MB NEWS:परळी औष्णिक विद्युत केंद्राला पाणी पुरवठा करणारा खडका बंधारा १०० टक्के भरला !
परळी औष्णिक विद्युत केंद्राला पाणी पुरवठा करणारा खडका बंधारा १०० टक्के भरला !
एक दरवाजा उघडला; नदीकाठच्या गावांना सतर्कतेचा इशारा
परळी वैजनाथ, प्रतिनिधी......
परळी औष्णिक विद्युत केंद्राला पाणी पुरवठा करणारा खडका बंधारा १०० टक्के भरला आहे.तसेच या बंधार्याचा एक दरवाजा उघडला असुन नदीकाठच्या गावांना सतर्कतेचा इशारा देण्यात आला आहे. हा बंधारा पुर्ण ओसंडून वाहत असल्याने परळीच्या औष्णिक विद्युत केंद्राला लागणार्या पाण्याचा प्रश्न सुटला आहे.अखंडीत वीजनिर्मिती करण्याच्या दृष्टीने ही अतिशय समाधानाची बाब आहे.
गेल्या काही दिवसांपासून पावसाने चांगलीच हजेरी लावली. या पावसाने परळी औष्णिक विद्युत केंद्राला पाणी पुरवठा करीत असलेला सोनपेठ तालुक्यातील खडका बंधारा १०० टक्के पूर्ण भरला. शुक्रवारी १० पैकी एक दरवाजा दुपारी एक तास उघडून पाणी सोडण्यात आले. नदी काठावरील गावांना प्रशासनाकडून सतर्कतेचा इशारा देण्यात आला आहे. हा बंधारा भरल्याने या बंधार्याखालील गावांचा पाणीप्रश्न मिटला आहे.तसेच परळी औष्णिक विद्युत केंद्राला याच ठिकाणाहून पाणी पुरवठा होतो त्यामुळे परळी वीज केंद्रासह सोनपेठ तालुक्यातील पिण्याच्या व शेतीच्या पाण्याचा प्रश्न मिटला आहे.
*Videoबातमी पाहण्यासाठी लिंकवर क्लिक करा👇👇👇*
https://youtu.be/n1ujwNm6eGM
.
टिप्पण्या
टिप्पणी पोस्ट करा