MB NEWS- *परळीच्या आरोग्य विभागाने फक्त कागदावरच लसीकरण करण्याचे ठरवले आहे काय ? - सेवकराम जाधव*
*परळीच्या आरोग्य विभागाने फक्त कागदावरच लसीकरण करण्याचे ठरवले आहे काय ? - सेवकराम जाधव*
परळी (प्रतिनिधी)
१८ ते ४४ वयोगटातील नागरिकांनी ऑनलाईन नोंदणी करून लसीचा लाभ घेण्याचे आवाहन वारंवार आरोग्य विभागाकडून केले जात आहे. ऑनलाईन नोंदणी चा मुळात हेतू हा की शिस्तबद्ध पद्धतीने सोशल डिस्टन्स पाळल्या जाऊन लसीकरण व्हावे. लसीकरणा दरम्यान कोरों ना 19 चा संसर्ग होता कामा नये परंतु फक्त ऑनलाईन नोंदणी वरच न थांबता ऑफलाइन नोंदणी पण बंधनकारक केली असल्याकारणाने लसीकरणाच्या लाभार्थ्यांना दोन दोन वेळा लसीकरण केंद्रावर चकरा कराव्या लागत आहेत. त्यातही परत लसीचे शॉर्टेज असल्याकारणाने दिवसभर रांगेत उभे राहून घरी परतावे लागते आणि याच्याही पुढे जाऊन आरोग्य विभागाच्या यंत्रणेकडून फक्त नाव नोंदणी केली पण व्यक्तीला लस मिळाली पण नाही अशांना ही लस घेतल्याचे संदेश व सर्टिफिकेट मिळत आहेत म्हणून प्रश्न असा पडतो की परळीच्या आरोग्य विभागाने फक्त कागदावरच लसीकरण मोहीम पूर्ण करावयाचे ठरवले आहे की काय ?
दैनिक जनशक्ती चे कार्यकारी संपादक सेवकराम जाधव यांनी आरोग्य विभागास असा प्रश्न केला आहे.
टिप्पण्या
टिप्पणी पोस्ट करा