मुख्यमंत्री माझी लाडकी बहीण योजना : वाल्मीक अण्णा कराड यांच्या अध्यक्षतेखालील परळी विधानसभा समिती सदस्यपदी बाजीराव धर्माधिकारी व राजाभाऊ पौळ

 मुख्यमंत्री माझी लाडकी बहीण योजना : वाल्मीक अण्णा कराड यांच्या अध्यक्षतेखालील परळी विधानसभा  समिती सदस्यपदी बाजीराव धर्माधिकारी व राजाभाऊ पौळ

परळी वैजनाथ, प्रतिनिधी...
      महाराष्ट्र शासनाची महत्त्वकांक्षी योजना म्हणून राबविण्यात येत असलेल्या मुख्यमंत्री माझी लाडकी बहीण योजनेची प्रभावी अंमलबजावणी करण्यासाठी शासन व प्रशासन स्तरावर जोरदार प्रयत्न करण्यात येत आहेत. या अनुषंगाने प्रत्येक विधानसभानिहाय  समिती गठीत करण्यात आली आहे. परळी वैजनाथ विधानसभा मतदारसंघ समिती अध्यक्षपदी वाल्मीकअण्णा कराड यांची नियुक्ती करण्यात आलेली आहे. या समितीत आता बाजीराव धर्माधिकारी व राजाभाऊ पौळ या दोघांची नियुक्ती करण्यात आली आहे.
           बीड जिल्ह्याचे पालकमंत्री ना धनंजय मुंडे यांच्या निर्देशानुसार बीड जिल्हाधिकारी अविनाश पाठक यांनी बीड जिल्ह्यातील विधानसभा निहाय समिती गठीत केली आहे. या अनुषंगाने परळी विधानसभा मतदारसंघ कार्यक्षेत्र असलेल्या सनियंत्रण समिती अध्यक्षपदी यापुर्वीच वाल्मीकअण्णा कराड यांची नियुक्ती करण्यात आलेली आहे.
              या समितीत न.प. मुख्याधिकारी, पं.स. गटविकास अधिकारी, सहाय्यक आयुक्त समाज कल्याण, महिला व बालविकास अधिकारी  पर्यवेक्षिका महिला व बालकल्याण विभाग, तालुका संरक्षण अधिकारी, दोन अशासकीय सदस्य यांचा सदस्य म्हणून समावेश आहे.दोन अशासकीय सदस्य  म्हणून बाजीराव धर्माधिकारी व राजाभाऊ पौळ या दोघांची नियुक्ती करण्यात आली आहे.या नियुक्तीबद्दल  त्यांचे सर्व स्तरातून अभिनंदन होत आहे.