नॅशनल टेस्टिंग एजन्सीने दिली माहिती..

परळी वैजनाथ येथे राष्ट्रवादी काँग्रेस पक्ष-शरदचंद्र पवार पक्षाचे अनोखे 'आपट्याचं सोनं' आंदोलन

परळी वैजनाथ (प्रतिनिधी) पंतप्रधान नरेंद्र मोदी यांनी "एक वर्ष सोनं खरेदी करू नका" असे जाहीर केल्याच्या निषेधार्थ, परळी वैजनाथ येथे राष्ट्रवादी काँग्रेस पक्ष-शरदचंद्र पवार पक्षाच्या वतीने एक आगळेवेगळे प्रतीकात्मक आंदोलन करण्यात आले. "आपट्याचं सोनं, आमचा स्वाभिमान!" अशी घोषणा देत पक्षाचे शहराध्यक्ष महादेव गंगणे पाटील यांच्या नेतृत्वाखाली कार्यकर्त्यांनी गुरुवार, दि. १४ मे रोजी शहरातील राणी लक्ष्मीबाई टॉवर परिसरात एकत्र येत हे आंदोलन केले.

आंदोलकांनी मोदी सरकारच्या आवाहनाचा निषेध करण्यासाठी एकमेकांना आपट्याची पाने (प्रतीकात्मक सोनं) देऊन आपला रोष व्यक्त केला. आमची संस्कृती, स्वाभिमान आणि हक्कांचे रक्षण करण्यासाठी आम्ही हे आपट्याचे सोनं देऊन शेतकरी आणि कामगारांच्या पाठीशी ठामपणे उभे राहणार असल्याचा निर्धार कार्यकर्त्यांनी केला. "आपल्याच सोनं देऊ, आंदोलनाला हातभार लावू" असे आवाहन करत स्थानिक नागरिक आणि कार्यकर्त्यांनी या आंदोलनात मोठ्या संख्येने सहभाग घेतला.

पंतप्रधानांच्या विधानाचा निषेध करण्यासाठी आणि सर्वसामान्य जनतेच्या हक्कासाठी हे प्रतीकात्मक आंदोलन शहरात मोठ्या चर्चेचा विषय ठरले आहे. यावेळी नगरसेवक कादर पाशा कुरेशी, गटनेते नितीन भैय्या बागवाले, तालुकाध्यक्ष बाबा शिंदे, जेष्ठ नेते उत्तम दादा माने,ऍडओकेट जीवनराव देशमुख युवक शहराध्यक्ष सय्यद फेरोज़ भाई वैजनाथ जोशी अनेक नेते व कार्यकर्ते उपस्थित होते.