निवड : शहराध्यक्ष राष्ट्रवादी काँग्रेस
राष्ट्रवादी काँग्रेसच्या परळी शहराध्यक्षपदी ॲड. जीवनराव देशमुख
परळी वैजनाथ, प्रतिनिधी..
खा. शरदचंद्र पवार यांच्या नेतृत्वाखाली राष्ट्रवादी काँग्रेस पक्षाच्या परळी शहराध्यक्षपदी ॲड. जीवनराव देशमुख यांची नियुक्ती करण्यात आली आहे परळी येथे आयोजित करण्यात आलेल्या नियोजन बैठकीत राष्ट्रवादी काँग्रेसचे कार्यकारिणी जाहीर करण्यात आली यामध्ये परळी शहराध्यक्ष म्हणून सुप्रसिद्ध विधीज्ञ ॲड. जीवनराव देशमुख यांची निवड करण्यात आली आहे. दिनांक 17 ऑगस्ट रोजी बीड येथे शरद पवार यांची जाहीर सभा होणार आहे. या सभेच्या तयारीसाठी परळी येथे नियोजन बैठकीचे आयोजन करण्यात आले होते. या बैठकीला राष्ट्रवादी काँग्रेस युवा प्रदेशाध्यक्ष महबूब शेख, राष्ट्रवादी काँग्रेसचे बीड जिल्हा अध्यक्ष आ. संदीप क्षीरसागर, ज्येष्ठ नेते सुदामतीताई गुट्टे यांच्यासह पदाधिकारी उपस्थित होते. यावेळी नवीन कार्यकारिणी जाहीर करण्यात आली.
दरम्यान, खा. शरदचंद्र पवार यांच्या विचारांशी एकनिष्ठ राहून राष्ट्रवादी काँग्रेसचे विचार तळागाळापर्यंत पोहोचविण्याचा आणि पक्षाला बळकटी देण्याचा येणाऱ्या काळात आपण प्रामाणिक प्रयत्न करणार असल्याची प्रतिक्रिया नवनिर्वाचित शहराध्यक्ष ॲड. जीवनराव देशमुख यांनी या निवडीनंतर व्यक्त केली आहे.
Video:
टिप्पण्या
टिप्पणी पोस्ट करा