काय घातले साकडे?....

 महाशिवरात्रीनिमित्त माजी मंत्री आ.धनंजय मुंडे यांनी घेतले प्रभू वैद्यनाथाचे  दर्शन

 परळी वैजनाथ, एमबी न्यूज वृत्तसेवा...

     माजी मंत्री आ. धनंजय मुंडे यांनी आज महाशिवरात्री निमित्त पंचम ज्योतिर्लिंग प्रभू वैद्यनाथांचे दर्शन घेतले. यावेळी बीड जिल्ह्यातील सामाजिक सौहार्द व जातीय सलोखा अबाधित रहावा, असे साकडे धनंजय मुंडे यांनी प्रभू वैद्यनाथ यांच्या चरणी घातले.

     बारा ज्योतिर्लिंगापैकी पंचम ज्योतिर्लिंग असलेल्या प्रभू वैद्यनाथाची महाशिवरात्र पर्वणी भाविक भक्तांसाठी अपूर्व सोहळा असतो. या निमित्ताने देशाच्या कानाकोपऱ्यातून भाविक परळी वैजनाथ येथे दाखल झाले आहेत. दिवसभरात विविध क्षेत्रातील अनेक मान्यवरांनी प्रभु वैद्यनाथाचे दर्शन घेतले. राज्याचे माजी कृषिमंत्री व परळी विधानसभा मतदारसंघाचे आमदार धनंजय मुंडे यांनी महाशिवरात्रीनिमित्त आज प्रभु वैद्यनाथ त्याचे दर्शन घेऊन आशीर्वाद प्राप्त केले. दरवर्षी धनंजय मुंडे अध्यक्ष असलेल्या नाथ प्रतिष्ठानच्या वतीने प्रभू वैद्यनाथ मंदिरात पुष्प सजावट व विद्युत रोषणाई करण्यात येते. यावर्षीही आकर्षक अशी विद्युत रोषणाई व पुष्प सजावट मंदिर परिसरात करण्यात आलेली आहे. बीड जिल्ह्यातील जनतेचे कल्याण व्हावे, सुख-समृद्धी नांदावी, जातीय सलोखा अबाधित राहावा अशा प्रकारची प्रार्थना आपण महाशिवरात्रीच्या दर्शनावेळी केल्याचे दर्शनानंतर धनंजय मुंडे यांनी सांगितले.