मुंबईचे महत्त्व सांगणारा अण्णाभाऊ साठेंचा ग्रंथ राज्यपालांनी वाचवा आणि पुन्हा महाराष्ट्राचा अवमान करू नये - अनंत इंगळे
परळी राष्ट्रवादी काँग्रेसने राज्यपालांना पोस्टाने पाठवला ग्रंथ
परळी ( प्रतिनिधी)
महाराष्ट्राचा सातत्याने अवमान करणाऱ्या राज्यपालांच करायचं काय खाली मुंडकं वर पाय राज्यपालांचा जाहीर निषेध असो अशा प्रकारच्या घोषणा देत राष्ट्रवादी काँग्रेसने माजी मंत्री आमदार धनंजय मुंडे यांच्या मार्गदर्शनाखाली राज्यपाल भगतसिंग कोशयारी यांना साहित्यरत्न अण्णाभाऊ साठे यांनी मुंबई आणि महाराष्ट्राचे महत्व विशद करणारा ग्रंथ परळी पोस्ट कार्यालयातून पाठवला असून राज्यपालांनी तो वाचावा आणि पुन्हा महाराष्ट्राची बदनामी करू नये अशी प्रतिक्रिया राष्ट्रवादी काँग्रेसचे शहर सरचिटणीस अनंत इंगळे यांनी व्यक्त केली.
महाराष्ट्राचे राज्यपाल भगतसिंग कोशयारी यांनी मागील काही दिवसात छत्रपती शिवाजी महाराज, महात्मा फुले, सावित्रीबाई फुले यांच्या विषयी अवमान कारक वक्तव्य केले होते. पुन्हा चार दिवसापूर्वी त्यांनी मुंबईमध्ये एका खाजगी कार्यक्रमात बोलत असताना मुंबई आणि महाराष्ट्राची बदनामी करणारे वक्तव्य केले. या वक्तव्याचा परळी राष्ट्रवादी काँग्रेसच्या वतीने जाहीर निषेध करण्यात आला.
राज्यपालांचा निषेध करण्यासाठी राष्ट्रवादी काँग्रेसच्या कार्यकर्त्यांनी साहित्यरत्न अण्णाभाऊ साठे यांचा निवडक वाड्मय हा ग्रंथ परळी येथील पोस्ट कार्यालयामार्फत राज्यपालांना पाठवण्यात आला. त्यापूर्वी कार्यकर्त्यांनी राज्यपाल कोशयारी यांच्या विरोधात आणि निषेधार्थ जोरदार घोषणाबाजी केली. याप्रसंगी प्रतिक्रिया देताना अनंत इंगळे म्हणाले की राज्यपाल भगतसिंग कोशयारी सातत्याने महाराष्ट्राचा अवमान करत आहेत. अशा प्रकारचे वक्तव्य त्यांनी पुन्हा करू नये यासाठी साहित्यरत्न अण्णाभाऊ साठे यांनी मुंबईचे महत्त्व विशद केलेले साहित्य वाचावे यासाठी हा ग्रंथ त्यांना पाठवण्यात आला आहे.
या आंदोलनात शिक्षण सभापती गोपाळराव आंधळे,सरचिटणीस अनंत इंगळे, महादेव रोडे,अल्ताफ पठाण, सय्यद सिराज, लालाखान पठाण,केशव गायकवाड, संजय देवकर, केडी उपाडे, संजय देवकर, अमर रोडे,गफार काकर, धम्मा अवचारे, पवन फुटके,दिपक कुरील,शरद कावरे,भैयासाहेब जाधवर, अमर सुर्यवंशी शेख शारेख आदी कार्यकर्ते उपस्थित होते.
टिप्पण्या
टिप्पणी पोस्ट करा