स्थानकावर सुरक्षेच्या दृष्टीने पोलीस चौकीची स्थापना

 महाशिवरात्री निमित्त नगर परिषदेच्या वतीने भाविकांना साबुदाणा खिचडी, शेंगदाणा लाडू व पाणी बॉटलचे वितरण

परळी वैजनाथ, प्रतिनिधी... 

      बारा ज्योतिर्लिंगापैकी पंचम ज्योतिर्लिंग प्रभू वैद्यनाथाच्या महाशिवरात्री महापर्वा निमित्त दरवर्षीप्रमाणे यावर्षीही परळी वैजनाथ नगर परिषदेच्या वतीने येणाऱ्या भाविकांना साबुदाणा खिचडी, शेंगदाणा लाडू व शुद्ध पाणी बॉटलचे वितरण करण्यात आले. 

      बारा ज्योतिर्लिंगापैकी एक ज्योतिर्लिंग असलेल्या प्रभू वैजनाथच्या महाशिवरात्री दर्शन पर्व काळासाठी देशाच्या कानाकोपऱ्यातून भाविक भक्त परळी शहरात दाखल होत असतात. या अनुषंगाने महाशिवरात्री महापर्वणी काळात नगर परिषदेच्या वतीने विविध सेवा, सुविधा उपलब्ध करून दिल्या जातात.त्या अनुषंगाने परळी वैजनाथ नगरपरिषदेच्या वतीने प्रभू वैद्यनाथाच्या  दर्शनाला येणाऱ्या भाविक भक्तांसाठी महाशिवरात्री निमित्त फराळ अन्नपदार्थांची व्यवस्था दरवर्षी करण्यात येते. यावर्षीही भावीकभक्तांसाठी साबुदाणा खिचडी, शेंगदाणा लाडू व शुद्ध पाणी बॉटल ची व्यवस्था करण्यात आली होती. यावेळी राज्याच्या पशुसंवर्धन व पर्यावरण मंत्री ना.पंकजाताई मुंडे व आ.धनंजय मुंडे यांनी या स्टॉलला भेट दिली.नगराध्यक्षा सौ. पद्मश्रीताई बाजीराव धर्माधिकारी यांच्यासह उपनगराध्यक्ष, सर्व सभापती, परळी नगर परिषदेचे सर्व सदस्य, सदस्या, अधिकारी, कर्मचारी यांनी हा उपक्रम यशस्वी करण्यासाठी परिश्रम घेतले.