MB NEWS-महिला महाविद्यालयात भारतरत्न डॉ बाबासाहेब आंबेडकर यांची जयंती साजरी*
*महिला महाविद्यालयात भारतरत्न डॉ बाबासाहेब आंबेडकर यांची जयंती साजरी*
परळी वैजनाथ दि.१४ (प्रतिनिधी)
शहरातील लक्ष्मीबाई देशमुख महिला महाविद्यालयात राष्ट्रीय सेवा योजनेच्या वतीने भारतरत्न डॉ बाबासाहेब आंबेडकर यांची १३० वी जयंती उत्साहात साजरी करण्यात आली.
राणी लक्ष्मीबाई टाँवर चौक परिसरात असलेल्या लक्ष्मीबाई देशमुख महिला महाविद्यालयात बुधवारी (ता.१४) भारतरत्न डॉ बाबासाहेब आंबेडकर यांच्या १३० व्या जयंती निमित्त शासनाने ठरवून दिलेल्या कोविड विषयक नियमांचे पालन करुन कार्यक्रमाचे आयोजन करण्यात आले होते. कार्यक्रमास संस्थेचे अध्यक्ष संजय देशमुख, प्राचार्या डॉ. आर.जे.परळीकर, संस्थेचे कोषाध्यक्ष प्रा.प्रसाद देशमुख, प्रा.डॉ. जगतकर, प्रा.डॉ. जोशी उपस्थित होते. कार्यक्रमाच्या सुरुवातीला संजय देशमुख, प्राचार्या डॉ. परळीकर यांच्या हस्ते डॉ बाबासाहेब आंबेडकर यांच्या प्रतिमेस पुष्पहार अर्पण करण्यात आला. यावेळी प्रा.डॉ.जगतकर, श्री.देशमुख, प्राचार्या डॉ. परळीकर यांनी डॉ बाबासाहेब आंबेडकर यांच्या जिवन कार्यावर प्रकाश टाकला. कार्यक्रमाचे प्रास्ताविक, सुत्रसंचालन,आभार प्रा.प्रविण फुटके यांनी मानले. यावेळी प्रमोद पत्की, सुहास कण्व, अनिल पत्की, राहूल जगतकर, प्रताप समिंदरसवळे, श्री.कट्टे आदी शिक्षक व शिक्षकेत्तर कर्मचारी उपस्थित होते.
टिप्पण्या
टिप्पणी पोस्ट करा