परळी उपजिल्हा रुग्णालयातील रिक्त पदे त्वरित भरा - आश्विन मोगरकर
परळी वैजनाथ
परळी उपजिल्हा रुग्णालयात मागील आठ दिवसापासून सोनोग्राफी तज्ञ व एक्सरे टेक्निशियन नसल्यामुळे सर्वसामान्य रुग्णांना खाजगी दवाखान्यात जावे लागत आहे. ही रिक्त पदे त्वरित भरावेत यासाठी वैद्यकीय अधिक्षकांना भाजपाचे अश्विन मोगरकर यांनी निवेदन दिले आहे.
परळी वैजनाथ शहर व तालुक्याच्या सर्वसामान्य रुग्णांच्या दृष्टीने महत्वपूर्ण असलेले 100 खाटाचे उपजिल्हा रुग्णालय आहे. या रुग्णालयात शहरासह ग्रामीण भागातील अनेक रुग्ण उपचारासाठी येत असतात. मागील आठ दिवसापासून सोनोग्राफी तज्ञ व एक्सरे टेक्निशियन नसल्यामुळे सर्वसामान्य रुग्णांना खाजगी दवाखान्यात जावे लागत आहे. यामुळे रुग्णांना नाहक भुर्दंड बसत आहे. सर्व सुविधा असतानाही फक्त टेक्निशियन नसल्यामुळे मशीन बंद आहेत. उपजिल्हा रुग्णालयात प्रसूतीसाठी मोठ्या प्रमाणात गरोदर माता येत असतात. त्यांना वेळोवेळी सोनोग्राफी करावी लागत असते. मात्र सोनोग्राफी तज्ञ नसल्याने खाजगी दवाखान्यात जाऊन सोनोग्राफी करावी लागते आहे. परळी शहरात थर्मल पॉवर स्टेशन, सिमेंट फॅक्टरी, हायवे असल्याने अपघाताचे प्रमाण मोठ्या प्रमाणात आहे. आशा घटनेत एक्सरे ची आवश्यकता असते. तसेच सर्वसाधारण रुग्णांना गरजेनुसार सोनोग्राफी तज्ञ व एक्सरेची आवश्यकता आहे. उपजिल्हा रुग्णालयात सोनोग्राफी तज्ञ व एक्सरे टेक्निशियन नेमावेत या मागणीचे निवेदन बुधवार, 5 जुलै रोजी भाजपाचे अश्विन मोगरकर यांनी उपजिल्हा रुग्णालयाचे वैद्यकीय अधिक्षक डॉ. ढवळे यांना दिले आहे. अन्यथा आंदोलन करण्यात येईल असा इशारा निवेदनाद्वारे भाजपाचे अश्विन मोगरकर यांनी दिला आहे.
टिप्पण्या
टिप्पणी पोस्ट करा