सर्वसामान्यांचा उमेद्वार - एमआयएम इन्कलाबचे आव्हान!

 उमेदवारी अर्ज वैध: एमआयएम इन्कलाब पक्षाचे उमेदवार शेख मुस्तफा देणार तगडे आव्हान !

परळी वैजनाथ, प्रतिनिधी... 

      संपूर्ण राज्याचे लक्ष लागलेल्या परळी विधानसभा मतदारसंघात एमआयएम इन्कलाब पक्षाचे बीड जिल्हाध्यक्ष शेख मुस्तफा यांचा उमेदवारी अर्ज छाननी प्रक्रियेत वैध ठरला आहे.  लक्षवेधी ठरणाऱ्या या मतदारसंघात शेख मुस्तफा हे प्रतिस्पर्धी उमेदवारांसमोर तगडे आव्हान उभे करणार आहेत. 

        सर्वसामान्य घरातील युवक व  सामाजिक, राजकीय मोठा जनसंपर्क असलेले युवक कार्यकर्ते मुस्तफा मैनुद्दीन  शेख यांनी परळी विधानसभा मतदारसंघातून एमआयएम इन्कलाब पक्षाच्यावतीने आपली उमेदवारी दाखल केली. त्यांच्या उमेदवारीला सर्वसामान्य जनतेचा मोठा प्रतिसाद मिळत आहे. सामान्यांचा उमेदवार म्हणून आपण ही निवडणूक लढवत असून लोकशाही पद्धतीने खऱ्या अर्थाने सामान्य जनतेची आपली उमेदवारी असल्याने नक्कीच परळी मतदारसंघातील गोरगरीब, वंचित, उपेक्षित, मागास, अल्पसंख्यांक, शिक्षित, सुशिक्षित, व्यावसायिक  व्यापारी, छोटे व्यापारी आपल्याला आशीर्वाद देतील असा विश्वास शेख मुस्तफा यांनी व्यक्त केला आहे. आज झालेल्या छाननीत शेख मुस्तफा यांचा अर्ज वैध झाला असून मतदारसंघात त्यांनी जनसंवाद अभियान सुरू केले आहे. घराघरापर्यंत जाऊन आपण सामान्या चा उमेदवार म्हणून आशीर्वाद मागणार असल्याचे शेख मुस्तफा यांनी सांगितले.