MB NEWS-परळी पोलीसांची गाडी अंबाजोगाई रस्त्यावर पलटली ! दोन आरोपींना लातुरला सोडुन येत असताना घडली घटना

 परळी  पोलीसांची गाडी अंबाजोगाई रस्त्यावर पलटली !

दोन आरोपींना लातुरला सोडुन येत असताना घडली घटना

 परळी वैजनाथ, प्रतिनिधी.......

  दोन आरोपींना लातुरला सोडून येत असतानाअसताना परळी पोलीसांची गाडी अंबाजोगाई रस्त्यावर पलटली.हा अपघात काल दि.२१ रात्री घडला आहे.

      याबाबत माहिती अशी की, परळी शहर पोलिस ठाण्याची बोलेरो गाडी घेऊन पो.हे.काॅ. चट्टे व दोन होमगार्ड हे लातुरकडून परळीला परत जात होते.परळी पोलीसांच्या ताब्यात असलेल्या दोन आरोपींना लातुरला तुरुंगात सोडण्यासाठी गेलेली ही गाडी परत येताना गिरवलीच्या पुढे अंबाजोगाई रस्त्यावर असतांनाच पलटली व आपघात घडला.यात गाडीचे मोठे नुकसान झाले आहे. तसेच पो.हे.काॅ. चट्टे व दोन होमगार्ड जखमी झाले आहेत. त्यांच्यावर अंबाजोगाई येथे उपचार सुरु आहेत.

      दरम्यान पोलीसांना देण्यात आलेल्या गाड्यांची आता खुप जुन्या झालेल्या आहेत.पोलीसांना नविन अद्यावत गाड्या उपलब्ध करुन देण्यात याव्यात अशी अनेक दिवसापासून मागणी आहे.अशा अपघातानंतर ही मागणी ऐरणीवर आली आहे.