MB NEWS-कै.लक्ष्मीबाई देशमुख महिला महाविद्यालयातील प्रा.डॉ.सुनील खिल्लारे यांचे अकाली निधन
कै.लक्ष्मीबाई देशमुख महिला महाविद्यालयातील प्रा.डॉ.सुनील खिल्लारे यांचे अकाली निधन
परळी वैजनाथ दि.२८ (प्रतिनिधी )
येथील लक्ष्मीबाई देशमुख महिला महाविद्यालयातील संगणकशास्त्राचे प्रा.डॉ.सुनील खिल्लारे (वय ३३) यांचे अल्प आजाराने मंगळवारी (ता.२७) सायंकाळी दुखःद निधन झाले. बुधवारी संस्था व महाविद्यालयाच्या वतीने श्रध्दांजली अर्पण करण्यात आली.
शहरातील राणी लक्ष्मीबाई टाँवर चौक परिसरात असलेल्या लक्ष्मीबाई देशमुख महिला महाविद्यालयात संगणकशास्त्राचे प्राध्यापक म्हणून प्रा.डॉ. सुनील खिल्लारे यांची नुकतीच नियुक्ती करण्यात आली होती. गेल्या आठवड्यात आजारी पडल्याने त्यांच्यावर औरंगाबाद येथील खाजगी रुग्णालयात उपचार सुरू होते.उपचारादरम्यान मंगळवारी सायंकाळी त्यांचे निधन झाले. त्यांच्यावर औरंगाबाद येथेच अंत्यसंस्कार करण्यात आले. त्यांच्या मागे आई,वडील, पत्नी, एक मुलगा, तीन बहिणी असा परिवार आहे. दरम्यान बुधवारी येथील लक्ष्मीबाई देशमुख महिला महाविद्यालयात श्रध्दांजली चे आयोजन करण्यात आले होते. यावेळी संस्थेचे सचिव रवींद्र देशमुख, कोषाध्यक्ष प्रा.प्रसाद देशमुख, प्राचार्या डॉ. आर.जे. परळीकर, प्रा.डॉ. विनोद जगतकर, प्रमोद पत्की, अनिल पत्की, प्रा.प्रविण फुटके उपस्थित होते. यावेळी त्यांच्या महाविद्यालयातील कार्याबदल उजाळा देण्यात आला.
टिप्पण्या
टिप्पणी पोस्ट करा