MB NEWS:माणिकनगर महिला भजनी मंडळ व श्री महारुद्र संस्थानचा उपक्रम
पापमोचनी एकादशीनिमित्त परळीत श्री नामाचा गजर करत निघाली वारकऱ्यांची पायी दिंडी
माणिकनगर महिला भजनी मंडळ व श्री महारुद्र संस्थानचा उपक्रम
*परळी वैजनाथ /प्रतिनिधी*
हिंदू संस्कृतीत होळी नंतर येणाऱ्या मराठी महिन्यातील शेवटची पापमोचणी एकादशीला अनन्य साधारण महत्व असून यानिमित्त परळी वैजनाथ येथील माणिकनगर भागातील श्री महारुद्र संस्थान व माणिक नगर भजनी मंडळ यांच्या वतीने श्री नामाचा गजर करीत आज शनिवार दिनांक 18 मार्च रोजी सकाळी पाच वाजता प्रभु वैद्यनाथास मेरू प्रदक्षिणा करत वारकऱ्यांनी पायी दिंडी काढली.
फाल्गुन महिन्यात कृष्ण पक्षात आज शनिवारी १८ मार्च रोजी पापमोचनी एकादशी आहे. होळीनंतर येणाऱ्या या एकादशीला अनन्य महत्त्व आहे. मराठी महिन्यातील शेवटचा महिना फाल्गुन असून, या वर्षातील ही शेवटची एकादशी असून या निमित्त शहरातील माणिक नगर भागातील श्री महारुद्र संस्थान हनुमान मंदिर व माणिक नगर महिला भजनी मंडळ यांच्या वतीने आज सकाळी पाच वाजता संत श्री जगमित्र नागा महाराज मंदिर, श्री प्रभू वैजनाथ मंदिर, दक्षिणमुखी गणपती मंदिर, प्रति वैजनाथ मंदिर, वेताळ मंदिर असे मार्गक्रमण मेरू प्रदक्षिणा करण्यात आली. यावेळी माणिक नगर भागातील महिला भजनी मंडळ तसेच भाविक भक्त नागरिक मोठ्या संख्येने सहभागी झाले होते.
टिप्पण्या
टिप्पणी पोस्ट करा