मोठ्या आशेने आपल्या शेतात कर्ज घेऊन पेरणी केली . पिक चांगले येऊन उत्पादन चांगले होईल व आपली आर्थिक परिस्थिती सुधारेल असे वाटत असताना अतिवृष्टीमुळे शेतकऱ्यांचे मोठे नुकसान झाले व तोंडाशी आलेला घास निसर्गाच्या लहरी पणामुळे आर्थिक नुकसान झाले.

.शासनाने शेतकऱ्यांना आर्थिक अडचणीतून बाहेर काढण्यासाठी मदत व्हावी यासाठी अनुदान व २५टक्के पिक विमा रक्कम शेतकऱ्यांच्या खात्यावर जमा करण्यास सुरुवात केली आहे.शेतकरी यांना वाटले या रकमेतून आर्थिक हातभार लागेल.पण जेव्हा शेतकऱी बैंकेत गेले तेव्हा त्यांच्या खात्यात जमा झालेल्या रक्कमेतून पिक कर्जाची रक्कम कपात करण्यात आली होती .

आज राजेश गित्ते यांनी शेतकरी आणि विविध गावचे सरपंच यांना सोबत घेऊन स्टेट बँक ऑफ महाराष्ट्र शाखा परळी वैजनाथचे मेनेजर यांना निवेदन देण्यात आले व तात्काळ कपात रक्कम शेतकऱ्यांच्या खात्यावर जमा करून पुढील काळात रक्कम कपात करण्यात येऊ नये असे निवेदनात म्हटले आहे. अन्यथा शेतकऱ्यांना सोबत घेऊन बैंके समोर आंदोलन करण्यात येईल असा इशारा भाजपा नेते राजेश गित्ते यांनी दिला आहे.

या निवेदनावर मा प समिती सदस्य मारोतराव फड, नंदनंज सरपंच अनिल गुट्टे,मिरवट सरपंच धुराजी साबळे, मिरवट चेअरमन भरतराव इंगळे, मिरवट उपसरपंच रामेश्वर महाराज इंगळे, मांडवा उपसरपंच अंगदराव नागरगोजे , मांडवा युवा नेते कारभारी मुंडे, दशरथ गिते, माऊली आंधळे, भास्कर गिते आदिंच्या स्वाक्षऱ्या आहेत