MB NEWS-मिलिंद विद्यालय मुख्याध्यापक व कनिष्ठ महाविद्यालय प्राचार्यपदी रमेश कोमवार
मिलिंद विद्यालय मुख्याध्यापक व कनिष्ठ महाविद्यालय प्राचार्यपदी रमेश कोमवार
परळी वैजनाथ, प्रतिनिधी
येथील मिलिंद माध्यमिक व उच्च माध्यमिक विद्यालय मुख्याध्यापक/ प्राचार्य पदी शाळेचे जेष्ठ शिक्षक रमेश कोमवार यांची पदोन्नती ने नियुक्ती करण्यात आली आहे. शाळेचे मुख्याध्यापक/ प्राचार्य पवार हे सेवानिवृत्त झाल्याने हे पद रिक्त झाले होते.संस्थेचे अध्यक्ष अनंतराव जगतकर यांनी नवनियुक्त मुख्याध्यापक/ प्राचार्य रमेश कोमवार यांचा सत्कार केला.त्यांच्या नियुक्ती बदल सर्व स्तरातून अभिनंदन होत आहे.
रमेश कोमवार हे परळी शहरात सर्व परिचित व्यक्तीमत्व आहे. शहरातील एक अभ्यासू, उपक्रमशील व संवेदनशील शिक्षक म्हणून त्यांची ओळख आहे.गेल्या अनेक वर्षांपासून मिलिंद मा.विद्यालयात त्यांनी अध्यापन सेवा बजावत अनेक विद्यार्थी घडवले आहेत. मितभाषी परंतु कर्तव्यदक्ष शिक्षक म्हणून त्यांची आजपर्यंत वाटचाल राहिलेली आहे. विद्यार्थी केंद्रित सेवा हे त्यांचे वैशिष्ट्य राहिलेले आहे.सर्व सहकारी शिक्षकवृंद, कर्मचारी व विद्यार्थी प्रिय असा मुख्याध्यापक/ प्राचार्य त्यांच्या माध्यमातून संस्थेला लाभला आहे. शाळा व महाविद्यालयाची गुणवत्तेची परंपरा कायम ठेवून सर्वांचे सहकार्य, संस्था अध्यक्ष, पदाधिकारी यांच्या मार्गदर्शनाखाली गुणवत्तेचा आलेख आणखी वाढवून विद्यार्थ्यांना दर्जेदार, गुणवत्ता पूर्ण शिक्षण देवून गुणवंत विद्यार्थी घडवण्यासाठी प्रयत्नशील राहिल अशी ग्वाही या नियुक्ती नंतर कोतवाल यांनी दिली.त्यांच्या नियुक्ती बदल सर्व स्तरातून अभिनंदन होत आहे.
टिप्पण्या
टिप्पणी पोस्ट करा