गर्भवती महिला हेळसांड: उपचारातील हलगर्जी प्रकरणी गित्ते हाॅस्पिटल मधील सीसीटीव्ही फुटेज जप्त करण्याची मागणी परळी वैजनाथ, प्रतिनिधी: शहरातील गित्ते हाॅस्पिटल या खाजगी रुग्णालयात उपचारादरम्यान गर्भातील बाळाचा मृत्यू झाल्याच्या प्रकरणात आता पुरावे सुरक्षित ठेवण्याची मागणी पुढे आली आहे. तक्रारदाराने शहर पोलीस ठाण्यात निवेदन देऊन संबंधित रुग्णालय तसेच परिसरातील सीसीटीव्ही फुटेज आणि डीव्हीआर तात्काळ जप्त करून सुरक्षित ताब्यात घेण्याची मागणी केली आहे. तक्रारदार वैजनाथ संभाजी मुंडे यांनी दिलेल्या निवेदनात म्हटले आहे की, त्यांच्या पत्नीवर उपचार करताना डाॅ.कल्पना सचिन गित्ते यांच्याविरुद्ध हलगर्जीपणा झाल्याचा आरोप यापूर्वीच लेखी तक्रार करुन करण्यात आला आहे. या प्रकरणात सत्य समोर येण्यासाठी रुग्णालयातील आणि परिसरातील सीसीटीव्ही फुटेज महत्त्वाचे ठरणार असल्याचे त्यांनी नमूद केले आहे.२३ एप्रिल ते २४ एप्रिलदरम्यान रुग्णालयातील केबिन, कॉरिडॉर तसेच बाहेरील परिसरातील सीसीटीव्ही फुटेज जप्त करण्यात यावे, अशी मागणी करण्यात आली आहे. तसेच रु...

जिल्ह्यासाठी 25 व 26 एप्रिल रोजी ऑरेज अलर्ट जारी !

विजांचा कडकडाट व गारपीट होण्याची शक्यता

बीड, दि.24,(जि.मा.का.) :- प्रादेशिक हवामान शास्त्र केंद्र मुंबई यांनी दि. 24 एप्रिल 2023 रोजी दुपारी 1.00 वाजता दिलेल्या सूचनेनुसार बीड जिल्हयासाठी दि. 25 एप्रिल व 26 एप्रिल 2023 या दिवसासाठी ऑरेज (Orange) अलर्ट जारी केला आहे. तसेच 24, 27, आणि 28 एप्रिल 2023 या दिवसासाठी येलो (Yellow) अलर्ट जारी केला असून 25 ते 26 एप्रिल 2023 रोजी जिल्ळयात तुरळक ठिकाणी विजांच्या गडगडाटासह सोसाटयाचा वारा आणि वेगवेगळया ठिकाणी गारपीट होण्याची शक्य्ता आहे. तसेच 24,27, 28 एप्रिल 2033 रोजी जिल्हयात तुरळक ठिकाणी ताशी 30 ते 40 किलामीटर वेगाने वादळी वारे वाहण्याची, विजेच्या कडकडाटासह व ढगांच्या गडगडाटासह हलक्या स्वरुपाचा पाऊस पडण्याची शक्यता वर्तवली असून खबरदारीचा उपाय म्हणून पुढीलप्रमाणे काळजी घेण्यात यावी असे निवासी उपजिल्हाधिकारी संताष राऊत यांनी कळविले आहे.

या गोष्टी करा :- विजेच्या गडगडाटासह पावसाची पुर्वकल्पना असल्यास बाहेर जाणे टाळा, जर मोकळया जागेत असाल आणि जवळपास कुठल्याही सुरक्षित इमारतीचा आसरा नसेल तर सखल जागेत जाऊन गुडघ्यात डोके घालून बसा, आकाशात विजा चमकत असल्यास घरात किंवा सुरक्षित इमारतीत आश्रय घ्या, घराच्या बाल्कनी, छत अथवा घराबाहेरील ओटयावर थांबु नका, आपण घरात असाल आणि घरातील विद्युत उपकरणे चालू असतील तर त्या वस्तु त्वरित बंद करा, तारांचे कुंपण, विजेचा खांब व इतर लोखंडी वस्तूंपासून दूर रहा, पाण्यात उभे असाल तर तात्काळ पाण्यातुन बाहेर पडा.

या गोष्टी करु नका:- आकाशात विजा चमकत असल्यास घरातील लॅडलाईन फोनचा वापर करु नका, शॉवरखाली अंघोळ करु नका, घरातील बेसीनचे नळ, पाण्याची पाईपलाईन यांना स्पर्श करु नका. तसेच कुठल्याही विद्युत उपकरणाचा वापर करु नका, विजेच्या गडगडाटासह वादळी वारे चालु असतांना लोखंडी धातुच्या सहाय्याने उभारलेल्या तंबुमध्ये किंवा शेडमध्ये आसरा घेऊ नका. उंच झाडाच्या खाली आसरा घेऊ नका, धातुच्या उंच मनो-याजवळ उभे राहू नका, जर आपण घरात असाल तर उघड्या दारात अथवा खिडकीतून वीज पडतांना बाहेर पाहू नका, हे बाहेर थांबणे इतकेच धोकादायक आहे.

..................

Video