किरकोळ भांडणातून सराफा व्यापाऱी तरुणाचा खून
धारूर.....
किरकोळ कारणावरून झालेल्या भांडणात तरुणाचा खून झाल्याची घटना धारूर येथील तेलगाव रोड येथील एका बिअर बार येथे रविवारी सायंकाळी सात वाजण्याच्या सुमारास घडली . याप्रकरणी पोलिसांनी एकास ताब्यात घेतले आहे .
धारूर येथील तेलगाव रोड लगत एक बियर बार आहे . या ठिकाणी धारूर येथील नितीन मोहन धोत्रे वय ४० वर्षे व इतर काही जणांमध्ये रविवारी सायंकाळी साडे पाच वाजण्याच्या सुमारास भांडण झाले होते . या भांडणांमध्ये नितीन धोत्रे या तरुणाचा डोक्यात मार लागल्याने जागीच खून झाल्याची घटना घडली आहे . भर रस्त्यावर झालेल्या या खुनाच्या घटनेमुळे धारूर शहरात खळबळ उडाली असून घटनेची माहिती मिळतच पोलिसांनी घटना स्थळी जाऊन पहाणी केली . नितीन धोत्रे यांचे धारूर शहरात सराफा दुकान आहे . या प्रकरणांमध्ये नातेवाईकांनी पोलीसात धाव घेवून आरोपीस अटक करण्याची मागणी केली होती . पोलिसांनी एकास ताब्यात घेतले असून गुन्हा नोंद करण्याची प्रक्रिया उशिरापर्यंत सुरू होती .
टिप्पण्या
टिप्पणी पोस्ट करा