MB NEWS-ओबीसी आरक्षणासाठी पंकजाताई मुंडे यांच्या नेतृत्वाखाली होणा-या चक्का जाम आंदोलनात मोठ्या संख्येने सहभागी व्हा -राजेश गिते
ओबीसी आरक्षणासाठी पंकजाताई मुंडे यांच्या नेतृत्वाखाली होणा-या चक्का जाम आंदोलनात मोठ्या संख्येने सहभागी व्हा -राजेश गिते
परळी (प्रतिनिधी) - सर्वोच्च न्यायालयाच्या निकालानुसार राज्यातील ओबीसी समाजाचे राजकीय आरक्षण संपुष्टात आले आहे.या निकालामुळे ओबीसी समाजात प्रचंड असंतोष आहे.राज्यातील महाविकास आघाडी सरकार आपली बाजू मांडण्यात कमी पडले त्या मुळे सर्वोच्च न्यायालयात निकाल विरोधात गेला अशी ओबीसी समाजाची भावना आहे .
ओबीसी समाजाला न्याय मिळवून देण्यासाठी भाजपा राष्ट्रीय सचिव तथा ओबीसी नेत्या मा पंकजाताई गोपीनाथराव मुंडे यांनी राज्यातील आघाडी सरकार विरोधात तीव्र आंदोलन करण्याचा इशारा दिला आहे.तसेच न्यायालयीन लढाई लढण्याचे जाहिर केले आहे.
या अनुषंगाने मा पंकजाताई गोपीनाथराव मुंडे यांनी २६जुन रोजी महाराष्ट्रात चक्का जाम आंदोलन करण्याचे जाहीर केले आहे.या आंदोलनाच्या माध्यमातून राज्यातील आघाडी सरकार विरोधात तीव्र आक्रोश व्यक्त करण्यात येणार आहे
मा. पंकजाताई मुंडे यांच्या नेतृत्वाखाली होणा-या या चक्का जाम आंदोलनात सर्वांनी मोठ्या संख्येने सहभागी व्हावे असे आवाहन भाजपा नेते राजेश गिते यांनी केले आहे.
टिप्पण्या
टिप्पणी पोस्ट करा