MB NEWS- *धनंजय मुंडेंचे नाथऱ्याला वेलकम गिफ्ट! शनिवारी दोन कोटी तीस लाख रुपयांच्या कामांचे लोकार्पण*

 *धनंजय मुंडेंचे नाथऱ्याला वेलकम गिफ्ट! शनिवारी दोन कोटी तीस लाख रुपयांच्या कामांचे लोकार्पण*

*आणखी पाच कोटींच्या कामांचे भूमिपूजन, गावकरी करणार भूमीपुत्राचा नागरी सत्कार*

परळी (दि. ०५) ---- : राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना. धनंजय मुंडे हे बीड जिल्ह्यात दौऱ्यावर असून, शनिवारी ते जन्मगाव नाथरा येथे विविध विकास कामांच्या लोकार्पण व भूमिपूजन कार्यक्रमासाठी येणार आहेत. यावेळी नाथ्र्याच्या ग्रामस्थांकडून आपल्या लाडक्या भूमीपुत्राचा भव्य नागरी सत्कार करण्यात येणार असल्याची माहिती जिल्हा परिषदेचे गटनेते अजय मुंडे यांनी दिली आहे.

 या वेळी धनंजय मुंडे यांच्या हस्ते नाथरा (पांढरी) येथील सव्वा कोटी रुपयांचा उच्चालक बंधारा, नाली, प्रवासी निवास, स्मशानभूमी कंपाउंड, सार्वजनिक वाचनालय, शाळेतील कंपाउंड, विविध ठिकाणचे पेव्हर ब्लॉक असे एकूण दोन कोटी तीस लाख रुपयांच्या कामांचे लोकार्पण करण्यात येणार आहे. तर नाथरा गावातील सव्वा कोटी रुपये किमतीचा बंधारा, देशमुख टाकळी येथील सव्वा कोटी रुपयांचा बंधारा, दीड कोटी रुपये खर्चून प्राथमिक आरोग्य केंद्राचे दुरुस्तीकरण, आदी विविध अंदाजे पाच कोटी रुपयांच्या कामांचे भूमिपूजन ना. मुंडे यांच्या हस्ते करण्यात येणार आहे. यावेळी आ. संजय दौंड, जि. प. अध्यक्षा सौ. शिवकन्या ताई सिरसाट, जि. प. उपाध्यक्ष बजरंग बप्पा सोनवणे, जि. प. गटनेते अजय मुंडे, पंचायत समिती सभापती बालाजी (पिंटू) मुंडे आदी उपस्थित राहणार आहेत.

 यावेळी नाथऱ्याच्या ग्रामस्थांच्या वतीने आपल्या लाडक्या भूमीपूत्राचे जोरदार स्वागत करण्यात येणार आहे, अशी माहिती स्वागत समितीच्या वतीने देण्यात आली आहे.