परळी वैजनाथ विधानसभेत मनसे मैदानात!

परळी वैजनाथ विधानसभेत मनसे मैदानात!

महाराष्ट्र नवनिर्माण सेना परळी विधानसभा लढविणार - पाथरकर,कळसकर

परळी वैजनाथ, प्रतिनिधी....

      विधानसभा निवडणुकांचे वातावरण जोरदार बापटून विविध पक्षांच्या वतीने या निवडणुकीच्या मैदानात मैदान गाजविण्याची तयारी सुरू आहे यातच राज ठाकरेंच्या महाराष्ट्र नवनिर्माण सेनेने 16 बळावर निवडणूक लढविण्याची घोषणा केलेली आहे त्यामुळे महाराष्ट्राचे लक्ष लागून राहिलेल्या परळी विधानसभा मतदारसंघात मनसेच्या वतीने पूर्ण ताकदीनिशिंग उमेदवार देण्यात येणार असल्याची माहिती पक्षाच्या वतीने देण्यात आली आहे

जगाला हेवा वाटेल असा महाराष्ट्र घडविण्यासाठी सन्माननीय राजसाहेब ठाकरे यांचे हात बळकट करण्यासाठी तसेच परळी मतदार संघाचा विकास करण्यासाठी पक्ष निरिक्षक सलीम मामा ,नरेंद्र तांबोळी,जिल्हाध्यक्ष श्रीराम बादाडे यांच्या मार्गदर्शनाखाली परळी विधासभा मनसे कोणत्याही युती आघाडीत न राहता स्वबळावर लढविणार असल्याचे जिल्हाउपाध्यक्ष दत्तात्रय दहिवाळ, तालुकाध्यक्ष श्रीकांत पाथरकर,शहराध्यक्ष वैजनाथ कळसकर यांनी सांगितले.  

गेल्या अठरा वर्षांपासुन जनतेचे विविध प्रश्न घेऊन मनसे ने आंदोलने केली आहेत प्रसंगी पोलीस केसेसही अंगावर घेतल्या आहेत.नेहमीच जनतेच्या प्रश्नांवर आक्रमकपणे रस्त्यावर उतरणारी संघटना म्हणुन लोक मनसे कडे पाहत आहेत. 

त्यामुळे आगामी विधानसभेसाठी मनसे जनतेसमोर सक्षम पर्याय असेल असे तालुकाध्यक्ष श्रीकांत पाथरकर व शहराध्यक्ष वैजनाथ कळसकर यांनी पत्रकात सांगितले आहे.