MB NEWS:'त्या' मयत वृध्दाचा कोरोना बाधीत अहवाल आल्याने एकच खळबळ ;अंत्यविधीला १०० ते १५० ग्रामस्थांची उपस्थिती

'त्या' मयत वृध्दाचा कोरोना बाधीत अहवाल आल्याने एकच खळबळ ;अंत्यविधीला १०० ते १५० ग्रामस्थांची उपस्थिती

एका दिवशी कोरोनाचे दोन बळी 

धारुर / प्रतिनिधी

धारुर तालुक्यातील गांवदरा येथिल एका वृद्धाचा मृत्यू बुधवारी रात्री झाला होता. गुरुवारी सकाळी या वृद्धावर गावंदरा येथे अंत्यसंस्कार करण्यात आले होते. या वेळी १०० ते १५० गांवकरी उपस्थित होते. सदर वृद्धाचा कोरोना बाधित अहवाल आल्याने गावंदरा गावात एकच खळबळ उडाली आहे. गुरूवारी कोरोन मुळे तालूक्यात दोन जनाचा मृत्यू झाल्याने खळबळ माजली आहे.

         सविस्तर वृत्त असे की धारुर तालुक्यातील गावंदरा येथील 62 वर्षीय वृद्धाला बुधवारी सायंकाळी थंडी ताप व हृदयविकाराच्या धक्क्याने मृत्यू झाला होता या वृद्धास धारुर येथील खाजगी रुग्णालयात उपचारा साठी नेण्यात आले होते. धारूर येथील स्वॕब सेंटरला बुधवारी वृद्धाचा स्वॅब देण्यात आला होता त्याचा अहवाल गुरूवारी कोरोना बाधित असल्याचे निष्पन्न झाले असून मयत वृद्धावर गुरुवारी सकाळी गावंदरा येथे हे अंत्यसंस्कार करण्यात आले त्यावेळी अंत्यविधीस गावातील शंभर ते दिडशे नागरिक उपस्थित असल्याने एकच खळबळ उडाली आहे.

या बाबत गावात जाऊन चौकशी करून कान्टेक्ट ट्रेंसिग करण्यात येईल असे तालूका आरोग्य अधिकारी डाॕ सचिन शेकडे यांनी सांगीतले.

कोरोना मुळे कारी येथील 61 वर्षीय वृध्दाचा मृत्यू गुरूवारी पहाटे अंबाजोगाई येथे उपचार सुरू असतान झाला.एक दिवशी तालूक्यात दोन मृत्यू झाल्याने माञ खळबळ माजली आहे