वसंतदादा पाटील महाविद्यालयात केशरबाई क्षीरसागर यांची जयंती साजरी
अमोल जोशी / पाटोदा - येथील नवगण शिक्षण संस्था संचालित वसंतदादा पाटील कला, वाणिज्य व विज्ञान महाविद्यालयात २९ मार्च रोजी संस्थेच्या संस्थापिका कै. सौ. केशरबाई क्षीरसागर उर्फ 'काकू' यांची जयंती साजरी करण्यात आली.
कार्यक्रमाच्या अध्यक्षस्थानी प्राचार्य प्रोफेसर आबासाहेब हांगे होते तर प्रमुख अतिथी म्हणून स्टेट बँक ऑफ इंडियाच्या ग्रामीण स्वयंरोजगार मार्गदर्शन संस्थेचे प्रशिक्षक सुरेश बोचकुरे उपस्थित होते. याप्रसंगी मान्यवरांच्या हस्ते सौ. केशरबाई क्षीरसागर यांच्या प्रतिमेचे पूजन व पुष्पमाल्यार्पण करण्यात आले. व्यासपीठावर उपप्राचार्य डॉ. अभय क्षीरसागर, कमवि उपप्राचार्य प्रा. नामदेव चांगण, पर्यवेक्षक प्रा. अनिल जोगदंड, डॉ. पवनकुमार चांडक, डॉ. कल्याण घोडके, डॉ. संजय बोंडगे, रासेयो कार्यक्रमाधिकारी डॉ. सोमनाथ लांडगे, डॉ. लक्ष्मण गाडेकर, प्रा. मनिषा गाढवे, डॉ. शकुंतला बडे, प्रा. मनिषा पाडिया, प्रा. विमल अलापुरे उपस्थित होते.
प्रास्ताविकात डॉ. कल्याण घोडके यांनी सौ. केशरबाई क्षीरसागर यांच्या सामाजिक, राजकीय व शैक्षणिक क्षेत्रातील योगदानाबद्दल थोडक्यात भाष्य केले. अभिवादन कार्यक्रमास विद्यार्थी, प्राध्यापक व शिक्षकेत्तर कर्मचारी उपस्थित होते.
टिप्पण्या
टिप्पणी पोस्ट करा