नागापूर 'वाण प्रकल्पात' १०० टक्के जलसाठा

 परळी तालुक्याचा मुख्य जलस्त्रोत तुडुंब भरला!

नागापूर 'वाण प्रकल्पात' १०० टक्के जलसाठा

परळी वैजनाथ | प्रतिनिधी .........
    परळी तालुक्याचा मुख्य जलस्त्रोत म्हणून ओळख असलेल्या  तालुक्यातील  नागापूर येथील  'वाण प्रकल्पाचा' १०० टक्के जलसाठा झाला आहे.  परळी तालुक्याचा मुख्य जलस्त्रोत तुडुंब भरला असून आज  (दि.१८) सायंकाळी ६.४५ वा. सुमारास या प्रकल्पाच्या सांडव्यावरुन पाणी ओसंडून वाहू लागले आहे. हा प्रकल्प संपूर्ण भरल्याने परळी शहराच्या पाणीपुरवठ्यासह तालुक्यातील सिंचनाखाली येणाऱ्या भागाचा पाणीप्रश्न सुटला आहे.
     परळी तालुक्यात सर्वत्र पाऊस झाला आहे. प्रदीर्घ  प्रतिक्षेनंतर पुन्हा पावसाने हजेरी लावल्याने सर्वत्र आनंदी वातावरण झाले आहे. धरणक्षेत्रात चांगले पर्जन्यमान झाले  त्यामुळे तलावांमध्ये आवश्यक प्रमाणात पाणी साठा उपलब्ध होण्यासाठी मोठी मदत झाली.   
     परळी तालुक्याचा मुख्य जलस्त्रोत असलेल्या  तालुक्यातील   नागापूर येथील  'वाण प्रकल्पाचा' १०० टक्के जलसाठा सद्यस्थितीत आहे. परळी शहराला याच प्रकल्पातून पाणीपुरवठा होतो. तसेच तालुक्यातील बहुतांश सिंचनाखाली येणारा भाग ही या धरणावर आवलंबून आहे. तालुक्यातील लघुतलावात पाणीसाठा समाधानकारक आहे. या मध्ये करेवाडी लघुतलाव कालच पुर्ण भरला आहे.  चांदापुर, कन्हेरवाडी, गुट्टेवाडी, मोहा, मालेवाडी, गोपाळपुर, खोडवा सावरगाव, दैठणाघाट, आदींचा समावेश आहे.
            परळी तालुक्यातील वाण धरण भरण्यासाठी धरणणला वरून येणाऱ्या पावसाच्या पाण्याची आवश्यकता असते . धारुर, केज, अंबाजोगाईच्या क्षेत्रात होणाऱ्या  पावसावर या धरणातील पाणी साठ्याची  भिस्त आहे.वाणला मोठ्या प्रमाणात पाणी येण्याचा मार्ग मोकळा झालेला होता . गेल्या  तीन दिवसात  मोठे पाउस या  क्षेत्रात  झाले. त्यामुळे वाण धरणात मुबलक पाणी साठा निर्माण झाला.सकाळपासूनच मोठ्या प्रमाणावर पाणी धरणात येण्यास सुरुवात झाली होती. 
@@@@
  वाण धरण :
●स्थापित क्षमता       - १९.७१७दलघमी
● मृतसाठा               -  ०.३९७  दलघमी
●उपयुक्त जलसाठा    - १९.३२०दलघमी 
● पाणीसाठा सरासरी  - १०० टक्के.

@@@@@@@
वाण बनले 'सेल्फी पाॅइट'............
  दरम्यान गेल्या दोन दिवसांपासून नागापूर वाण धरणावर परळी तालुक्यातील विविध गावच्या नागरिकांनी गर्दी केली होती. अनेक हौशी या ठिकाणी भरलेल्या धरणाबरोबर सेल्फी घेण्यासाठी गर्दी करत आहेत. सेल्फी घेताना काळजी घ्यावी असे आवाहन प्रशासनाने केले आहे.