MB NEWS-परळीत थकबाकी व परमिटच्या नावाखाली विजेचा सारखा लपंडाव ऐन उन्हाळ्यात वितरण कंपनीने ग्राहकांना धरले वेठीस

 परळीत थकबाकी व परमिटच्या नावाखाली विजेचा रोजच सारखा लपंडाव

ऐन उन्हाळ्यात वितरण कंपनीने ग्राहकांना धरले वेठीस

परळी (प्रतिनिधी)

महाराष्ट्र राज्य विद्युत वितरण कंपनीने थकबाकी व परमिटच्या नावाखाली शहरात विजेचा लपंडाव सुरू केला असून विज ग्राहकांना वेठीस धरले जात आहे.

विज वितरण कंपनी दिवसभरात किती वेळेस लाईट घालवते याचे काही वेळापत्रक राहिलेले नाही. थकबाकीदार ग्राहकांची लाईट कट करण्यासाठी दिवसात 20-25 वेळा लाईट बंद करण्यात येत आहे. विज वितरण कंपनीने वसुलीच्या नावाखाली परमिट घेवून विज कट करतात पण विज कट करण्याचे वेळापत्रक काही केलेले नाही. विज कर्मचार्‍यांच्या मनमानी कारभारामुळे ग्राहक वैतागले गेले आहेत. वितरण कंपनीने विज घालवण्याचे वेळापत्रक तयार करून ग्राहकांसाठी ते वृत्तपत्रात छापली पाहिजे. वितरण कंपनी कार्यालयात एखाद्या ग्राहकाने फोन केला तर तेथील कर्मचार्‍यांना लाईट पुरवठा सुरू आहे कि नाही हे माहिती नसते हे विशेष.