MB NEWS:शिवसेना जिल्हाप्रमुख सचिन मुळूक यांच्या हस्ते शिवसेना सदस्य नोंदणी चा उत्साहात शुभारंभ*

 *शिवसेना जिल्हाप्रमुख सचिन मुळूक यांच्या हस्ते शिवसेना सदस्य नोंदणी चा उत्साहात शुभारंभ*

*परळी शहरात पाच हजार शिवसेना सदस्य नोंदणीचे उद्दिष्ट पूर्ण करणार-शहर प्रमुख राजेश विभुते*

*परळी वैजनाथ (प्रतिनिधी)*

परळी शहर शिवसेनेच्या वतीने आज सोमवार दिनांक 2 नोव्हेंबर 2020 रोजी सकाळी 11 वाजता परळी शहरात शिवसेना प्राथमिक सदस्य नोंदणीचा शुभारंभ शिवसेना जिल्हाप्रमुख सचिनजी मुळूक यांच्या हस्ते करण्यात आला. दरम्यान परळी शहरात 5000 शिवसेना सदस्य नोंदणी करणार असल्याचे शिवसेना शहर प्रमुख राजेश विभुते यांनी याप्रसंगी सांगितले. 

परळी शहर शिवसेनेच्या वतीने आज सोमवार दिनांक 2 नोव्हेंबर 2020 रोजी सकाळी 11 वाजता चेंमरी रेस्ट हाऊस येथे जिल्हाप्रमुख सचिन मुळूक यांच्या हस्ते उत्साहात करण्यात आला. कार्यक्रमाच्या प्रारंभी छ. शिवाजी महाराज, हिंदुहदय सम्राट शिवसेनाप्रमुख बाळासाहेब ठाकरे, मा साहेब ठाकरे यांच्या प्रतिमेस पुष्पहार अर्पण करून अभिवादन करण्यात आले. यावेळी बोलताना शिवसेना जिल्हाप्रमुख सचिन मुळु क म्हणाले की, शिवसेनाप्रमुख बाळासाहेब ठाकरे यांचे विचार जनतेपर्यंत पोहोचविण्याचे काम तमाम शिवसैनिकांनी करावे, बाळासाहेब ठाकरे यांनी 20 टक्के राजकारण व 80 टक्के समाजकारण केले आहे . राज्यात शिवसेना सत्तेवर असून शिवसेना वाढीसाठी सर्व शिवसैनिकांनी कामाला लागावे असे आवाहन श्री मुळक यांनी केले. पुढे बोलताना श्री सचिन मुळूक म्हणाले की, शिवसेना पक्षप्रमुख उद्धवजी ठाकरे यांच्या आदेशानुसार व युवा सेना प्रमुख आदित्यजी ठाकरे, शिवसेना नेते माजी खा. चंद्रकांतजी खैरे, संपर्कप्रमुख आनंदजी जाधव यांच्या सूचनेवरून संपूर्ण बीड जिल्ह्यासह परळी शहरात मोठ्या संख्येने शिवसेना सदस्य नोंदणी करण्यात येणार आहे यासाठी तमाम शिवसैनिकांनी हजारो नागरिकांना यात सामावून घ्यावे असे आवाहन त्यांनी केले आहे.

या कार्यक्रमास शिवसेना उपजिल्हाप्रमुख अभयकुमार उर्फ पप्पू ठक्कर, तालुकाप्रमुख व्यंकटेश भैय्या शिंदे, ज्येष्ठ नेते नारायणराव सातपुते, विद्यार्थी सेनेचे जिल्हाप्रमुख प्रा.अतुल दुबे, जिल्हा समन्वयक रमेशआप्पा चौंडे, ज्येष्ठ नेते सतीशअण्णा जगताप, विधानसभा प्रमुख राजाभैय्या पांडे, माजी शहर प्रमुख भोजराज पालीवाल, शिवसेना महिला आघाडीच्या उपजिल्हाप्रमुख विद्याताई गुजर तालुकाप्रमुख विमल ताई गायकवाड शहर प्रमुख सौ सरवदे उपस्थित होते

कार्यक्रम यशस्वी करण्यासाठी शिवसेना शहर प्रमुख राजेश विभुते यांच्यासह उपशहर प्रमुख किसन बुंदेले, मोहन राजमाने, युवा सेना तालुका अधिकारी संतोष चौधरी, शहर अधिकारी कृष्ण सुरवसे, विद्यार्थी सेना उपजिल्हाप्रमुख मोहन परदेशी, तालुकाप्रमुख अमित कचरे, शहरप्रमुख गजानन कोकील यांनी परिश्रम घेतले.