1 मे रोजी परळी न्यायालयाच्या नुतन इमारतीचा कोनशिला समारंभ !
मुंबई उच्च न्यायालयाचे न्यायमूर्ती नितीन सुर्यवंशी,मंत्री पंकजा मुंडे,न्या.रविंद्र जोशी, जिल्हा न्यायाधीश आनंद यावलकर राहणार उपस्थित
परळी वैजनाथ, प्रतिनिधी..
परळी वैजनाथ येथील दिवाणी व फौजदारी न्यायालयाच्या नुतन इमारतीचा कोनशिला समारंभ महाराष्ट्रदिनी 1 मे रोजी सकाळी 11 वाजता आयोजित करण्यात आला आहे.
नुतन इमारतीचा कोनशिला समारंभ मुंबई उच्च न्यायालयाचे न्यायमूर्ती नितीन भगवंतराव सुर्यवंशी यांच्या शुभहस्ते व पर्यावरण व पशुसंवर्धन मंत्री पंकजा गोपीनाथराव मुंडे व मुंबई उच्च न्यायालयाचे न्यायमूर्ती रविंद्र मधुसुदन जोशी यांच्या उपस्थितीत संपन्न होणार आहे. या कार्यक्रमाचे अध्यक्षस्थान प्रमुख जिल्हा व सत्र न्यायाधीश बीड आनंद लक्ष्मीचंद यावलकर हे भुषवणार आहेत. तरी या कार्यक्रमाला उपस्थित राहून कार्यक्रमाची शोभा वाढवावी असे आवाहन परळी न्यायालयाचे दिवाणी न्यायाधीश कनिष्ठ स्तर तथा न्यायदंडाधिकारी दिपक रुस्तुमराव बोर्डे व परळी वकील संघाचे अध्यक्ष ॲड हरीभाऊ व्यंकटराव गुट्टे यांनी केले आहे.
टिप्पण्या
टिप्पणी पोस्ट करा