उपनयन संस्कार सोहळ्यात झळकला 'छोटा कार्यकर्ता' ; हिरिरीने पंगतीत वाढ करणारा यश सर्वज्ञ
परळी वैजनाथ प्रतिनिधी....
सार्वजनिक व सामाजिक कार्याची रुजवन बालवयातच होते याचे मूर्तिमंत उदाहरण आज परळी येथे आयोजित एका सोहळ्यात बघायला मिळाले. परळी येथे आयोजित उपनयन संस्कार सोहळ्यात वयस्कर कार्यकर्त्यांबरोबरच एका चुकल्याने सर्वांचेच लक्ष वेधून घेतले. या सोहळ्यात हा 'छोटा कार्यकर्ता' हिरीहिरीने पंगतीत वाढ करताना दिसून येत होता. उपस्थितांतून त्याचे विशेष कौतुक झाले.
परळी येथे समर्थ प्रतिष्ठानच्या वतीने वैद्यनाथ मंदिर दर्शन मंडप येथे उपनयन संस्कार सोहळा आयोजित करण्यात आला होता. या सोहळ्यानिमित्त विविध ठिकाणचे समाज बांधव मोठ्या संख्येने उपस्थित होते. या सोहळ्यात भोजन व्यवस्थेमध्ये मोठी लगबग सुरू असताना जेवणाच्या पंगती बसल्या. या पंक्तीत वयस्कर मोठ्या कार्यकर्त्यांनी पंगती वाढतांना या व्यवस्थेत परळी येथीलच मनोजराव जब्दे यांचा नातू यश सर्वज्ञ हा चिमुकला कार्यकर्ता झळकू लागला. पंगतीवर पंगती उठत होत्या परंतु हा छोटा कार्यकर्ता यश मात्र पंक्तीमध्ये वेगवेगळे पदार्थ वाढण्यात हिरिरीने भाग घेताना दिसत होता. अतिशय छोट्या वयात त्याचा उत्साह व काम करण्याची तडफ पाहून अनेकांनी त्याच्यावर कौतुकाचा वर्षाव केला.
टिप्पण्या
टिप्पणी पोस्ट करा