MB NEWS:पंतप्रधान नरेंद्र मोदी यांच्या वाढदिवसानिमित्त सेवा सप्ताह* *अंतर्गत परळी भाजपच्या वतीने ग्रामीण रुग्णालयात फळ, आयुषकाढा वाटप*

 *पंतप्रधान नरेंद्र मोदी यांच्या वाढदिवसानिमित्त सेवा सप्ताह* 

*अंतर्गत परळी भाजपच्या वतीने ग्रामीण रुग्णालयात फळ, आयुषकाढा वाटप*

परळी वैजनाथ, दि.17... पंतप्रधान नरेंद्र मोदी यांच्या वाढदिवसाच्या निमित्ताने दि. 14 ते 20 सप्टेंबर दरम्यान परळी भाजपच्या वतीने  लोकनेत्या 

पंकजाताई मुंडे व खासदार डॉ. प्रितमताई मुंडे यांच्या मार्गदर्शनाखाली सेवा सप्ताहाचे आयोजन करण्यात आले आहे. या अंतर्गत आज दि. 17 रोजी ग्रामीण रुग्णालय, परळी वै येथे फळे व आयुष काढ्याचे वाटप परळी भाजपच्या वतीने करण्यात आले. कोरोनाच्या पार्श्वभूमीवर सर्व नियमांचे पालन करून हा उपक्रम राबविण्यात आला.

लोकनेत्या मा. पंकजाताई मुंडे व खासदार डॉ. प्रितमताई मुंडे यांच्या मार्गदर्शनाखाली संपुर्ण परळी शहर व तालुक्यामध्ये सेवा सप्ताह साजरा करण्यात येत आहे. या उपक्रमांतर्गत रक्तदान शिबीरे, गरजुंना मदत, विविध सामाजिक कार्यक्रम या सप्ताहांतर्गत साजरे केले जात आहेत.

18 रोजी गरीब बंधू भगिनींना आवश्यकतेनुसार चष्मा वाटप, 19 तारखेला अक्षता मंगल कार्यालयात सकाळी 10 वा. पासून युवा मोर्चातर्फे रक्तदान शिबीर, 20 रोजी प्रत्येक बुथमध्ये वृक्षारोपण करण्यात येणार आहे.

पंडित दीनदयाळ उपाध्याय यांच्या जयंतीनिमित्त 25 सप्टेंबर रोजी सकाळी 10 वा. शिवाजी चौक, 10.30 वा. राणी लक्ष्मीबाई टॉवर आणि 11 वा. मा. पंकजाताई मुंडे यांचे कार्यालय येथे पंडित दिनदयाळ यांच्या प्रतिमेस पुष्पहार अर्पण, बुथ प्रमुखांच्या निवासस्थानावर पक्षाचा ध्वज, वेबिनारच्या माध्यमातून प्रबोधनात्मक कार्यक्रम होणार आहेत. 2 ऑक्टोबर रोजी महात्मा गांधी यांच्या जयंतीनिमित्तही विविध कार्यक्रम घेण्यात येणार आहेत.

यावेळी राज्य उद्योग आघाडीचे सदस्य तथा कृषी आघाडीचे प्रमुख जुगलकिशोर लोहिया यांच्यासह भाजपचे तालुकाध्यक्ष सतीश मुंडे, युवा मोर्चाचे जिल्हाध्यक्ष निळकंठ चाटे, भीमराव मुंडे, सुरेश माने, महादेव ईटके, किशोर केंद्रे,अरुण पाठक, चंद्रकांत देवकते, संतोष सोळंके, विकास हालगे, योगेश पांडकर, सुशिल हरंगुळे, राम तोष्णीवाल, दिपक नागरगोजे, बाळु फड, कृष्णा मुंडे, सुरेश सातभाई, नितीन मुंडे, ईश्वर होळंबे, नरेश पिंपळे, अविनाश जोशी, श्रीपाद शिंदे, वैजनाथ रेकने, गोविंद मोहेकर, दिलीप नेहरकर, यांच्यासह भाजप, भाजपा युवा मोर्चाचे असंख्य पदाधिकारी, कार्यकर्ते मोठ्या संख्येने उपस्थित होते.