MB NEWS:सकल मराठा समाज दादाहरी वडगाव यांच्या वतीने दि. 7 पासून ग्रामपंचायत समोर साखळी धरणे आंदोलन
सकल मराठा समाज दादाहरी वडगाव यांच्या वतीने दि. 7 पासून ग्रामपंचायत समोर साखळी धरणे आंदोलन
परळी वैजनाथ, प्रतिनिधी...
मराठा आरक्षणाची अंतरिम स्थगिती उठवावी व मराठा समाजाला आरक्षण द्यावे या मागणीसाठी सकल मराठा समाज यांच्या वतीने वडगाव दादाहरी येथे दिनांक सात ऑक्टोबर पासून साखळी धरणे आंदोलन करण्यात येणार आहे.
याबाबत सकल मराठा समाज दादाहरी वडगाव यांच्यावतीने प्रशासनाला निवेदन देण्यात आले आहे. या निवेदनात म्हटले आहे की, सर्वोच्च न्यायालयाने दिलेली आरक्षणावरील अंतरिम स्थगिती उठविण्यासाठी शासनाने सर्वतोपरी भूमिका घ्यावी. मराठा समाजाला आरक्षण मिळेपर्यंत नोकरी व शिक्षणातील सर्व सवलती देण्यात याव्या. आरक्षण मिळेपर्यंत नोकर भरती मध्ये मराठा समाजाला सवलत द्यावी. आदी मागण्यांचा समावेश या निवेदनात करण्यात आला आहे. मराठा आरक्षणाच्या विषयावर सकल मराठा समाजाच्या भावना तीव्र असून मराठा समाजाला न्याय मिळवून देण्यासाठी एकत्रित पणे लढा देण्याची समाज बांधवांची ची तयारी आहे. या अनुषंगाने परळी तालुक्यातील दादाहरी वडगाव येथे हे दिनांक सात ऑक्टोबर पासून ग्रामपंचायतीसमोर सकल मराठा समाजाच्या वतीने साखळी धरणे आंदोलन करण्यात येणार असल्याचे म्हटले आहे.
टिप्पण्या
टिप्पणी पोस्ट करा