MB NEWS-चोर साडून सन्याशाला शिक्षा; शाळकरी मुलांना बेदम मारहान परळी शहर पोलिस ठाण्याच्या कर्मचाऱ्यांचा प्रताप
चोर साडून सन्याशाला शिक्षा; शाळकरी मुलांना बेदम मारहान
परळी शहर पोलिस ठाण्याच्या कर्मचाऱ्यांचा प्रताप
परळ । प्रतिनिधी
परळी शहरातील मोंढा भागांत फिरणाऱ्या लहान मुलांना परळी शहर पोलिस ठाण्याच्या पोलिस कर्मचाऱ्यांकडून अमाणूषपणे बेदम मारहाण करण्यात आली. हि घटना रविवारी सायंकाळच्या सुमारास घडली. याबाबत मुलाच्या पालकांनी पोलिसांकडे कारण विचारले असता कोणतेही कारण त्यांना देण्यात आले नाही.
सदरील घटनेबाबत सविस्तर वृत्त असे की, नगर पालिका व पोलिस यांच्या संयुक्त विद्यमाने परळीच्या मोंढा भागांतील अतिक्रमण हटाव मोहिम चालू होती. ही कारवाई चालू असतांना रस्त्याने जाणाऱ्या दोन शाळकरी मुलांना अडवून तिथे उपस्थित असलेल्या पोलिसांनी काठ्यांनी बेदम मारहाण केली. या मारहाणीत दान्हीही मुलांना मुका मार लागला आहे. शाळकरी मुलांना अडवून पोलिसांना मारहाण करण्याचा अधिकार कोणी दिला? असा सवाल पालकांनी उपस्थित केला आहे. चोर सोडून सन्याशालाच शिक्षा देण्याचा प्रताप परळी शहर ठाण्याच्या पोलिसांनी केला आहे. मारहाण का केली? या प्रश्नाचे उत्तर न मिळाल्याने या घटनेची तक्रार बीड जिल्हा पोलिस अधिक्षक आणि मानवाधिकार आयोगाकडे करण्याची पालकांची मानसिकता आहे.
टिप्पण्या
टिप्पणी पोस्ट करा