MB NEWS: दु:खद वार्ता-लोणीच्या श्री.सखाराम महाराज संस्थानचे मठाधिपती परम पूज्य नाना महाराज यांना देवाज्ञा !

 लोणीच्या श्री.सखाराम महाराज संस्थानचे मठाधिपती परम पूज्य नाना महाराज यांना देवाज्ञा !

वाशीम.....

मेहकर पासून 50 किमी अंतरावर असलेल्या वाशीम जिल्ह्यातील लोणी येथील श्री.सखाराम महाराज संस्थानचे मठाधिपती परम पूज्य नाना महाराज जोशी यांचे आज सकाळी आठ वाजता हृदयविकाराच्या झटक्याने लोणी येथे निधन झाले. ते 82 वर्षांचे होते. 

प.पू.  नाना महाराज उर्फ रामकृष्ण गोविंदराव जोशी हे 1962 पासून श्री सखाराम महाराज संस्थानचे मठाधिपती होते. त्यांच्या पश्चात एक मुलगा व एक मुलगी तसेच मोठा परिवार आहे. श्री सखाराम महाराज संस्थानची ख्याती संपूर्ण महाराष्ट्रात असून दरवर्षी लोणी येथे कार्तिक वद्य अमावास्येला सखाराम महाराज पूण्यतिथी निमित्ताने मोठी यात्रा भरते. तर या घटनेनंतर आज दुपारी साडे बारा वाजता परम पूज्य नाना महाराज यांच्या भावजई श्रीमती सविता बाळकृष्ण जोशी (वय 69) यांचे ही लोणी येथेच दीर्घ आजाराने निधन झाले आहे.