MB NEWS-परळीतील 'रात्रीस खेळ चाले': दहशत माजवणार्या समाजकंटकांना तात्काळ अटक करून कडक कार्यवाही करावी-भाजयुमो

 परळीतील 'रात्रीस खेळ चाले': दहशत माजवणार्या समाजकंटकांना तात्काळ अटक करून कडक कार्यवाही करावी-भाजयुमो

परळी (प्रतिनिधी)..12 जून रोजी मध्यरात्री परळी शहरातील पंचवटी नगर,तळ परिसर,टॉवर परिसर,पद्मावती गल्ली,कृष्णा नगर,गणेश पार या भागांत जवळपास 35 ते 40 चारचाकी,दोन चाकी गाड्यांची तोडफोड करून गावगुंडांकडून दहशत माजवण्याचा प्रयत्न करण्यात आला. या गावगुंडांनी वेगवेगळ्या भागांत केलेली दहशत सामान्य परळीतील नागरिकांना धडकी भरवणारी घटना आहे.

 या घटनेतील आरोपी तात्काळ अटक करून कडक कार्यवाही करावी अशी मागणी भारतीय जनता युवा मोर्चा परळी च्या वतीने पोलीस उप अधीक्षक सुनील जायभाये साहेब यांना निवेदनाद्वारे देण्यात आले.

  यावेळी भारतीय जनता युवा मोर्चा परळीचे ऍड.अरुण पाठक, नितीन समशेट्टी,नरेश पिंपळे,अनिश अग्रवाल,पवन मोदानी,योगेश पांडकर,अश्विन मोगरकर,प्रल्हाद सुरवसे,गोविंद चौरे,वैजनाथ रेकने,दिलीप नेहरकर,श्रीपाद शिंदे,शाम गित्ते आदी उपस्थित होते.