महिलांनी जास्तीत जास्त संख्येने सहभागी व्हावे - भाजपा महिला मोर्चाचं आवाहन

 खा.प्रितमताई मुंडे यांच्या उपस्थितीत उद्या परळीत योग शिबिर

महिलांनी जास्तीत जास्त संख्येने सहभागी व्हावे - भाजपा महिला मोर्चाचं आवाहन

परळी । दि. २० ।

भारतीय जनता पक्षाच्या वतीने राबविण्यात येत असलेल्या मोदी@9 महाजनसंपर्क अभियान या उपक्रमाअंतर्गत आणि आंतरराष्ट्रीय योग दिनानिमित्त परळी शहरात योग शिबिराचे आयोजन करण्यात आले आहे. भाजप नेत्या खा.डॉ.प्रितमताई मुंडे यांच्या प्रमुख उपस्थितीत होणाऱ्या या शिबीरात महिलांनी जास्तीत जास्त संख्येने सहभागी व्हावे असे आवाहन शहर भाजपा महिला मोर्चाने केले आहे. 

प्रधानमंत्री नरेंद्र मोदी यांच्या नेतृत्वात केंद्र सरकारने सत्तेची नऊ वर्षे पूर्ण केल्यानिमित्त भारतीय जनता पक्ष महाजनसंपर्क अभियान राबवित आहे, आंतरराष्ट्रीय योग दिनाच्या औचित्याने भाजपने या उपक्रमाअंतर्गत उद्या २१ जून रोजी   शहरातील कै. लक्ष्मीबाई देशमुख महिला महाविद्यालयात सकाळी ६ वा. खा.प्रितमताई मुंडे यांच्या हस्ते शिबिराचे उदघाटन होणार आहे. मनाची एकाग्रता आणि शारीरिक आरोग्य सदृढ करणाऱ्या अनेक योग पद्धतींचा अभ्यास आणि  दैनंदिन जीवनात अनुकरण करण्यासाठी अधिकाधिक महिलांनी शिबिरात सहभागी व्हावे असे आवाहन डाॅ. शालिनी कराड, जयश्री मुंडे, नगरसेविका उमाताई समशेट्टे, महिला मोर्चाच्या शहराध्यक्षा सुचिता पोखरकर यांनी केले आहे.

••••