MB NEWS:कृषी विद्यापीठाने व्यक्त केली शनिवारी मुसळधार पावसाची शक्यता...
कृषी विद्यापीठाने व्यक्त केली शनिवारी मुसळधार पावसाची शक्यता...
बीड, परभणी ,लातुर जिल्ह्यात शक्यता
परभणी,(प्रतिनिधी) ः परभणीसह लातूर, बीड जिल्ह्यात शनिवारी (दि.दहा) वादळीवार्यासह पावसाची शक्यता वसंतराव नाईक मराठवाडा कृषी विद्यापीठाने वर्तवली आहे.
दरम्यान, बुधवारपासून ते शुक्रवारपर्यंत (दि.सात ते नऊ) मराठवाड्यात कोरड्या हवामानाची शक्यताही वर्तवली आहे.
प्रादेशिक हवामान केंद्र, मुंबई येथून प्राप्त झालेल्या अंदाजानूसार मराठवाडयात नांदेड जिल्हयात दिनांक 07 ऑक्टोबर 2020 रोजी तर लातूर, बीड, परभणी जिल्ह्यात दिनांक 10 ऑक्टोबर रोजी तुरळक ठिकाणी वादळी वार्यासह पावसाची शक्यता आहे.मराठवाड्यात बुधवारपासून ते शुक्रवारपर्यंत (दि.सात ते नऊ) या कालावधीत कोरड्या हवामानाची शक्यता असल्यामुळे काढणीस तयार असलेल्या सोयाबीन पिकाची लवकरात लवकर काढणी करून सुरक्षित ठिकाणी साठवणूक करावी, असे म्हटले आहे. त्याचबरोबर शनिवारपासून (दि.दहा) ते 15 ऑक्टोबर या कालावधीत पावसाची शक्यता असल्यामुळे पीक पावसात भिजणार नाही याचीही काळजी घ्यावी, असेही वसंतराव नाईक मराठवाडा कृषि विदयापीठातील ग्रामीण कृषि मौसम सेवाविभागाने म्हटले आहे.
ऊन पडल आहे
उत्तर द्याहटवा