पोक्सो अंतर्गत गुन्हा दाखल....
परळीतील मयत तौहीद खान यांच्या कुटुंबियांना न्याय मिळेल - धनंजय मुंडे
कुणीही प्रकरणाला धार्मिक रंग देऊ नये - धनंजय मुंडेंचे आवाहन
परळी वैद्यनाथ (प्रतिनिधी) - परळी शहरातील रहिवासी, आमचा तरुण भाऊ तौहीद खान याच्या दुर्दैवी व निर्घृण हत्या प्रकरणातील आरोपींना पोलिसांनी जेरबंद केले असून याविषयी आपण सातत्याने पोलिस अधिकाऱ्यांच्या संपर्कात होतो; तोहिदच्या मारेकऱ्यांना शिक्षा होईल व खान कुटुंबीयांना न्याय मिळेल यादृष्टीने पुढील तपास व चार्जशीट दाखल करण्याबाबत पुढेही मी पाठपुरावा करणार असल्याचे माजी मंत्री तथा परळीचे आमदार धनंजय मुंडे यांनी सोशल मीडियावर केलेल्या पोस्टद्वारे म्हटले आहे.
वैद्यकीय कारणास्तव आपण मागील चार-पाच दिवस बाहेर असल्याने याबाबत व्यक्त होत आले नाही असेही धनंजय मुंडे यांनी आपल्या पोस्टमध्ये म्हटले असून, परळीत हिंदू-मुस्लीम सर्व समाज बांधव एकोप्याने मागील अनेक पिढ्यांपासून राहत आहेत. आमचा हा एकोपा बाधित होऊ शकत नाही त्यामुळे कृपया कोणीही या विषयाला धार्मिक रंग देण्याचा प्रयत्न करू नये, असे आवाहनही धनंजय मुंडे यांनी आपल्या पोस्टद्वारे केले आहे.
दरम्यान मयत तौहीद खान यांस श्रद्धांजली अर्पण करत धनंजय मुंडे यांनी परळीत आल्यानंतर खान कुटुंबीयांची भेट घेणार असल्याचेही आपल्या पोस्ट मध्ये म्हटले आहे.
टिप्पण्या
टिप्पणी पोस्ट करा