MB NEWS:खा.प्रितम मुंडे यांच्या हस्ते सावता माळी मंदिराचे कलशारोहन

- फेब्रुवारी २२, २०२३

खा.प्रितम मुंडे यांच्या हस्ते सावता माळी मंदिराचे कलशारोहन

“स्वकर्मात व्हावे रत, मोक्ष मिळे हातोहात" या शिकवणीनुसार काम करण्याचा प्रयत्न - खा. डॉ. प्रितम मुंडे

भाविकांसोबत पंगतीत घेतला प्रसादाचा लाभ

परळी । दि. २२ ।

कर्म आणि कर्तव्य करत राहणे हीच खरी ईश्वर सेवा आहे या सावता माळी महाराजांच्या शिकवणीनुसार आम्ही समाजकारण करत आहोत. सावता माळी महाराज यांची ‘स्व कर्मात व्हावे रत मोक्ष मिळे हातोहात' ही शिकवण आम्हाला जनतेची कामे करताना ऊर्जा देते, संतांच्या या शिकवणीनुसार आम्ही लोकसेवेचे कार्य करत राहू असे प्रतिपादन खा.प्रितमताई मुंडे यांनी केले. परळी तालुक्यातील लोणी येथे संत शिरोमणी सावता माळी महाराज मंदिराचा कलशारोहन सोहळा पार पडल्यानंतर भविकांशी संवाद साधताना खा.प्रितमताई बोलत होत्या.

लोणी येथे संत शिरोमणी सावता माळी महाराज मंदिराचे कलशारोहन आणि खंडोबा मंदिर सभागृहाचे भूमिपूजन खा.प्रितमताई मुंडे यांच्या हस्ते संपन्न झाले. भाजपचे तालुकाध्यक्ष सतीश मुंडे, जेष्ठ नेते दिलीप आबा बिडगर, राजेश गित्ते, नगरसेवक पवन मुंडे, चंद्रकांत देवकते यांच्यासह अनेक मान्यवर यावेळी उपस्थित होते. याप्रसंगी ह.भ.प बापूसाहेब महाराज उखळीकर यांचे सुश्राव्य कीर्तन श्रवण करून खा.प्रितमताईंनी कलश पूजन केले व उपस्थित भाविक, ग्रामस्थांशी संवाद साधला.

पुढे बोलताना खा.प्रितमताई मुंडे म्हणाल्या कि संतांच्या शिकवणीनुसार आम्ही सार्वजनिक जीवनात काम करत आहोत. लोकांच्या अपेक्षांना, विश्वासाला सार्थ ठरेल असे काम करताना कुणाची निंदा करायची नाही, निंदा केल्याने पुण्याचा नाश होतो ही संतांची शिकवण आम्ही बाळगतो. पंकजाताई जिल्ह्याच्या पालकमंत्री असताना मागणी करण्यापूर्वी विकास कामे होत होती, त्यांनी मंजूर केलेल्या कामांचे आजही नारळ फोडले जात आहेत. तेंव्हाची पाच वर्षे अत्यंत सुखात गेली, मधल्या काळात प्रलंबित राहिलेली कामे भविष्यात मार्गी लावली, केलेल्या कामातून ईश्वर प्राप्ती होते ही शिकवण अंगिकरून आम्ही तुमची कामे करत राहू अशी ग्वाही यावेळी खा.प्रितमताईंनी उपस्थितांना दिली. तद्नंतर त्यांनी महिला भाविकांसोबत पंगतीला बसून प्रसादाचा लाभ घेतला व महिलांशी संवाद साधला.

------------- video news ----------------