*पुजा चव्हाण मृत्यूप्रकरणी पाच कोटी घेतल्याचा आरोप : आरोप करणा-या महिलेवर परळीत गुन्हा दाखल
पुजाच्या वडिलांनी केली होती परळी पोलीसांकडे तक्रार परळी वैजनाथ: प्रतिनिधी...
पुजा चव्हाण मृत्यूप्रकरणी आई वडिलांनी पाच कोटी रुपये घेतल्याचा आरोप शांताबाई राठोड या महिलेने केला होता.हा आरोप बदनामीकारक व बेछुट आहे. हा आरोप करणारी महिला शांताबाई राठोडवर गुन्हा दाखल करण्यासाठी पुजाच्या वडिलांनी परळी पोलीसांकडे धाव घेतली. आज दि.२ रोजी दुपारी परळी शहर पोलीस ठाण्यात त्यांनी तक्रार दाखल केली. याप्रकरणी परळी शहर पोलीस ठाण्यात गुन्हा नोंदविण्यात आला आहे.
पूजा चव्हाण आत्महत्या प्रकरणावरून राज्यात राजकीय वातावरण चांगलेच पेटलेले आहे. या प्रकरणात अडचणीत सापडलेल्या शिवसेना नेते आणि वनमंत्री संजय राठोड यांना राजीनामा द्यावा लागलेला आहे.या प्रकरणातील नवनव्या घडामोडी मात्र रोज सुरुच आहेत. मयत पुजा चव्हाणचे वडील लहू चव्हाण यांनी आज दि.२ रोजी परळीत पोलीसांकडे धाव घेऊन आमच्यावर पाच कोटी रुपये घेतल्याचा आरोप करणा-या शांताबाई राठोड या महिलेवर गुन्हा दाखल करण्याची मागणी केली. पूजाचे वडील लहू चव्हाण यांनी सांगितले की,मुख्यमंत्र्यांनी या प्रकरणी चौकशीचे आदेश दिले आहेत. या प्रकरणाचे राजकारण का केले जात आहे?असा सवाल उपस्थित करुन आमच्यावर आरोप करणारी महिला शांताबाई राठोड हिचा व आमच्या कुटुंबाचा काहीही संबंध नसल्याचे त्यांनी सांगितले. आमच्या कुटुंबाची व मयत पुजाबाबत या महिलेला कसलीच आत्मियता नाही.विनाकारण वारंवार विविध वृत्तपत्रे, वृत्तवाहिन्या समोर येऊन या प्रकरणी बेताल वक्तव्ये करुन ती आमच्या कुटुंबाची बदनामी करीत असल्याचे लहु चव्हाण यांनी सांगितले.
पुजाच्या मृत्यूपेक्षा आमच्या कुटुंबाची बदनामी जास्त केली जात आहे. ती बदनामी थांबवा अशी आमची मागणी केली आहे. आमचे कुटुंब मुलीच्या अकाली व दुर्दैवी मृत्युच्या दु:खात असताना आम्ही या प्रकरणात पाच कोटी रुपये घेतल्याचा बिनबुडाचा व मनाला वेदना देणारा आरोप या महिलेने केला आहे.अगोदरच दु:खाचा डोंगर कोसळलेला असताना आमची रोज बदनामी केली जात असुन यामुळे संपूर्ण कुटुंब खचुन गेले आहे. आमच्यावर आरोप करणारी महिला शांताबाई राठोड हिच्यावर गुन्हा दाखल करण्याची मागणी मयत पुजाचे वडील लहु चव्हाण यांनी केली.
@@
*परळी शहर पोलीस ठाण्यात गुन्हा दाखल.......*
दरम्यान या प्रकरणी परळी शहर पोलीस ठाण्यात सायं.७.१५ वा. गुन्हा नोंदविण्यात आला आहे.मयत पुजा चव्हाण चे वडील लहु चव्हाण यांच्या फिर्यादीवरून आरोपी शांताबाई राठोड यांच्या विरोधात अदखलपात्र गुन्हा कलम ५००,५०१ प्रमाणे गुन्हा दाखल करण्यात आला आहे. अधिक तपास पोलीस निरीक्षक हेमंत कदम यांच्या मार्गदर्शनाखाली सपोनि प्रदीप एकशिंगे हे करीत आहेत.
टिप्पण्या
टिप्पणी पोस्ट करा