MB NEWS- *स्वातंत्र्यवीर सावरकरांबद्दल आक्षेपार्ह पोस्ट: अखेर 'त्या' इसमाविरुद्ध परळीत गुन्हा दाखल*

 *स्वातंत्र्यवीर सावरकरांबद्दल आक्षेपार्ह पोस्ट: अखेर 'त्या' इसमाविरुद्ध परळीत गुन्हा दाखल*

*सामाजिक तेढ व शांतता भंग करण्यास कारणीभूत ठरल्या प्रकरणी गुन्हा*

परळी वैजनाथ, प्रतिनिधी.......

        स्वातंत्र्यवीर विनायक दामोदर सावरकर यांच्या बद्दल स्वातंत्र्यवीर सावरकर यांच्या पुण्यतिथी दिवशी अपमानास्पद फेसबुक वर पोस्ट केल्याप्रकरणी परळीतील सावरकर प्रेमींनी रोष व्यक्त केला होता.याप्रकरणी वारंवार स्वातंत्र्यवीर सावरकर व अन्य महापुरुषांबद्दलअपमानास्पद मते ,आक्षेपार्ह टिप्पणी करुन सामाजिक शांतता भंग करणाऱ्या नरेश हालगे या  इसमाविरुद्ध आज (दि.२८) रोजी गुन्हा दाखल करण्यात आला आहे. एका निवेदनाद्वारे  अतिरिक्त पोलिस अधीक्षक स्वाती भोर व पोलीस निरीक्षक हेमंत कदम यांची भेट घेऊन गुन्हा दाखल करण्याची मागणी करण्यात आली होती. 

        परळी शहर पोलीस ठाण्यात याबाबत  गुन्हा दाखल करण्यात आला असुन भादवि कलम १५३ अ, ५०५(२) प्रमाणे आरोपी नरेश हालगे यांच्या विरोधात गुन्हा दाखल करण्यात आला आहे.नरेश हालगे ही व्यक्ती वारंवार फेसबुक व समाज माध्यमातून स्वातंत्र्यवीर सावरकर व अन्य हिंदुत्ववादी महापुरुषांच्या संदर्भात जाणीवपूर्वक अपमानास्पद व भावना दुखावण्याच्या उद्देशाने मजकूर, छायाचित्रे प्रसारित करणे. या इसमाविरुद्ध सामाजिक शांतता भंग करणे, महापुरुषांची बदनामी करणे,भावना दुखावणे आदींसाठी कारणीभूत धरुन गुन्हा दाखल करावा अशी आग्रही मागणी परळीतील सावरकर प्रेमींनी पोलीसांकडे केली होती. याप्रकरणी अखेर सामाजिक तेढ व शांतता भंग करण्यास कारणीभूत ठरल्या प्रकरणी नरेश हालगे या इसमाविरुद्ध गुन्हा दाखल करण्यात आला आहे. अधिक तपास सपोनि प्रदीप एकसिंगे हे करीत आहेत.