परळीत बनावट ग्रीस तयार करणार्या कारखान्यावर छापा
आठ लाखाचे साहित्य जप्त,एकाविरुध्द गुन्हा
परळी (प्रतिनिधी)
परळी शहरातील बसवेश्वर कॉलनी भागातील एका घरात बनावट ग्रीस तयार करुन त्याची पॅकिंग सुरु असलेल्या कारखान्यावर स्थानिक गुन्हे शाखेच्या पथकाने धाड टाकत ग्रीस तयार करण्याचे साहित्य,पदार्थ व इतर असा 7 लाख 82 हजार 85 रुपयांचा मुद्देमाल जप्त करत एकास ताब्यात घेतले.
परळी शहरातील बसवेश्वर कॉलनी भागात बनावट ग्रीस तयार करणारा कारखाना सुरु असल्याची माहिती मिळताच स्थानिक गुन्हे शाखेचे पोनि उस्मान शेख,विष्णु सानप,परळी शहर पोलिस ठाण्याचे सपोनि शिंदे,गड्डेवार,गित्ते,यलमट्टे,भाताने आदींच्या पथकाने छापा टाकला असता रियाज रहिमत शेख हा इसम आढळुन आला.मुळचा धारुर येथील असलेल्या शेख याने परळी येथील आपल्या आत्याच्या घरी बनावट ग्रीस तयार करण्याचा कारखाना सुरु केला होता.पोलिसांच्या या छाप्यात ग्रीस तयार करण्यासाठी लागणारे साहित्य,डब्बे,कच्चे मटेरिअल,मिक्सर,इलेक्ट्रीक मशिन,पांढरी भुकटी व वाहतुक करण्यासाठी लागणारा छोटा टेम्पो असा एकुण 7 लाख 82 हजार 85 रुपयांचा मुद्देमाल जप्त केला.याप्रकरणी विष्णु सानप यांच्या फिर्यादीवरुन रियाज रहिम शेख याच्याविरुध्द परळी शहर पोलिस ठाण्यात गुन्हा दाखल करण्यात आला आहे.
टिप्पण्या
टिप्पणी पोस्ट करा