विनयभंगासह अॅट्रॉसिटीचा गुन्हा दाखल

 'काही दिवसापुर्वीही काढली होती छेड: आता थेट डोळा मारला - "जानेमन घरात चला" म्हणत परळीतअल्पवयीन मुलीचा विनयभंग

आरोपीविरुद्ध विनयभंगासह अॅट्रॉसिटीचा गुन्हा दाखल

परळी वैजनाथ,  एमबी न्यूज वृत्तसेवा.....

           संभाजीनगर पोलिस ठाण्याच्या हद्दीत अझादनगर ते मिलिंदनगर रस्त्यावरील एका किराणा दुकानाच्या जवळून जात असलेल्या दोन अल्पवयीन मुलींचा विनयभंग केल्याची घटना घडली.याप्रकरणी आरोपी विरुध्द विनयभंगासह अॅट्रॉसिटीचा गुन्हा दाखल करण्यात आला आहे.

      याबाबत पोलीस सूत्रांकडून प्राप्त अधिक माहितीनुसार, परळी संभाजीनगर पोलीस ठाण्याच्या हद्दीत असलेल्या मिलिंद नगर भागात आज सकाळी दहा वाजण्याच्या सुमारास  फिर्यादी अल्पवयीन मुलगी व दुसरी एक मुलगी अशा दोघीजणी एका किराणा दुकानाच्या जवळून जात असताना आरोपी  फिरदौस इसाद मोहमंद शेख रा. फुकटपुरा परळी हा उभा होता. दोन मुली तेथून जात असताना त्याने दोघींकडे पाहून डोळा मारला. जाने मन असे म्हणून मुलीच्या खांद्यावर हात टाकून घरामध्ये चल असे म्हणू लागला. तेव्हा  तक्रारदार मुलीने विरोध केल्यानंतरही आरोपीने बळजबरीने अंगावर वाईट हेतूने लज्जा वाटेल असा हात टाकला व घरी कोणाला सांगितले तर तुला मारून टाकीन अशी धमकी दिली. मुलगी मागासवर्गीय असल्याचे माहीत उत्सूनही त्याने जातीवाचक शिवीगाळ केली. या गंभीर प्रकरणी पीडित मुलीने भाऊ, मावशी यांना सांगित्यानंतर या मुलीला संभाजीनगर पोलीस ठाण्यात आणून पोलिसांना सर्व हकीकत सांगितल्यानंतर पोलिसांनी  या आरोपी विरूध्द कलम ७५ (१) (i), ७५ (iv), ७८ (१) (i), ३५१ (२), ३५५ (३) प्रमाणे  गुन्हा दाखल केलक आहे. या प्रकरणाचा पुढील तपास संभाजीनगर पोलीस करीत आहेत.