MB NEWS-परळीत चोरट्यांचा धुमाकूळ: विद्यानगर भागात घरफोडी

 परळीत चोरट्यांचा धुमाकूळ: विद्यानगर भागात घरफोडी 

 

 परळी वैजनाथ/प्रतिनिधी......

       दररोज नोंद होत असलेल्या चोरीच्या घटनांनी खळबळ उडवून दिली आहे.परळी व  परिसरात चोरीच्या घटना सुरूच आहेत.परळी तालुक्यात चोरांना रान मोकळे झाले असल्याचे दिसून येत आहे. चोरट्यांनी धुमाकूळ घातला असुन चोरीची मोठी घटना विद्यानगर भागात घडली आहे.या घटनेने नागरिकांमध्ये दहशत पसरली आहे.   

        सध्याच्या काळात सर्वत्र चोरीच्या घटननांची साखळी खंडीत होत नसल्याने लोकांमध्ये एकप्रकारे मोठा धसका बसलेला आहे.अन्य कोणत्याही बाबींचा विचार न करता चोरीच्या घटनांपासून बचाव करण्यासाठी प्रत्येकाचे प्राधान्य आहे.अशाही परिस्थितीत चोरट्यांची मनस्थिती मात्र बदललेली दिसत नाही.सर्वत्र चोरटे धुमाकूळ घालत आहेत. दररोज चोरीच्या घटनांची नोंद  होत आहे. दि.२ रोजी विद्यानगर येथे अमोल बुरांडे  यांच्या घरी चोरी झाली आहे. घरात अज्ञात चोरट्यांनी आत प्रवेश करून घरातील  कपाटाचे लॉक उघडुन कपाटातील सोने चांदी चे दागिने, ज्वारीचे पोते,जुने पितळी भांडे असा मोठा ऐवज लंपास केला.याप्रकरणी परळी पोलीसात गुन्हा दाखल करण्याची प्रक्रिया सुरू आहे.