MB NEWS-घरफोडीचे सत्र सुरूच :परळीतील माधवबाग मध्येही घरफोडी
घरफोडीचे सत्र सुरूच : परळीतील माधवबाग मध्येही घरफोडी
परळी वैजनाथ, प्रतिनिधी....
परळी शहर व तालुक्यात चोरट्यांनी धुमाकूळ घातला असून हनुमान मंदिरातील दानपेट्यांच्या चोरीनंतर बँक कॉलनीतील मोठी घरफोडी व त्यानंतर आता परळीतील माधवबाग परिसरातही घरफोडीची घटना घडल्याचे पुढे आले आहे. या घरफोडीत सोन्याचे दागिने चोरट्याने पळविले आहेत .
माधवबाग परिसरात राहणारे फिर्यादी हरिदास रामदास बडे वय 50 यांच्या घरी दिनांक 3 रोजी मध्यरात्री घरामध्ये अज्ञात चोरट्याने प्रवेश केला व घरातील सोन्याचे दागिने अंदाजे किंमत 47 हजार 350 रुपये चोरून नेला. याप्रकरणी संभाजीनगर पोलीस ठाण्यात अज्ञात आरोपी विरुद्ध गुन्हा नोंद करण्यात आला आहे. घटनेचा अधिक तपास पोलीस हवालदार होळंबे हे करत आहेत.
दरम्यान परळी शहर व परिसरातील वाढत्या चोऱ्याचे सत्र भीतीदायक बनले असून कोणत्याही चोऱ्याचा तपास लागत नसल्याने व चोरटे पकडण्यात पोलिसांना यश येत नसल्याने या चोऱ्यांचे सत्र वाढत चालल्याचे दिसून येत आहे. त्यामुळे चोरीच्या घटनेतील आरोपींना पकडण्याचे मोठे आव्हान परळी पोलिसांसमोर निर्माण झाले आहे.
टिप्पण्या
टिप्पणी पोस्ट करा