महामानव डॉ बाबासाहेब आंबेडकर हे कोण्या एका जातीचे नव्हते तर ते जागतिक नेते होते-प्रा .डॉ विनोद जगतकर
बाबासाहेबांचे विचार आजही प्रेरणादायी-संजय देशमुख
लक्ष्मीबाई देशमुख महिला महाविद्यालयात राष्ट्रीय सेवा योजना विभागाच्या वतीने डॉ बाबासाहेब आंबेडकर यांना अभिवादन
परळी वैजनाथ दि.०६ (प्रतिनिधी)
महामानव डॉ बाबासाहेब आंबेडकर हे कोण्या एका जातीचे नव्हते तर ते जागतिक नेते होते. तर बाबासाहेबांचे विचार आजही प्रेरणादायी असल्याचे प्रतिपादन संस्थाध्यक्ष संजय देशमुख यांनी केले.क्षयेथील लक्ष्मीबाई देशमुख महिला महाविद्यालयातील राष्ट्रीय सेवा योजना विभागाच्या वतीने भारतरत्न डॉ बाबासाहेब आंबेडकर यांच्या महापरिनिर्वाण दिनानिमित्त आयोजित कार्यक्रमात ते बोलत होते.
लक्ष्मीबाई देशमुख महिला महाविद्यालयातील राष्ट्रीय सेवा योजना विभागाच्या वतीने भारतरत्न डॉ बाबासाहेब आंबेडकर यांच्या महापरिनिर्वाण दिनानिमित्त अभिवादन सभेचे आयोजन करण्यात आले होते. या कार्यक्रमाच्या सुरुवातीला संस्थेचे अध्यक्ष संजय देशमुख, इतिहास विभागप्रमुख प्रा डॉ विनोद जगतकर यांच्या हस्ते भारतरत्न डॉ बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. यावेळी विद्यार्थ्यांना मार्गदर्शन करताना डॉ विनोद जगतकर पुढे म्हणाले की,मराठा समाजाला आरक्षण देण्यासंदर्भात डॉ बाबासाहेब आंबेडकर आग्रही होते. जगात सर्वात जास्त पुतळे डॉ बाबासाहेब आंबेडकर यांचे आहेत. तर बाबासाहेबांचा विचार सर्वांच्या कल्याणाचा विचार असल्याचे मत यावेळी व्यक्त केले तर अध्यक्षीय समारोप संस्थाध्यक्ष संजय देशमुख यांनी केला. कार्यक्रमाचे सुत्रसंचालन कार्यक्रमाधिकारी प्रा डॉ राजश्री कल्याणकर, प्रास्ताविक प्रा प्रवीण फुटके यांनी तर आभार प्रा डॉ प्रविण दिग्रसकर यांनी केले. कार्यक्रमास शिक्षक,शिक्षकेत्तर कर्मचारी, विद्यार्थी मोठ्या संख्येने उपस्थित होते.
टिप्पण्या
टिप्पणी पोस्ट करा