MB NEWS-वाढत्या कोरोनाच्या पार्श्वभूमीवर परळी शहरात नगर परिषदे ने प्रभाग निहाय जंतुनाशक फवारणी करून घ्यावी-प्रा. पवन मुंडे

 वाढत्या कोरोनाच्या पार्श्वभूमीवर परळी शहरात नगर परिषदे ने प्रभाग निहाय जंतुनाशक फवारणी करून घ्यावी-प्रा. पवन मुंडे

परळी प्रतिनिधी : परळी शहरात दिवसेंदिवस कोरोना रुग्णांची संख्या वाढत चालली असून नागरिकांमध्ये भीतीचे वातावरण निर्माण झाले असून वाढत्या कोरोनाच्या पार्श्वभूमीवर परळी शहरात नगरपालिका प्रशासनाने प्रभाग निहाय गल्लोगलीत जंतुनाशक फवारणी करावी अशी मागणी भाजपा नगरसेवक प्रा पवन मुंडे यांनी केली आहे.

परळी शहरात कोरोनाने थैमान घातले असून या गंभीर आजाराने अनेक लोक दगावत आहेत,तरी शहरातील विविध भागात घाणीचे  साम्राज्य पसरले आहे,शहरात वाढत्या कोरोना रुग्णांच्या पार्श्वभूमीवर शहरातील प्रत्येक भागात प्रभागनिहाय पद्धतीने घरोघरी नगर परिषद प्रशासनाने जंतुनाशक फवारणी करून अशी मागणी भाजपाचे नगरसेवक प्रा पवन मुंडे यांनी केली आहे.